গনতন্ত্র দিৱাস ২০২৩দা লাউথোক্কদবা পদ্মা এৱার্দ ২০২৩গী ওইনলাইন্দা চে পীশিনবগী মতম মে ১, ২০২২দগী হাংদোকখি। পদ্মা এৱার্দশিংগী নোমিনেসনশিং পীশিনবগী অরোইবা মতম সেপ্তেম্বর ১৫, ২০২২নি। পদ্মা এৱার্দশিংগী নোমিনেসনশিং/রিকমেন্দেসনশিং ওনলাইন খক্তদা রাস্ত্রিয়া পুরুস্কার পোর্তেল (https://awards.gov.in )দা লৌশিনগনি।

পদ্মা এৱার্দশিং হায়বদি পদ্মা বিভুষন, পদ্মা ভুষন অমসুং পদ্মা শ্রী অসি লৈবাক অসিগী মীচম মীয়ামদা পীবা খ্বাইদগী ৱাংবা মনাশিংনি। ১৯৫৪দা হৌদোকখিবা হায়রিবা মনাশিং অসি চহি খুদিংগী গনতন্ত্র দিৱাস থৌরমদা লাউথোকই। মনা অসি হিরম কয়া হায়বদি কলা, সাহিত্য, ইজুকেসন, শান্ন-খোৎনবা, মেদিসিন, সোসিএল ৱার্ক, সাইন্স অমসুং ইঞ্জিনিয়ারিং, পব্লিক এফেয়ার্স, সিবিল সর্বিস, ললোন-ইতিক অমসুং উদোগকী লমদা শিংথানিংঙাই ওইবা অমসুং মশক থোকপা থবক তৌবা মীওইশিংদা পীবনি। কাংলুপ, শীনফম, থাক নত্ত্রগা নুপা-নুপীগী খেন্নবা লৈতনা হায়রিবা মনাশিং মীওই খুদিংমক ফংবা য়াই। দোক্তরশিং অমসুং সাইন্তিস্তশিং খক নত্তনা পি.এস.য়ুশিং য়াওনা সরকারগী থবক তৌবা মীওইশিং পদ্মা এৱার্দশিং পীবা য়াদে।

পদ্মা এৱার্দশিং অসি “মীয়ামগী পদ্মা” ওইহন্নবা সরকারনা থবক পায়খৎলে। মশা মরোমদোম নোমিনেসন তৌজবা য়াওনা মীওই খুদিংমক নোমিনেসন থাজিন্নবা হায়জরি। নুপীশিং, খুন্নাইগী শোৎথরবা কাংলুপশিং, এস.সিশিং অমসুং এস.তিশিং, দিবয়াং মীওইশিং অমসুং খুন্নাইগীদমক মশাগী ওইজবা থাদোক্তুনা থবক তৌরিবা মীওইশিং ইকায়খুম্নবা উৎনবা মখোয়গী শিংথানিংঙাই ওইরবা অফবা থবকশিং মশক খঙদোক্নবা থবক পায়খৎলি।

রিকমেন্দ তৌরিবা মীওই অদুগা মরী লৈনবা হিরমদা পাংথোকখিবা মশক থোকপা থবকশিংগী মরমদা ময়েক শেংনা য়াওরবা সাইতেসন অমা (য়াম্লবদা ৱাহৈ ৮০০) য়াওনা মথক্তা পীরিবা পোর্তেল অদুদা পীরিবা ফোর্মেত অদুদা পল্লিবা মরী লৈনবা অকুপ্পা মরোলশিং নোমিনেসনশিংদা য়াওহনগদবনি।

মসিগী মতাংদা অকুপ্পা মরোলশিং হোম এফেয়ার্স মিনিস্ত্রিগী ৱেবসাইত (https://mha.gov.in)কী

‘এৱার্দস এন্দ মেদলস’ হেদিংগী মখাদা অমসুং পদ্মা এৱার্দস পোর্তেল (https://padmaawards.gov.in )দা ফংলে। হায়রিবা মনাশিং অসিগী নিয়মশিং লিঙ্কগা লোয়ন্না ৱেবসাইত https://padmaawards.gov.in/AboutAwards.aspx দা ফংলে।

*****