ফার্মেস্যুতিকেল্স বিভাগনা লৈবাক অসিগী বল্ক দ্রগ মেন্যুফেকচরিং তৌবগী থৌওংবু শৌগৎপগী মরু ওইবা খোঙথাং অমা ওইরিবা, “প্রোমোসন ওফ বল্ক দ্রগ পার্ক” স্কিমগী মখাদা রাজ্য অহুম, মমিং ওইনা পল্লবদা, হিমাচল প্রদেশ, গুজরাত অমসুং আন্ধ্র প্রদেশনা থাংগৎলকপা ৱাহৌদোক্কী ‘ইন-প্রিন্সিপল’গী অয়াবা পীখ্রে। ইং ২০২০দা খঙহনখিবা লুপা করোর ৩০০০গী শেন্থংগা লোয়নবা স্কিম অসিনা রাজ্য অহুমসিদা বল্ক দ্রগ পার্ক শেমগৎপগী শেলগী তেংবাং পীগনি অমসুং কেন্দ্র সরকারনা শৌগত্তুনা মালেমগী থাক্তা লৈবা কম্মন ইনফ্রাস্ত্রকচর ফেসিলিতী শেমগত্তুনা বল্ক দ্রগ শাবদা চঙবা শেনফম হন্থহনবগী পান্দম থম্লি, অমসুং মসিনা মরম ওইরগা লৈবাক মনুংগী বল্ক দ্রগ ইন্দস্ত্রীগী মরক্তা লৈরিবা চাংয়েংনবগী ফিভম্বুসু হেনগৎহনগনি।

ভারতকী ফার্মাস্যুতিকেল্স ইন্দস্ত্রী অসি ভোল্যুমগী ওইনা য়েংলুবদা মালেমগী খ্বাইদগী অহুমশুবা চাউবনি। ভারতনা শেনবা চহি ২০২১-২২দা লুপা করোর ১,৭৫, ০৫০গী শেনফমগী ফার্মাস্যুতিকেল্স এক্সপোর্ত তৌখি অমসুং মসিগী মনুংদা বল্ক দ্রগ/দ্রগ ইন্তর্মেদিএতশিংসু য়াওখি। মসিদা নত্তনা, ভারত অসি মালেমগী ওইনা এক্তিব ফার্মা ইনগ্রেদিএন্ত (এ.পি.আই.) নত্ত্রগা বল্ক দ্রগ পুথোকপা মরু ওইবা লৈবাকশিংগী মরক্তা অমনি। ভারতনা শেনবা চহি ২০২১-২২দা লুপা করোর ৩৩,৩২০গী শেনফমগী বল্ক দ্রগ/দ্রগ ইন্তর্মেদিএত এক্সপোর্ত তৌবা ঙমখি।

অদুম ওইনমক, লৈবাক অসিনা হিদাক লাংথক শানবগীদমক্তা তোঙানবা লৈবাকশিংদগী মখল মখলগী বল্ক দ্রগ/এ.পি.আই.শিংসু ইম্পোর্ত তৌই। শেন্মিৎলোনগীদমক্তা খনবগীদমক্তা লৈবাক অসিদা বল্ক দ্রগ/এ.পি.আই.শিং ইম্পোর্ত তৌরিবনি।

সরকারনা লমদমসিগী মেন্যুফেকচরিংবু অহেনবা শাফু পীনবগীদমক্তা লৈবাক অসিনা ইম্পোর্তকী মখা পোল্লিবা অসিবু হন্থহন্নবা কন্না হোৎনরি। এ.পি.আই. অমসুং দ্রগ ইন্তর্মেদিএতশিংগী মতাংদা লৈবাকসিবু মরোমদোম লেপচবা ঙমহন্নবগীদমক্তা ফার্মাস্যুতিকেল্স বিভাগনা তোঙানবা স্কিম কয়া চলায়রি অমসুং পনবা য়াবা মরু ওইবা খোঙথাং অমদি বল্ক দ্রগ পার্ক্কী স্কিম অসিনি।

স্কিম অসিগী মখাদা শেমগৎকদবা বল্ক দ্রগ পার্কশিং অসিনা মফম অমদা কম্মন ইনফ্রাস্ত্রকচর পীগনি অমসুং মসিনা মরম ওইরগা লৈবাক অসিদা বল্ক দ্রগ শাবগী অচৌবা ইনফ্রাস্ত্রকচর অমা শেমগনি অসুং শেম-শাবদা চঙবা শেনফম্বুসু মশক থোক্না হন্থহনগনি। ইম্পোর্তকী মখা পোল্লিবা অসিবু হন্থহন্নবা স্কিম অসিনা লমদমসিদা বল্ক দ্রগ শাবদা পুক্নিং থৌগৎকনি হায়বগী থাজবা থম্নরি অমসুং স্তেন্দর্দ তেস্তিং অমসুং ইনফ্রাস্ত্রকচর ফেসিলিতী পীদুনা মালেমগী কৈথেলদা মকোক থোংবা মফম অমা কন্নবা পান্দমসু থম্লি। স্কিম অসিনা ইন্দস্ত্রীশিংদা কম্মন ৱেস্ত মেনেজমেন্ত সীস্তেমগী অনৌবা থৌওং কয়াগী খুত্থাংদা হন্থবা মমলদা ইনভাইরনমেন্তকী স্তেন্দর্দ য়ৌবা ঙমহনবদা তেংবাংগনি অমসুং রিসোর্স ওপ্তিমাইজ তৌবা অমসুং ইকোনোমী ওফ স্কেলনা মরম ওইরগা লৈরক্লিবা কান্নবা কয়া ফংহনবদসু তেংবাংগনি।

