ঙাকশেল মন্ত্রালয়
ঙাকশেল মন্ত্রী শ্রী রাজনাথ সিংহ সেপ্তেম্বর ৮দা তোকিওদা পাঙথোক্কদৌরিবা ভারত-জাপান ২+২ মিনিস্তরিএল দাইলোগদা শরুক য়াগদৌরি
মহাক্কা জাপানিজ কাউন্তরপার্তকা তোখাইবা নাকল অনিগী ওইবা ৱারী শাগদৌরি
Posted On:
07 SEP 2022 8:54AM by PIB Imphal
মোঙ্গোলিয়াগী খোঙচৎ লোইরবা মতুংদা ঙাকশেল মন্ত্রী শ্রী রাজনাথ সিংহ নুমিৎ হুম্নিগী ওফিসিএল খোঙচৎ অমদা সেপ্তেম্বর ০৭, ২০২২দা জাপানগীদমক খোঙশাল্লগনি। ঙাকশেল মন্ত্রীনা মপান থৌরম মন্ত্রী দোক্তর এস. জয়শঙ্করগা লোয়ননা সেপ্তেম্বর ০৮, ২০২২দা তোকিওদা পাঙথোক্কদৌরিবা ২শুবা ভারত-জাপান ২+২ মিনিস্তরিএল দাইলোগতা শরুক য়াগনি। জাপানগী মায়কৈদগী ঙাকশেল মন্ত্রী মিস্তর য়াসুকাজু হমাদা অমসুং মপান থৌরম মন্ত্রী মিস্তর য়োসিমাসা হয়াসিনা শরুক য়াগনি।
২+২ দাইলোগ অসিনা দোমেন খুদিংদা নাকল অনিগী লৈনরিবা মরিবু হন্না য়েংশিন্দুনা মাঙদা চঙশিন্নবা লম্বী য়াৎকনি। ভারত অমসুং জাপান স্পিসিএল স্ত্রেতেজিক এন্দ গ্লোবেল পার্ত্নরসিপ অমা শেম্ননবা হোৎনরিবনি। হন্দক চহি অসিনা লৈবাক অনিগী মরক্তা লৈনরিবা দিপ্লোমেতিক মরীগী ৭০শুবা চহিনি।
মসিগী মথক্তা ২+২ দাইলোগ অসিদা, শ্রী রাজনাথ সংহনা মহাক্কী জাপানিজ কাউন্তরপার্তকা লোয়ননা তোঙান তোঙানবা সেক্তরশিংদা লৈবাক অনিগী মরক্তা লৈনরিবা ঙাকশেলগী লমদা তেংবাংনবগী মরীবু হেন্না চেৎশিলহন্নবা তোখাইবা নাকল অনিগী ওইবা মীফম পাঙথোক্কনি। খোঙচৎ অসিগী মনুংদা মহাক্না জাপানগী প্রধান মন্ত্রী মিস্তর ফুমিও কিসিদাগসু উনরমগদৌরি।
ঙাকশেল মন্ত্রীনা তোকিওদা লৈবা ভারতকী এম্বেসীনা শিনবা কম্ম্যুনিতী থৌরম অমসু শরুক য়াগনি অমদি জাপান্দা লৈবা ভারত মচাশিংগা ৱারী ৱাতায় শান্নগনি।
****
(Release ID: 1857300)
Visitor Counter : 141