সাইন্স অমসুং তেক্নোলোজিগী রাজ্য মন্ত্রী (মনিংতম্বা); আর্থ সাইন্সেসকী রাজ্য মন্ত্রী (মনিংতম্বা); পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা কেন্দ্র অমসুং রাজ্যশিংগী মরক্তা খ্বাইদগী ফবা তেক্নোলোজিগী থবকশিং পীথোক-পীশিন তৌন্নবা দাসবোর্দ অমা থম্নবা ঙসি লাউথোকখ্রে।

অহমেদবাদকী সাইন্স সিতিদা নুমিৎ নিনী পাংথোকখিবা “সেন্তর-স্তেৎ সাইন্স কনক্লেব” লোইশিনবা থৌরমদা প্রসিদেন্দ ওইনা শরুক য়ারদুনা দোক্তর জিতেন্দ্রনা হায়খি মীফম অসিগী তুংদা থবক ওইনা পাংথোক্নবা মতেং পীনবা অমসুং য়েঙশিন্নবা সাইন্স অমসুং তেক্নোলোজি দিপার্তমেন্তনা অৱাংবা থাক্কী থৌরাং অমা পুথোক্লগনি।

খ্বাইদগী ফবা তেক্নোলোজিগী থবকশিং খঙদোক্নবা অমসুং শরুক য়ামিন্ননবা অখন্নবা কম্মিতিগী মতেং পাংনবা নোদেল ওফিসার অমা হাপ্নবা দোক্তর জিতেন্দ্র সিংহনা রাজ্যশিংদা খঙহনখ্রে।

ওক্তোবর ২০২১দা রাজস্থানগী জোধপুরদা হৌদোকখিবা হেলি-বোর্ন তেক্নোলোজি খুদম ওইনা পীরদুনা, দোক্তর জিতেন্দ্রনা হায়খি রাজস্থান, গুজরাত, পঞ্জাব অমসুং হরিয়ানা রাজ্যশিংদা হেলি-বোর্ন সর্ভেগী খ্বাইদগী নৌবা তেক্নোলোজি অসি শীজিন্নরে। মসিগী তেক্নোলোজি অসি দাসবোর্দতা থাগৎলবদি, ঈশিং লৈফম থিনবা অমসুং ঈশিং শেংদোক্নবা সি.এস.আই.আরগী তেক্নোলোজি অসি অতোপ্পা রাজ্যশিংনা শীজিন্নবা য়াই অমসুং মসিনা লৈবাক অসিগী মীওই মিল্লিয়ন কয়া কান্নবা ফংহনগনি।

দোক্তর জিতেন্দ্রনা হায়খি মসিনা প্রধান মন্ত্রী নরেন্দ্র মোদীগী “হর ঘর নল সে জাল”দা মতেং পাংগনি অমসুং “লৌমীশিংগী শেন্থোক শরুক অনিদা হেনগৎহনবা” হায়রিবা পান্দম অসি ফংবা ঙমগনি। ঈশিং ফংবা মফমশিংদা লৈনুংদা লৈবা ঈশিং থিনবা সি.এস.আই.আরনা খ্বাইদগী নৌবা অফবা তেক্নোলোজি শীজিন্নরে অমসুং মসিনা লৈনুংদগী অফবা থক্নবা ঈশিং শীজিন্নবদা মতেং পাংলে।

নুমিৎ নিনীগী ‘সেন্তর-স্তেৎ সাইন্স কনক্লেব’ অদু ঙরাং অহমেদবাদকী সাইন্স সিতিদা প্রধান মন্ত্রী শ্রী নরেন্দ্র মোদীনা হৌদোকখিবনি।

দোক্তর জিতেন্দ্রনা হায়খি লৌউ-শিংউ, থক্নবা ঈশিং ফংনবা অনৌবা তেক্নোলোজি শীজিন্নবা, দি.এস.তিনা পুথোকপা হেলি বোর্নগী থবকশিং, মৈখু থাংদবা ইনর্জি অমসুং হায়দ্রোজেন মিসন্দা সাইন্স অমসুং তেক্নোলোজিগী থৌদাং, দিব সি মিসন, দিজিতেল হেল্থকিয়ার অমসুং নেসনেল ইজুকেসন পোলিসিগী মতাংদা রাজ্যশিংগী সাইন্স অমসুং তেক্নোলোজিগী মিনিস্তরশিংগা মরুওইবা মীফম পাংথোকখিবা অসি অপেনবা পোকই।

লৌউ-শিংউ, দ্রোন, আর্তিফিসিএল ইন্তিলিজেন্স, বাইওতেক্নোলোজগী পাম্বৈশিং, শিঙ্গল য়ুজ প্লাস্তিক্কী মহুৎশিন্নবা পোৎলমশিং, ঈথৈ-লৌখোঙ, দিজিতেল হেল্থ য়াওনা অতৈ হিরম কয়াদা সাইন্তিফিক ওইবা পাম্বৈশিং পুথোক্নবা স্তার্দ-অপ অমসুং উদোগ ১০০ হেনবগী সি.ই.ওশিংগা মীফম অদুদা অখন্নবা মীফম অমা পাংথোকখি। তেক্নোলোজি খরদা রাজ্য অয়াম্বা অপাম্বা ফোঙদোকখি অমসুং মখোয়গী রাজ্যগী ওইবা অখন্নবা তেক্নোলোজিগী পাম্বৈশিং পুথোক্নবা স্তার্দ-অপ খরগা থবক তৌমিন্নবা হায়না য়ানখি।

*****