কম্ম্যুনিকেসন্স, ইলেক্ত্রোনিক্স এন্দ ইনফোর্মেসন তেক্নোলোজী অমসুং রেলৱেজকী মন্ত্রী শ্রী অস্বিনী বৈষ্ণবনা হয়েং পাঙথোক্কদৌরিবা দিজিতেল ইনফ্রাস্ত্রকচর প্রোভাইদর্স এসোসিএসন (দি.আই.পি.এ.)গী এনুএল ফ্লেগসিপ ইভেন্ত ২০২২দা অথোইবা মীথুং ওইনা শরুক য়াগদৌরি‍। কম্ম্যুনিকেসন্সকী রাজ্য মন্ত্রী শ্রী দেবুসিন্হ চৌহান্না ইকায়খুম্নরবা মীথুং ওইগনি‍।

দিজিতেল ইনফ্রাস্ত্রকচর প্রোভাইদরশিংগী অপুনবা ইন্দস্ত্রী বোদী অমা ওইরিবা দি.আই.পি.এ. “গতি শক্তি ভিজন ফোর ৫জি এন্দ বিয়োন্দ” হায়বা হীরমসিদা চহি অসিগী এনুএল ফ্লেগসিপ ইভেন্ত পাঙথোক্নবা শেম শাবা পুম্নমক লোইরে‍। থৌরম অসি ২০২২গী ওইনা তেলিকোম ইন্দস্ত্রীগী খ্বাইদগী চাউবা থৌরম্নি হায়রি‍।

থৌরম অসিগী থীম “গতি শক্তি ভিজন ফোর ৫জি এন্দ বিয়োন্দ” হায়রিবা অসি, শরুক য়ারিবশিংনা “আর.ও.দব্লিউ. অমসুং পোলিসী ওন স্ত্রীত ফর্নিচর, স্মার্ত সিতীগা লোয়ননা পাক চাউরবা দিজিতেল ইনফ্রাস্ত্রকচরশিং থোং মান্ননা চৎমিন্নবা, ইনফ্রাস্ত্রকচর – ৪.০ ফ্রন্তিয়র ফোর দিজিতেল ত্রান্সফোর্মেসন অমসুং ইন্তিগ্রেতেদ ইনফ্রাস্ত্রকচর দেভেলপমেন্ত: ফাইনেন্সিএল ওপোর্চুনিতিজ” হায়রিবা হীরমশিং অসিদা খন্ননবা থৌরাং তৌবগা লোয়ননা লৈবাকসিগী তেলিকোম ইনফ্রাস্ত্রকচরবু হেন্না মরা চেৎহনবদা মতেং পাংলিবা পি.এম. মোদীগী গতি শক্তি নেস্নেল মাস্তর প্লানগী পরিংদা পায়খৎপনি‍।

পেনেলশিংগী মরক্তা প্রাইভেৎ অমসুং পব্লিক সেক্তরশিংদগী এক্সপর্তশিং য়াওরি অমদি মখোয়না মীপুম খুদিংগী পুন্সিদা অমদি লৈবাক্কী চাওখৎপদা ৫জি.গী শাফুগী মরমদা মখোয়গী ৱাখল্লোনশিং ফোঙদোক্নগনি‍।

থৌরম অসি নই দিল্লীগী জনপথতা লৈবা হোতেল দি ইম্পিরিএলদা সেপ্তেম্বর ১৪, ২০২২দা পাঙথোক্কনি‍। দি.আই.পি.এ. এনুএল ফ্লেগসিপ ইভেন্ত দিজিতেল ইনফ্রাস্ত্রকচর প্রোভাইদর্স এসোসিএসন (দি.আই.পি.এ.)গী দাইরেক্তর জেনেরেল শ্রী তি.আর. দুৱানা ৱাহৌদোক পীদুনা নুংথিল পুং ২:৩০ তাবা মতম হৌগনি অমদি কম্ম্যুনিকেসন্স, ইলেক্ত্রোনিক্স এন্দ ইন্ফোর্মেসন তেক্নোলোজী অমসুং রেলৱেজকী মন্ত্রী শ্রী অস্বিনী বৈষ্ণবনা অথোইবা মীথুং ওইনা, কম্ম্যুনিকেসন্সকী রাজ্য মন্ত্রী শ্রী দেবুসিন্হ চৌহান্না ইকায়খুম্নরবা মীথুং ওইনা, তি.আর.এ.আই. চেয়রমেন দোক্তর দি.পি. ভঘেলা, আই.এ.এস., দি.সি.সি. চেয়রমেন অমসুং দিপার্তমেন্ত ওফ তেলিকম্ম্যুনিকেসন্স (দি.ও.তি.)গী সেক্রেতরী (তি.) শ্রী কে. রাজারমন, আই.এ.এস., মনিপুরগী চীফ সেক্রেতরী দোক্তর রাজেস কুমার, দিজিতেল ইনফ্রাস্ত্রকচর প্রোভাইদর এসোসিএসনগী চেয়রমেন শ্রী অখিল গুপ্তা অমসুং দিজিতেল ইনফ্রাস্ত্রকচর প্রোভাইদর্স এসোসিএসনগী দাইরেক্তর জেনেরেল শ্রী তি.আর. দুৱানা শরুক য়াগদবা মিনিস্তরিএল সেসন নুংথিল পুং ৫:৫০ তাবা মতমদগী হৌগনি‍।

দি.আই.পি.এ.না দিপার্তমেন্ত ওফ তেলিকম্ম্যুনিকেসন্স (দি.ও.তি.)বু দি.আই.পি.এ.গী এনুএল ফ্লেগসিপ ইভেন্ত ২০২২গী সপ্পোর্তিং পার্তনর, কম্ম্যুনিকেসন তুদেবু মিদিয়া পার্ত্নর, তৱরএক্সচেঞ্জপু কম্ম্যুনিতী পার্ত্নর অমসুং ই.ৱাই.বু থৌরম অসিগী নোলেজ পার্ত্নর ওইনা শকখঙলি‍।

***