تجارت اور صنعت، امور صارفین، خوراک اور عوامی نظام تقسیم اور ٹیکسٹائل کے مرکزی وزیر جناب پیوش گوئل نے کہا کہ بھارت 2047 تک عالمی ترقی کو فروغ دینے والا پاور ہاؤس بننے کی راہ پر گامزن ہے۔ انہوں نے یہ بات جنوبی کیلیفورنیا کی تاجر برادری کے ساتھ بات چیت کرتے ہوئے کہی۔

اپنے خطاب میں وزیر موصوف نے کہا کہ بھارت-بحرالکاہل اقتصادی فریم ورک (آئی پی ای ایف) کا اختتام ہم خیال ممالک کے ساتھ آزادانہ اور منصفانہ تجارت کے لیے ایک اہم سنگ میل ہے، جن کا اصول پر مبنی بین الاقوامی نظام اور ایک شفاف اقتصادی نظام کا مشترکہ مقصد ہے۔ انہوں نے مزید کہا کہ بھارت-بحرالکاہل میں سیاسی طور پر مستحکم اور کھلی معیشتیں ایک دوسرے کے درمیان اقتصادی سرگرمیوں کو بڑھانے کے لیے اکٹھی ہو رہی ہیں۔

اجتماع سے خطاب کرتے ہوئے جناب گوئل نے کہا کہ بھارت میں جو تبدیلی کا کام ہو رہا ہے، اس نے ملک کو عالمی معیشتوں میں پانچویں مقام پر پہنچا دیا ہے۔ پچھلے کچھ سالوں میں ہونے والی بنیادی تبدیلیوں اور ساختی تبدیلیوں کے اثرات کا جائزہ لیتے ہوئے جناب گوئل نے ذکر کیا کہ سی آئی آئی کا تخمینہ ہے کہ 2047 میں بھارت 35-45 ٹریلین امریکی ڈالر کی معیشت ہو گا، جو بھارت کو ترقی یافتہ ممالک کی صف میں لے جائے گا۔

اس بات پر زور دیتے ہوئے کہ بھارت آج مواقع کی سرزمین اور امریکہ میں کاروباری برادری کے لئے ایک ممکنہ بازار ہے، انہوں نے کہا کہ بھارت کو بڑی آبادی کا فائدہ ہے اور اس کی امنگوں والی نوجوان آبادی ترقی کا بہت بڑا موقع فراہم کرتی ہے۔ جناب گوئل نے ذکر کیا کہ بھارت بھی تیزی سے آلودگی سے پاک توانائی کی طرف منتقل ہو رہا ہے۔ انہوں نے مزید کہا کہ ہم 2030 تک 500 گیگا واٹ سبز توانائی کی صلاحیت حاصل کرنے کی خواہش رکھتے ہیں۔

وزیر موصوف نے کہا کہ وزیر اعظم جناب نریندر مودی نے ملک میں سیاسی استحکام لایا ہے اور ان کی قیادت میں ہمارے پاس ایک ایسی حکومت ہے جو فیصلہ کن اور خوشحال بھارت کے مفاد میں مضبوط فیصلے لینے کے لیے تیار ہے، عوامی بھلائی اور ضرورت مندوں کی سماجی بہبود میں توازن رکھتی ہے۔ محروم طبقہ اور اس کے ساتھ ساتھ 1.3 بلین شہریوں کو بااختیار بنا کر بہتر شہری بن کر ملک کی اقتصادی ترقی اور ترقی میں اپنا حصہ ڈالتے ہیں۔ پچھلے کچھ سالوں میں حکومت کی طرف سے کئے گئے فلاحی اقدامات کے بارے میں بات کرتے ہوئے جناب گوئل نے کہا کہ حکومت لوگوں کی بنیادی ضروریات - خوراک کی حفاظت- پناہ گاہ اور بیت الخلاء تک رسائی کو پورا کرنے میں کامیاب رہی ہے۔

جناب گوئل نے کہا کہ "ہمیں تمام جمہوریتوں کا سرچشمہ ہونے پر فخر ہے۔ ہمیں ایک متحرک عدلیہ اور قانون کی حکمرانی، مضبوط میڈیا اور شفاف حکومتی نظام پر فخر ہے۔"

یہ نوٹ کرتے ہوئے کہ بھارت آج دنیا کے قابل بھروسہ شراکت دار کے طور پر ابھرا ہے، جناب گوئل نے کہا کہ بھارت اب قابل قدر سامان اور خدمات کے اعلیٰ معیار کے صنعت کار کے طور پر ابھرا ہے، جس میں مہارتیں اور صلاحتیں تمام شعبوں، آئی ٹی، ٹیکسٹائل، ہاسپٹلٹی، جواہرات اور زیورات میں دستیاب ہیں- انہوں نے مزید کہا کہ ان میں سے ہر ایک سرمایہ کاروں کو موقع فراہم کرے گا جو کے ساتھ مشغول ہونا چاہتے ہیں۔

اجتماع سے خطاب کرتے ہوئے جناب گوئل نے کہا کہ جب ہم 2047 تک بھارت کو ایک ترقی یافتہ ملک بنانے کی سمت اپنا سفر شروع کر رہے ہیں، ہمارے لیے یہ ضروری ہے کہ ہم اس بات پر غور کریں کہ ہم اگلے 25 سالوں میں بھارت کو کہاں دیکھتے ہیں۔

اس بات کو یاد کرتے ہوئے کہ وزیر اعظم نریندر مودی نے حال ہی میں کرتویہ پر زور دیا ہے، جس سے ہر ملک کے باشندوں میں فرض کا احساس پیدا ہوا ہے، جناب گوئل نے تمام اسٹیک ہولڈرز ہندوستانیوں اور ہندوستانی برادری سے مطالبہ کیا کہ وہ اس کی تکمیل کے لیے اجتماعی طور پر کام کرنے اور 2047 تک ایک خوشحال اور ترقی یافتہ ملک بننے کے ہمارے عزم کے لئےاجتماعی کوششیں کرنے کا فرض ادا کریں۔

وزیر موصوف نے اپنے خطاب کا اختتام ہر ایک سے ہر موقع کے لیے او ڈی او پی پروڈکٹس استعمال کرنے کی تاکید کرتے ہوئے کیا۔ انہوں نے مزید کہا کہ اگر دنیا بھر میں مقیم ہندوستانی باشندے میڈ ان انڈیا مصنوعات کو ترجیح دیتے ہیں تو کروڑوں بھارتی کاریگروں کو ایک بہتر کل کے لیے مدد ملے گی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

(U:10134)