কোর্পোরেৎ এফিয়র্স মন্ত্রালয়

এম.সি.এ.না ভারত্তা লৈবা চাইনিজ সেল কম্পেনীশিং চপখৎখ্রে


এস.এফ.আই.ও.না মাস্তরমাইন্দ অমসুং মরুওইবা থৌরাং শীল্লিবা মীওই ফারে

Posted On: 11 SEP 2022 7:49AM by PIB Imphal

কোর্পোরেৎ এফিয়র্স মন্ত্রালয়না সেপ্তেম্বর ৮, ২০২২দা গুর্গাওদা লৈবা জিলিয়ন হোং কোং লিমিতেদ, বেঙ্গলোরদা লৈবা ফিনিন্তী প্রাইবেৎ লিমিতেদ অমসুং হান্না হায়দেরবাদতা লৈরম্বা হসিস কসলতিং লিমিতেদকী মপুং ওইনা চলাইবা সবসিদিয়রী অমা ওইরিবা জিলিয়ন কন্সলতেন্তস ইন্দিয়া প্রাইভেৎ লিমিতেদকী ওফিসশিংদা অমুক্তদা চপ মান্নবা মতমদা থিবা হুম্বগী থবক অমসুং ফাগৎপগী থবক চত্থরকপদা দি সেরিয়স ফ্রোদ ইনভেস্তিগেসন ওফিস (এস.এফ.আই.ও.)না ঙরাং মিস্তর দোর্তসে ফাখ্রে। মিস্তর দোর্তসে অসি জুলিয়ন ইন্দিয়া লিমিতেদকী বোর্দতা য়াওরি অমসুং চাইনাগা লিঙ্ক লৈবা সেল কম্পেনী মশিং কয়া অমা পুশিনবগী রেকেৎতা মাস্তরমাইন্দ অমা ওইবতা নত্তনা মখোয়গী বোর্দতা অশাবা দিরেক্তরশিং হাপ্লম্মি। ফারবা মীওই মিস্তর দোর্তসেনা মশামকপু কম্পেনীগী রেজিস্ত্রারগী মতুং ইন্না হিমাচল প্রদেশকী মন্দিদা লৈবা মীওইনি হায়না উৎলি।

আর.ও.সি. দিল্লীনা চত্থবা ৱাহং পাউহংদগী ফংবা খুদম চাংদমগী মতুং ইন্না অমসুং  অমুক্তদা মান্নবা মতমদা চত্থবা থিব-হূম্বগী ওপরেসন অসিনা ময়েক শেংনা তাক্লে মদুদি শাশিন্নবা দিরেক্তরশিং অসিবু জিলিয়ন ইন্দিয়া লিমিতেদনা তোঙান-তোঙানবা সেল কম্পনেসীশিংদা দম্মি ওইনা লৈনবা তোলোপ পীরম্মি। কম্পেনীগী সিলশিং অমসুং শাশিন্নবা দিরেক্তরশিংগী দিজিতেল সিগ্নেচর য়াওবা বোক্সশিং সাইত অদুদগী ফংখি। ইন্দিয়ন ইমপ্লোইয়ীশিংনা চাইনিজ ইন্সতেন্ত মেসেজিং এপকী খুত্থাংদা চাইনাগী মপাংশিংগা পাউ ফাওনৈ। হুসিস লিমিতেদনা জুলিয়ন ইন্দিয়া লিমিতেদকী মহুৎ থবক পায়খৎলম্মি। হুসিস লিমিতেদনা জিলিয়ন হোং কোগ লিমিতেদকা মরী লৈনৈ হায়বা অহানবদা খঙবা ঙমখি। মখা তাবা ৱাহং পাউহংদা খঙবা ঙমখি মদুদি হায়রিবা সেল কম্পেনীশিং অসিনা শাথিবা শেলথুমগী ক্রাইমশিংদা শরুক য়াবসিনা লৈবাক অসিগী ফাইনান্সিএল সেক্যুরিতীদা অকায়বা লাকপা য়াই হায়বসিনি।

কোর্পোরেৎ এফিয়র্স মন্ত্রালয়না মহাক্কী মখাদা চলাইরিবা এস.এফ.আই.ও.বু সেপ্তেম্বর ৯, ২০২২দা জিলিয়ন কন্সলতেন্ত ইন্দিয়া প্রাইবেৎ লিমিতেদ অমসুং অতোপ্পা কম্পেনী ৩২বু থিজিন হুমজিনবগী থবক পায়খৎনবা হায়খি। মিস্তর দোর্তসে অমসুং চাইনা মচা অমনা জিলিয়ন কন্সলতেন্ত ইন্দিয়া প্রাইবেৎ লিমিতেদকী দিরেক্তরশিং ওইনা লৈরমখি। মরক্তগী ফংবা পাউ অমসুং থিজিন হুমজিনবদা য়ুম্ফম ওইদুনা খঙবা ঙমখি মদুদি মিস্তর দোর্তসেনা দিল্লী এন.সি.আর.দগী বিহারগী অথাপ্পা মফম অমদা চেনখ্রে, অমসুং মখা লম্বীদা চত্তুনা ভারত্তগী নান্থোক্নবা হোৎনরে হায়বা খঙবা ঙমখি। খুদক্তা, হায়রিবা অথাপ্পা লম অসিদা থানবগীদমক এস.এফ.আই.ও.দা অখন্নবা কাংবু অমা শেমখি। ১০ সেপ্তেম্বর ২০২২গী নুমিৎ য়ুংবা মতুংদা, এস.এফ.আই.ও.না মিস্তর দোর্তসেবু ফাখি অমসুং তুংদা জুরিসদিক্সনেল কোর্ততা পুথোকখি অমসুং মহাকপু পুথোক পুশিন য়ানবগী ওর্দর লৌখি।

***************



(Release ID: 1858448) Visitor Counter : 146