“মন্ত্রী হয়াসি, মন্ত্রী হমাদা, দোক্তর জয়শঙ্কর, প্রেসকী মীওইশিং, ইবেম্ম অমদি ইবুঙো ময়াম,

তাঞ্জা অসিদা, ঐখোয়গী থৌবু ওইবিরিবা মন্ত্রীশিং, মখোয়গী দেলিগেসন, অমসুং মখোয়গী স্তাফশিংবু নুংঙাইরবা ৱারী ৱাতায় অমদি মখোয়গী তরাম তরাম্বা মীয়োক মীচানগীদমক্তা ঐনা তৌবিমল খঙবা উৎচরি‍। ঐখোয়না নাকল অনিগী মরী অসিদা লৈরিবা মখোয়গী খোঙফমবু ঐনা লূম্না লৌজ‍ৈ‍।

ঙসি ঐখোয়না খন্ন-নৈনবা অসিদা, ঐখোয়না লৈবাক অনিমক্কী ইন্তরেস্তা লৈবা নাকল অনিগী অমদি লমদম অদোমগী ওইবা য়াম্লবা ইসুশিং খন্নখি‍। এসিয়াগী মাঙজিল থাবা দিমোক্রেসী অনি ওইদুনা ঐখোয়না স্পিসিএল স্ত্রেতেজিক এন্দ গ্লোবেল পার্ত্নরসিপ অমা শেম্নবা হোৎনরি‍। চহি অসি ঐখোয়গী দিপ্লোমেতিক মরী শেমগৎখিবগী ৭০শুবা কুমওন পাঙথোকপনা মরম ওইরগা চহি অসি ভারত অমসুং জাপান অনিমক্কী মরুওইবা ওইরি‍। লৈরিবা মরী অসি ইন্দো-পোসিফিক রিজন্দা ইং-তপ্পা অমসুং নুংঙাই য়াইফবগী মরুওইরবা মরী অমনি‍।

ঙসিগী খন্ন-নৈনবা অসিদা, নাকল অনিগী লান্মীশিংগী মরক্তা তেংবাংনবা অমদি এক্সচেঞ্জতা খুমাঙ চাওশিল্লিবা অসিবু খন্নখি‍। ঐখোয়গী নাকল অনিগী এক্সরসাইজগী পাক চাউবা অমসুং কম্প্লেক্সিতীশিং হেনগৎহন্নিংবগী অপাম্বা নাকল অনিমক্তা লৈ‍। ঐখোয়না সর্ভিস অহুম্মক অমসুং কোস্ত গার্দশিংগী মরক্তা স্তাফশিংগী ৱারী ৱাতায় অমদি অৱাংবা থাক্কী ৱারী শানবা হৌখ্রে‍। জাপানিজ সেল্ফ দিফেন্স ফোর্সেসকী জোইন্ত স্তাফ অমসুং ভারতকী ইন্তিগ্রেতেদ দিফেন্স স্তাফকী মরক্তা স্তাফ তোল্ক তৌনবা ঐখোয়না য়ানখিবা অসি ঐ নুংঙাইবা ফাওই‍। জাপান্না অহানবা ওইনা মল্তিলেতরেল এক্সরাসাইজ মিলন্দা শরুক য়ারকপা অমদি চহিসিগী মার্চ থাদা রেসিপ্রোকেল প্রোভিজন ওফ সপ্লাই এন্দ সর্ভিসেস এগ্রীমেন্ত মথৌ তৌবা হৌখিবা অসি ঐখোয়গী লান্মীশিংগী মরক্তা ঙাকশেলগী লমদা তেংবাংনবগী মরুওইবা পন্দোল অমনি‍। ঐখোয়গী এয়র ফোর্সশিংনা এয়র ফোর্স ফাইতর এক্সরসাইজ থুনা পাঙথোক্নবা পুন্না থবক তৌমিন্নরিবা অসিদা ঐখোয় নুংঙাই‍।