স্কিম অসিগী মখাদা, রাজ্য ১৩দগী ৱাহৌদোক ফংখি। নিতি আয়োগকী সি.ই.ও.গী মখাদা লৈবা এদভাইজরী কম্মিতীনা বিভাগ অসিবু ৱাহৌদোকশিং য়েংশিনবদা তেংবাংখি, অমসুং তেংবাংবগী থৌওং অসি ক্বান্তিতেতিব অমসুং ক্বালিতেতিব মেথোদোলোজীদা য়ুম্ফম ওইদুনা পাংথোকখি।

গুজরাত অমসুং আন্ধ্র প্রদেশকী ৱাহৌদোক লৈরবা বল্ক দ্রগ পার্ক অসিদা পীগদবা শেলগী তেংবাংনা কম্মন ইনফ্রাস্ত্রকচর ফেসিলিতীগীদমক্তা প্রোজেক্ত অসিদা চঙগদবা শেনফমগী ৭০% ওইগনি। হিমাচল প্রদেশকী ওইনদি, চিংগী রাজ্য ওইবনিনা, প্রোজেক্তকী অপুনবা শেনফমগী ৯০% ওইগনি। স্কিম অসিগী মখাদা বল্ক দ্রগ পার্ক অমদা পীগদবা খ্বাইদগী য়াম্বা তেংবাংনা লুপা করোর ১০০০দা অকক্ননা লৈগনি।

রাজ্যশিং অসিনা থাজিল্লকপা ৱাহৌদোকশিংগী মখা পোন্না, বল্ক দ্রগ পার্কশিং অসি হিমাচল প্রদেশকী উনা জিলাগী হরোলী তেহসিলদা লৈবা একর ১৪০২.৪৪গী লমদা শাগনি, গুজরাতকী ভারুচ জিলাগী জম্বুসর তেহসিলগী একর ২০১৫.০২গী লমদা শাগনি, অমসুং আন্ধ্র প্রদেশকী ইস্ত গোদাবরী জিলাগী তোন্দাগী মন্দলগী কে.পি. পুরম অমসুং কোরাগী একর ২০০০.৪৫গী লমদা শাগনি। হায়রিবা থৌওংশিং অসি পাংথোক্নবা য়েংশিন্নবা অমসুং স্কিম অসিগী মখাদা অরোইবা অয়াবা পীনবগীদমক্তা রাজ্যশিং অসিদা মখোয়গী অকুপ্পা রিপোর্তশিং মথংগী নুমিত ৯০নিদা থাজিল্লক্নবা খঙহনখ্রে।

স্কিম অসিদা কেন্দ্র সরকার অমসুং রাজ্য সরকারনা খোঙলোই ওইদুনা সেক্তর অসিনা হেন্না নীংথিনা থবক পাংথোক্নবগীদমক্তা বল্ক দ্রগ পার্ক শাবগী কো-ওপরেতিব ফেদেরেলিজমগী ইথিলগী মমি তারি।

লৈবাক মনুংদা বল্ক দ্রগ শানবগীদমক্তা বিভাগ অসিনা পায়খৎপা অতোপ্পা থৌওংশিংগী মনুং চনবশিংদি :

• কে.এস.এম./দ্রগ ইন্তর্মেদিএত (দি.আই.) অমসুং এ.পি.আই. লমদমসিদা শাবগী প্রদক্সন লিঙ্ক ইন্সেন্তিব (পি.এল.আই.) স্কিম। স্কিম অসিগী মখাদা অপুনবা প্রোজেক্ত ৫১গী অয়াবা পীখ্রে, মসিগী মনুংদগী প্রোজেক্ত ১৪ হান্ননা হৌখ্রে অমসুং হিদাক শাবসু হৌখ্রে।
• ফার্মাস্যুতিকেল্সকী পি.এল.আই., মসিনা কেতগরী অহুমগী মখাদা লৈবা মশক খঙলবা পোত্থোক শাবগীদমক্তা খনগৎলবা এপ্লিকেন্ত ৫৫দা শেলগী ইন্সেন্তিব পীরি অমসুং স্কিম অসিগী মখাদা লৈবা ইলিজিবল দ্রগশিংগী মনুংদা এ.পি.আই.শিংসু য়াওরি।

*****

(Release ID: 1856146) Visitor Counter : 191