منشیات کی لعنت کے خطرناک مضمرات  کے پیغام کو نوجوانوں تک پہنچانے کی فوری ضرورت  اور نوجوانوں میں این سی سی کے زیادہ اثر و رسوخ کو  تسلیم  کرتے ہوئے ، سماجی انصاف اور تفویض اختیارات کی وزارت  نے  آج  نئی دہلی کے  ڈاکٹر امبیڈکر انٹرنیشنل سینٹر  (ڈی اے آئی سی) میں  این سی سی کیڈڈس کےساتھ تبادلہ خیال   اور منشیات  کے استعمال کے خلاف     عوامی عہد  کا اہتمام کیا ۔

وزیر دفاع جناب راج ناتھ سنگھ اور سماجی انصاف اورتفویض اختیارات کے مرکزی وزیر ڈاکٹر وریندر کمار نے مشترکہ طور پر  تبادلہ خیال  سے متعلق    اس پروگرام کی صدارت کی۔این سی سی کے کئی ریاستوں کے ڈائریکٹروں  نے لائیو سٹریمنگ کے ذریعے  اس پروگرام میں حصہ لیا۔

وزیر دفاع جناب راج ناتھ سنگھ نے کہا کہ این سی سی کیڈٹس کی فعال شمولیت سے توقع ہےکہ  سماجی انصاف اور  تفویض اخیتارات  کا محکمہ اس مہم کو نئی بلندیوں تک لے جائےگا اور  نشہ مکت بھارت کےنشانے کو حاصل کرےگا۔

سماجی انصاف اور تفویض اختیارات کے مرکزی وزیر ڈاکٹر وریندر کمار نے کہا کہ منشیات کی لت معاشرے اور خاندان کے لیے ایک بڑا مسئلہ ہے۔ سماجی تنظیموں کے ساتھ ساتھ این سی سی کیڈٹس کے ساتھ تعلیمی اداروں کو لوگوں کو اس کے برے نتائج سے آگاہ کرنے کی ضرورت ہے۔

ریاستوں کی سماجی بہبود کے محکموں کے پرنسپل سکریٹریز، ڈاکٹر امبیڈکر چیئر تعلیمی اداروں اور تعلیمی اداروں کے طلباء نے  آن لائن تقریب میں شرکت کی۔ تمام ضلع کلکٹروں سے کہا گیا ہے کہ وہ اپنے اپنے اضلاع میں این سی سی کیڈٹس اور نوجوانوں کے ساتھ شرکت میں  سہولت فراہم کریں   اور انٹرایکشن اور عہد لینے کی تقریب کی نگرانی    کریں۔ اس تقریب میں ملک بھر کے ہزاروں این سی سی کیڈٹس اور نوجوانوں نے شرکت کی۔

سماجی انصاف اور  تفویض اختیارات کا محکمہ منشیات کی مانگ میں کمی کے لیے حکومت ہند کا  ایک نوڈل محکمہ ہے۔ نوجوانوں، بچوں اور کمیونٹی میں بیداری پیدا کرنے ہندوستان کےلیے حکومت ہند نے   15 اگست 2020 کو 272 نشان زد اضلاع  میں نشا مکت بھارت ابھیان (این ایم بی اے) کا آغاز کیا ہے۔ اب تک 8 کروڑ سے زیادہ لوگ بشمول 3 کروڑ نوجوان، 2 کروڑ خواتین اور 1.59 لاکھ تعلیمی ادارے این ایم بی اے کا حصہ بن چکے ہیں۔

ش  ح۔ ف ا  ۔ ج

UNO-10197