ভারত অমসুং জাপানগী মরক্তা দিফেন্স ইকুইপমেন্ত এন্দ তেক্নোলোজিকেল কোওপরেসন ফগৎহনবা অসি ঐখোয়গী মরুওইবা হীরমশিংগী মরক্তা অমনি‍। ঙসি ঐখোয়গী মীফম অসিদা, নৌনা থোরক্লিবা অমসুং মরুওইবা তেক্নোলোজীগী দোমেন্দা পুন্না থবক পায়খৎমিন্ননবা ৱাফম হৌদোক্নবগী তাঞ্জা ফংখি‍। ঐনা জাপানিজ দিফেন্স কম্পেনীশিংবু ইন্দিয়ন দিফেন্স কোরিদোরদা শেল থাদনবগী খুদোংচাবা য়েংলনবা পাউকৎসু পীরমখি‍।

মেরিতাইম দোমেন এৱ্যারনেস য়াওনা মেরিতাইম কোওপরেসনগী ফীভম ফগৎহন্নবা লম্বীশিংগী মতাঙদা ঐখোয়না কুপ্না খন্ন-নৈনখি‍। ফ্রী, ওপন, রুল-বেজ ওইবা অমদি লৈবাকশিংগী মনীং তম্বা অমসুং ঙমখৈগী শক্তমদা য়ুম্ফম ওইবা অপুনবা ইন্দো-পেসিফিক অমগীদমক মপাঙ্গল কনবা ইন্দিয়া-জাপানগী মরী য়াম্না মরুওই হায়না নাকল অনিনা য়ানখি‍। ভারতকী ইন্দো-পেসিফিক ওসীন্স ইনিসিএতিব (আই.পি.ও.আই.) অসি জাপানগী ফ্রী এন্দ ওপন ইন্দো-পেসিফিক (এফ.ও.আই.পি.)গা মান্নবা ৱাফম কয়া য়াওরি‍। ঐখোয়গী সিক্যুরিতী এন্দ গ্রোথ ফোর ওল ইন দি রিজন (সাগর)গী মপুং ওইবা মঙলানগা চুননা ভারতনা রিজনেল পার্ত্নরশিংগসু মেরিতাইম কোওপরেসন শেমগৎলি‍।

অসীনগী লৈনরিবা ভারতকী মরী ঐখোয়গী ফোরেন পোলিসীগী মরুওইবা য়ুম্বী অমনি‍। এ.দি.এম.এম. প্লসকী খুত্থাঙদা, ভারত অমসুং জাপান অনিমক্না অসীন অমসুং অতৈ প্লস লৈবাকশিংগা মেরিতাইম সিক্যুরিতী, ঐচ.এ.দি.আর., পীস কীপিং ওপরেসন্নচিংবা য়াওনা দোমেন পুম্বদা তেংবাংনবগী মরী চেৎশিলহন্নবা পুন্না থবক পায়খৎমিন্নরি‍।

ঙসি লমদম অদোমগী অমদি মালেমগী মরুওইবা ইসুশিংগী মরমদা ঐখোয়গী ৱাখল্লোন ফোঙদোক্নবগী তাঞ্জা ফংদুনা মালেমগী চৎন-কাঙলোন মতুং ইন্না মুক্নবশিং ইং-তপ্না লোইশিনবগী মথৌ তাবা ৱাফমশিং পুখৎনখি‍।

ঐনা অমুক্কা হন্না মন্ত্রী হয়াসি অমসুং মন্ত্রী হমাদাবু ঙসিগী য়াম্না কান্নরবা খন্ন-নৈনবা অসিগীদমক অমদি ভারত-জাপানগী খোঙবু ওইবগী মরীবু মখা তানা চত্থনবগীদমক লৈরিবা মখোয়গী ফিরেপ ফোঙদোকপিরকপগীদমক্তা থাগৎচরি‍।

অদোমবু থাগৎচরি”

********