2016-17 ఆర్థిక సంవత్సరానికి వృత్తిపరమైన దుష్ప్రవర్తనకు సంబంధించి ట్రైలాజిక్ డిజిటల్ మీడియా లిమిటెడ్ (టీడీఎంఎల్) చట్టబద్ధమైన ఆడిట్ కోసం ఎంగేజ్‌మెంట్ పార్టనర్  సుబ్రమణ్యం బెంగాలీ & అసోసియేట్స్‌కు చెందిన సిఏ రాజీవ్ బెంగాలీని నేషనల్ ఫైనాన్షియల్ రిపోర్టింగ్ అథారిటీ (ఎన్‌ఎఫ్‌ఆర్‌ఏ) కంపెనీల చట్టం 2013 (చట్టం) సెక్షన్ 132(4) ప్రకారం ఆదేశాలు జారీ చేసింది.   రూ. ఐదు లక్షల జరిమానా విధించడమే కాకుండా ఏదైనా కంపెనీ, బాడీ కార్పొరేట్‌కు చట్టబద్ధమైన ఆడిటర్, అంతర్గత ఆడిటర్‌గా నియమించబడకుండా  ఎన్‌ఎఫ్‌ఆర్‌ఏ  ఆయనను ఐదేళ్లపాటు నిషేధించింది.

వృత్తిపరమైన దుష్ప్రవర్తన విచారణ సమయంలో కొన్ని ప్రధాన లోపాలు గుర్తించారు.  

• టీడీఎంఎల్ ఫైనాన్షియల్ స్టేట్‌మెంట్‌లలో క్యాష్ ఫ్లో స్టేట్‌మెంట్‌ను చేర్చనప్పటికీ క్యాష్ ఫ్లో స్టేట్‌మెంట్ ఆడిట్‌ను ఆడిటర్ తప్పుగా నివేదించారు. కల్పిత నగదు లావాదేవీల ప్రకటనతో ఎన్‌ఎఫ్‌ఆర్‌ఏని తప్పుదారి పట్టించేందుకు ఆడిటర్  ప్రయత్నించారు. 
• కంపెనీ వ్యవహారాలపై వాస్తవమైన, న్యాయబద్ధమైన దృక్పథాన్ని ప్రతిబింబించని ఫైనాన్షియల్ స్టేట్‌మెంట్‌లపై మార్పులేని ఆడిట్ అభిప్రాయాన్ని జారీ చేయడంలో ఆడిటర్ చాలా నిర్లక్ష్యంగా వ్యవహరించారు. 
• టీడీఎంఎల్  రూ. 24.06 కోట్ల ఇతర ఇతర ఖర్చులను గుర్తించింది. రూ. 14.87 కోట్ల చిల్లర ఖాతాను రద్దు చేసింది, ఇది మొత్తం ఖర్చులు రూ.71.43 కోట్లలో 54.50%. అటువంటి ఖర్చులు అంతకుముందు సంవత్సరం ఇదే ఖర్చులు రూ. 1.28 కోట్ల కంటే 3041% ఎక్కువ. అటువంటి అసాధారణ లావాదేవీలు ఉన్నప్పటికీ మోసం కారణంగా మెటీరియల్ మిస్టేట్‌మెంట్‌ల సంభావ్యత పట్ల తగిన శ్రద్ధతో మరియు వృత్తిపరమైన సందేహాన్ని కొనసాగించడంలో ఆడిటర్ విఫలమయ్యారు.

వివరణాత్మక పెనాల్టీ ఆర్డర్‌ను  ఎన్‌ఎఫ్‌ఆర్‌ఏ  వెబ్‌సైట్‌లో యాక్సెస్ చేయవచ్చు:  https://nfra.gov.in.

***