কেন্দ্রগী এজুকেসন অমসুং স্কিল দিবেলপমেন্ত মন্ত্রী শ্রী ধর্মেন্দ্র প্রধাননা স্কিল দিবেলপমেন্ত অমসুং ওন্ত্রপ্রিন্যুরশিপ মন্ত্রালয়গী মখাদা ত্রেনিং ইন্সতিত্যুৎশিং নৌনা মঙলান শাগৎপগী মতাংদা পাঙথোকপা ব্রেন্সতোর্মিং সেসন্দা শরুক য়াখ্রে। এম.ও.এস., স্কিল দিবেলপমেন্ত অমসুং ওন্ত্রপ্রিন্যুরশিপ শ্রী রজীব চন্দ্রসেখর; সেক্রেতরী, এম.এস.দি.ই., শ্রী রাজেশ অগর্ৱালগা লোইননা কেপাসিতী বিল্দিং কম্মিসন, দি.জি.তি., এন.এস.তি.আই., এন.আই.ই.এস.বি.য়ু.দি. অমসুং স্কিল মন্ত্রালয়গী মকোক থোংবা ওফিসিএলশিংসু থৌরম অদুদা শরুক য়াখি।

শরুক য়াখিবশিংগী মফমদা ৱা ঙাংলদুনা শ্রী প্রধাননা হায়খি মদুদি ঐখোয়গী মালেম অসিদা তেক্নোলোজী খোঙজেল য়াঙনা চাউখৎলক্লি। এজুকেসন্দগী হকশেল ফাওবদা, লৌউশিংউদগী শেলথুম ফাওবদা, সেক্তর খুদিংমক্তা তেক্নোলোজীনা মরম ওইদুনা মমাংদা উখিদ্রিবা চাউখৎপা কয়া অমা উরে। মসিনা অনৌবা খুদোংচাবা কয়া অমা পীরি অমসুং অনৌবা স্কিলগী লেন্দস্কেপ অমা তঙাইফদবা লাক্লি হায়না মহাক্না ফোংদোকখি।

মন্ত্রী অসিনা পুক্নিং চিংশিনলদুনা হায়খি মদুদি ত্রেনরশিংগী ওইবা কেপাসিতী অমা শাগৎপা হায়বসি ২১শুবা চহি চাগী য়াম্না ফবা ৱার্কফোর্স অমা শাগৎপদা মরুওই। ত্রেনিং ইন্সতিত্যুৎশিংনসু নৌনা ৱাখল পুথোক্কদবনি অমসুং স্কিলস একোসিস্তেম অসিবু হেন্না মপাঙ্গল লৈহন্নবা তুংগী ওইবা মপুং ফাবা থৌরাং য়াৎনবা হোৎনগদবনি হায়না মহাক্না ফোংদোকখি। শ্রী প্রধাননা মখা তারদুনা হায়খি মদুদি মথংগী চহি ৩ অসিদা ঐখোয়না ত্রেনর লাখ ২৫ রোম পুথোক্নবা শেম শাগদবনি। এম.এস.দি.ই.গী মখাদা লৈরিবা ত্রেনিং ইন্সতিত্যুৎশিং অসিনা ঐখোয়না নেক্স-জেন ৱার্কফোর্স পুথোক্নবা হোৎনবদা চঙলিবা অফবা ত্রেনর পুথোক্নবা হোৎনরিবা অসিগী হোতস্পোৎ অমা ওইরগনি হায়না মহাক্না মখা তাখি। মহাক্না হায়খি মদুদি প্রধান মন্ত্রী শ্রী নরেন্দ্র মোদীনা ভারতপু স্কিল হব অমা ওইহন্নবা মঙলান শাগৎলি। মহাক্না অণৌবা স্কিল একোসিস্তেম অমা শাগৎনবা অমসুং ভারতপু মালেমগী ওইবা স্কিল কেপিতেল অমা ওইহন্নবগীদমক  অহেনবা ইন্নোভেসন, ইন্সতিত্যুসনেল রিফোর্ম, অনৌবা আইদিয়া, ইন্তর্নেসনেল কোলাবোরেসন, তেক্নোলোজী কয়া অমা পুশিন্নবা পুক্নিং চিংশিল্লি।

***************