রোদ ত্রান্সপোর্ত অমসুং হাইৱে মন্ত্রালয়
শ্রী নিতিন গদকরীনা ত্রিলিয়ন দোলর ইকনোমী মঙাগী মনুং চনবা ঙম্নবা লৈবাক অসিগী ত্রান্সপোর্ত সেক্তরদা অওনবা পুরক্নবা মথংগী চহি মঙাদা কেন্দ্র অমসুং রাজ্যশিং অনিমক্না পুন্না থবক তৌমিন্নগদবনি হায়না ফোঙদোকখ্রে
Posted On:
09 SEP 2022 5:10PM by PIB Imphal
রোদ ত্রান্সপোর্ত অমসুং হায়ৱেজকী কেন্দ্র মন্ত্রী শ্রী নিতিন গদকরীনা ত্রিলিয়ন দোলর ইকনোমী মঙাগী মনুং চনবা ঙম্নবা লৈবাক অসিগী ত্রান্সপোর্ত সেক্তরদা অওনবা পুরক্নবা মথংগী চহি মঙাদা কেন্দ্র অমসুং রাজ্যশিং অনিমক্না পুন্না থবক তৌমিন্নগদবনি হায়না ফোঙদোকখ্রে। ঙসি বেঙ্গলুরুদা পাঙথোকপা ৪১শুবা ত্রান্সপোর্ত দিবেলপমেন্ত কাউন্সিল (তি.দি.সি.)গী মীফমদা ৱা ঙাংবদা মহাক্না ভারতপু মালেমগী মকোক থোংবা ওতোমোবাইল মেন্যুফেকচরিং হব অমা ওইহন্নবা মথংগী চহি ৫দা ওতোমোবাইল ইন্দস্ত্রী অসি করোর লাখ ৭.৫ লৈরম্বদগী করোর লাখ ১৫দা হেনগৎহন্নবা হোৎনগদবনি হায়না ফোঙদোকখি। মহাক্না হায়খি ভারতকী রোদ সেক্তরগীদমক খ্বাইদগী ফবা তেক্নোলোজীশিং শীজিন্নরবা খক্তদা ওইথোকপা ঙমগনি অমসুং রাজ্য/য়ু.তি. পুম্নমক্না দিজিতেল কন্তেক্তলেস সর্ভিসশিংদা মীৎয়েং থমগদবনি। মন্ত্রীনা পোলুসন অমসুং শেল চংবা হন্থহন্নবা দিজল বস পুম্নমক ইলেক্ত্রিক বসশিংনা মহুৎ শিন্নবা হায়খি। স্তেকহোল্দর পুম্নমক্না প্রধান মন্ত্রীগী আত্মনির্ভর ভারতকী মঙলানবু থুংহন্নবা ফিরেপ লৌনবা শ্রী গদকরীনা ফোঙদোকখি। লম্বীগী খুদোংথিবা থৌদোকশিং ঙাকথোক্নবা অকনবা অমসুং সেন্সিতিব ওইবা এপ্রোচ মথৌ তাই অমসুং মীয়ামগী মমল য়াম্লবা পুন্সিশিংবু কন্নবগীদমক অকনবা ৱারেপশিং লৌগদবনি হায়না মহাক্না নৌহৌনা ফোঙদোকখি।
![A group of people on a stageDescription automatically generated](https://static.pib.gov.in/WriteReadData/userfiles/image/image001C8ZT.jpg)
উত্তর প্রদেশ, মধ্য প্রদেশ, উত্তরাখন্দ, হিমাচল প্রদেশ, মনিপুর, গোৱা, কর্নাতকা, দিল্লী অমসুং তামিল নাদুগী ত্রান্সপোর্ত মন্ত্রীশিংনা ত্রান্সপোর্ত দিবেলপমেন্ত কাউন্সিল (তি.দি.সি.)গী ৪১শুবা মীফমদা শরুক য়াখি। লম্বীশিং শেম্বা, পব্লিক ত্রান্সপোর্ত, তেক্নোলোজী শীজিন্নবা, রোদ সেফতীগী মন্ত্রীগী থৌশিলশিং অমসুং রোদ ত্রান্সপোর্ত শেমগৎপগী থৌশিলশিং অসিবু মন্ত্রীশিংনা থাগৎপা ফোঙদোকখি। মখোয়না শ্রী গদকরীনা মোতোর ভেহিকল্স (অমেন্দমেন্ত) এক্ত, ২০১৯ পুথোকখিবা অমসুং মসি খোঙজেল য়াংনা ইমপ্লিমেন্ত তৌবগীদমক থাগৎপা ফোঙদোকখি। মখোয়না রোদ ত্রান্সপোর্তকী ক্বালিতী হেনগৎহন্নবা, রোদ সেফতী অমসুং ত্রান্সপোর্ত ইনফ্রাস্ত্রকচরদা তেংবাং পীনবগীদমক মরী লৈনবা রাজ্যশিং/য়ু.তি.শিংনা লৌখৎখিবা তোঙান-তোঙানবা থৌরাংশিংগী মরমদা ফোঙদোকখি। মখোয়না ইলেক্ত্রিক বসশিং শীজিন্নবা অমসুং লৈশিনবা, চার্জিং স্তেসনশিং, দ্রাইবর ত্রেনিং সেন্তরশিং, ভেহিকল ফিতনেস সেন্তরশিং লিংখৎপা অসিগুম্বা শীংনবশিং অসিসু ফোঙদোকখি।
রাজ্যগী আর.তি.ঐচ. অমসুং সিভিল এভিএসনগী রাজ্য মন্ত্রী, জেনরেল (দা) ভি.কে. সিংহ, সেক্রেতরী শ্রী গিরিধর অরামানে অমসুং জোইন্ত সেক্রেতরী, শ্রী মহমুদ অহমদনা থৌরম অদুদা ৱা ঙাংখি।
*****
(Release ID: 1858111)
Visitor Counter : 115