ইস্ত এসিয়াগী লৈবাকশিংগা লৈনরিবা স্ত্রেতেজিক পার্তনরশিপপু শাহৌ পীরদুনা ঙাকশেল মন্ত্রী, শ্রী রাজনাথ সিংহনা সেপ্তেম্বর ৫ -৭, ২০২২ দা মঙ্গোলিয়াদা ওফিসিএল ওইবা খোঙচৎ অমা চৎকনি। ঙাকশেল মন্ত্রীগী চৎকদৌরিবা খোঙচৎ অসি মঙ্গোলিয়াদা ভারতকী ঙাকশেল মন্ত্রীনা চৎপা খ্বাইদগী অহানবা খোঙচৎ ওইরগনি অমসুং মসিনা লৈবাক অনিগী মরক্তা লৈরিবা দিফেসন্স কোওপরেসন অমসুং স্ত্রেতেজিক পার্তনরশিপপু হেন্না মপাঙ্গল কনখৎহল্লগনি।

খোঙচৎ অসিগী মনুংদা শ্রী রাজনাথ সিংহনা মঙ্গোলিয়াগী ঙাকশেল মন্ত্রী, লেফতনেন্ত জেনরেল সাইখানবায়রগা লোয়ননা বাইলেতরেলগী মীফম পাঙথোক্কনি। মহাক্না মঙ্গোলিয়াগী রাস্ত্রপতি, ঐচ.ই. শ্রী. য়ু. খুরেলসুখ অমসুং মঙ্গোলিয়াগী স্তেৎ গ্রেত খুরালগী চিয়রমেন, ঐচ.ই. শ্রী জি. জন্দনশাতরগা উন্নগনি। দিমোক্রেসী অনি অসিদা অপুনবা লমদম অসিদা শান্তি অমদি চাউখৎপা পুরক্নবা মান্নবা অপাম্বা লৈ।

ভারত অমসুং মঙ্গোলিয়াকী মরক্তা স্ত্রেতেজিক পার্তনরশিপ লৈ অমসুং পার্তনরশিপ অসিগী মরু ওইবা য়ুম্বীনা ঙাকশেলনা ওইরি। মঙ্গোলিয়াগা লোয়ননা লৈরিবা বাইলেতরেলগী ওইবা দিফেন্সকী থবক থৌরমশিং অসিদা জোইন্ত ৱার্কিং গ্রুপ মীতিং, মিলিতরী তু মিলিতরী একচেঞ্জশিং, অৱাংবা থাক্কী খোঙচৎশিং, কেপাসিতী বিল্দিং অমসুং ত্রেনিং প্রোগ্রামশিং অমসুং বাইলেতরেলগী এক্সর্সাইজ য়াওনা লৈবাক অনিগী মরক্তা মখল কয়া শুরবা কন্তেক্তশিং য়াওহন্নবা মতম মতমগী ওইনা পাকথোক-চাউথোকহন্দুনা লাকখি।

বাইলেতেলগী ওইবা মীফম অদুগী মনুংদা ঙাকশেল মন্ত্রী অনিনা ভারত অমসুং মঙ্গোলিয়াগী মরক্তা লৈরিবা বাইলেতরেল দিফেন্স কোওপরেসন অসি য়েংশিনগনি অমসুং বাইলেতরেলগী থবক-থৌরমশিং অসি হেন্না মপাঙ্গল কনখৎহন্নবা অনৌবা থৌরাংশিং পাইখৎনবা খন্নগনি। লুচিংবা অনিনা রিজনেল অমসুং গ্লোবেলগী সমস্যাশিংদা ৱাখল্লোনশিং ফোঙদোক্নগনি।

****