ঙাকশেল মন্ত্রী শ্রী রাজনাথ সিংহনা মহাক্কী মোঙ্গোলিয়া খোঙচৎকী অহানবা নুমিৎকী এঙ্গেজমেন্ততা মহাক্কী মোঙ্গোলিয়ন কাউন্তরপার্ত লেফ্তনেন্ত জেনেরেল সাইখানবয়ার গুর্সেদকা উলানবাতরদা সেপ্তেম্বর ০৬, ২০২২দা নাকল অনিগী ওইবা ৱারী শানখ্রে‍। মহাক্না মোঙ্গোলিয়াগী রাস্ত্রপতি অমসুং চেয়রমেন ওফ স্তেত গ্রেত খুরালগসু উনখি‍। ঙাকশেল মন্ত্রীনা ভারতকী মতেংগা লোয়ননা শাখিবা সাইবর সিক্যুরিতী ত্রেনিং সেন্তরসু শঙ্গাখি, অমদি ভারতকী তেংবাংগা লোয়ননা শাগদবা ইন্দিয়া মোঙ্গোলিয়া ফ্রেন্দসিপ স্কুলগী উরেপ উয়ুংসু তমখি‍।

নাকল অনিগী ওইবা ৱারী শানবা

সেপ্তেম্বর ০৫, ২০২২গী নুমিদাংদা মোঙ্গোলিয়াদা য়ৌরবা মতুংদা লৈবাক্তুদা চৎপা ভারতকী অহানবা ঙাকশেল মন্ত্রী ওইবগা লোয়ননা, শ্রী রাজনাথ সিংহগী নুমিত্তুগী চিল্লবা এঙ্গেজমেন্ত উলানবাতরদা ঙাকশেল মন্ত্রালয়দা সিরিমোনিএল গার্দ ওফ ওনর অমনা হৌখি‍। মতুংদা ঙাকশেল মন্ত্রীনা মহাক্কী মোঙ্গোলিয়ন কাউন্তরপার্তকা দেলিগেসন থাক্কী ৱারী শানখি‍। মখোয়না নাকল অনিগী ওইবা দিফেন্স এঙ্গেজমেন্ত মখা তানা পাকথোক চাউথোকহন্নবা মতুং লৈবা অমদি থবক ওইনা পায়খৎবা য়াবা থৌরাংশিং খন্নখি, অমসুং নাকল অনিগী ইন্তরেস্ততা লৈবা রিজনেল অমসুং গ্লোবেল ইসুশিংগী মরমদা মমুৎ তানা নৈনখি‍।

মন্ত্রী অনিনা নাকল অনিগী থাজনবা অমসুং ৱাখল তামিন্নবা, মান্নবা ইন্তরেস্তশিং অমসুং দিমোক্রেসী অমদি রুল ওফ লোগী মান্নবা ভেল্যুশিংদা য়ুম্ফম ওইবা স্ত্রেতেজিক পার্ত্নরসিপ মপুং ফাহন্নবগীদমক মখোয়গী ফিরেপ ফোঙদোকমিন্নখি‍। মন্ত্রী অনিদুনা চহিসিগী লোইরমদাইদা ভারত্তা মীফম পাঙথোক্কদৌরিবা ইন্দিয়া-মোঙ্গোলিয়া জোইন্ত ৱর্কিং গ্রুপ (জে.দব্লিউ.জি.)বু হেন্না মপাঙ্গল কলহন্নবা ফিরেপশিংসু ফোঙদোক্নখি‍।

উনখিবশিং

শ্রী রাজনাথ সিংহনা মোঙ্গোলিয়াগী রাস্ত্রপতি অমসুং আর্ম্দ ফোর্সকী কম্মান্দর-ইন-চীফ মিস্তর উখ্নাগিন খুরেলসুখকা উনদুনা, মখোয়গী অচেৎপা মরী অমসুং ২০১৮দা ভারতকী তেংবাংগা লোয়ননা পায়খৎলিবা ওইল রিফাইনরী প্রোজেক্তকী উরেপ উয়ুং পুন্না তম্মিন্নখিবা মতমদা ৱারী ৱাতায় শানখিববু নিংশিংনখি‍। মহাক্না চেয়রমেন ওফ স্তেত গ্রেত খুরাল ওফ মোঙ্গোলিয়া মিস্তর জি. জন্দনসতরগসু উনখি‍।

সাইবর সিক্যুরিতী ত্রেনিং সেন্তর

নুমিত্তুগী পনবা য়াবা অতোপ্পা থৌরম অমদি ভারতকী তেংবাংগা লোয়ননা শাখিবা উলানবাতরগী নেস্নেল দিফেন্স য়ুনিভর্সিতীদা লৈবা সাইবর সিক্যুরিতী ত্রেনিং সেন্তর ঙাকশেল মন্ত্রীনা শঙ্গাবনা ওইখি‍। ঙাকশেল মন্ত্রীগী মফমদা ওফিসিএলশিংনা সেন্তর অদুদা লৈরিবা ফেসিলিতীশিংগী মরমদা শুগাইনা তাকখি‍। সেন্তর অদুদা ত্রেন তৌরিবা মোঙ্গোলিয়ন আর্ম্দ ফোর্সেসকী পর্সোনেলশিংগসু মহাক্না ৱারী ৱাতায় শানখি‍।

ইন্দিয়া-মোঙ্গোলিয়া ফ্রেন্দসিপ স্কুল

শ্রী রাজনাথ সিংহনা, মোঙ্গোলিয়াগী এজুকেসন অমসুং সাইন্সকী মন্ত্রীগা লোয়ননা, ভারত লৈঙাক্কী তেংবাংগা লোয়ননা লিংখৎকদৌরিবা ইন্দিয়া-মোঙ্গোলিয়া ফ্রেন্দসিপ স্কুলগী উরেপ উয়ুং তমখি‍।

নিংশিংবা য়াই, ভারতনা মোঙ্গোলিয়াগা লোয়ননা দিপ্লোমেতিক ওইবা মরী ১৯৫৫তা শেমগৎখিবনি‍। মোঙ্গোলিয়ানা ভারতপু স্ত্রেতেজিক পার্ত্নর অমসুং “স্পিরিচুএল য়ুমলোন্নবা” অমা ওইনা লাউথোকখিবা লৈখ্রবনি‍। ২০১৫দা, এসিয়াগী দিমোক্রেসী চৎপা লৈবাক অনিগী মরক্তা লৈনরিবা “স্ত্রেতেজিক পার্ত্নরসিপ” অসি প্রধান মন্ত্রী শ্রী নরেন্দ্র মোদীগী খোঙচৎ মনুংদা লাউথোকখিবনি‍। ঙাকশেল থৌরাং অসি মোঙ্গোলিয়াগা লৈনরিবা নাকল অনিগী মরী অসিগী মরুওইবা মচাক অমনি‍।

*****