گیارہویں کلاس کے طلبہ کے لیے 29 اگست – یکم ستمبر 2022 کے دوران سندھیا کنیا ودیالیہ، گوالیار میں جگیاسا 2.0 پروگرام کے تحت چار روزہ "جگیاسا فار رینیوایبل فیول" پروگرام سی ایس آئی آر انڈین انسٹی ٹیوٹ آف پٹرولیم، دہرادون میں کامیابی سے منعقد کیا گیا۔

4 روزہ پروگرام کا افتتاح سی ایس آئی آر آئی پی دہرادون کے ڈائریکٹر ڈاکٹر انجن رے نے کیا۔ اس پروگرام کا بنیادی مقصد غیر خوردنی بنسپتی تیل، استعمال شدہ کھانا پکانے کے تیل اور فضلہ پلاسٹک کو مختلف اقسام کے ایندھنوں کے طور پر استعمال کے لیے مختلف ٹیکنالوجیوں کا مظاہرہ کرنا ہے۔

ڈاکٹر انجن رے طلبہ کو اپنی روزمرہ زندگی میں پیدا ہونے والے مختلف اقسام کے کوڑا کرکٹ کو سمجھنے اور کم سے کوڑا کرکٹ پیدا کرنے اور توانائی اور ایندھن کے زیادہ سے زیادہ استعمال کے طریقے تجویز کیے۔ انھوں نے اس بات پر بھی زور دیا کہ نیٹ زیرو کاربن ڈائی آکسائیڈ اخراج کے ہدف کے حصول کے لیے اجتماعی کوششیں درکار ہیں۔ اس پروگرام کے دوران طلبہ کو سی ایس آئی آر انڈین انسٹی ٹیوٹ آف پٹرولیم کے سائنسدانوں اور تکنیکی افسران سے گفت و شنید کرنے کا موقع ملا۔

مختلف موضوعات جیسے مستقبل کے ایندھن کے طور پر قابل تجدید ایندھن، متبادل ایندھن، ہائیڈوروجن، الیکٹریکل وہیکل ریٹرو فٹنگ، آرٹیفیشل انٹیلی جنس اور پیٹرو کیمیکلز اور پولیمرز پر لیکچرز کا ایک سلسلہ پیش کیا گیا_۔  ڈاکٹر انجن رے، ڈاکٹر آترے، ڈاکٹر آنند نارانی، ڈاکٹر سنیل کمار سمن، ڈاکٹر سنت کمار، ڈاکٹر سبھم پال، ڈاکٹر نینو جی اسلاوت، ڈاکٹر روبندرو ایل، ڈاکٹر توہین ایس خان، ڈاکٹر ڈی وی نائک اور ڈاکٹر امیش کمار نے طلبہ کے سائنسی مزاج کو پروان چڑھانے کے لیے یہ لیکچر دیے۔

طلبہ کو بائیو ڈیزل سے آر یو سی او کے عمل کے ساتھ ساتھ کاربن ڈائی آکسائیڈ سے خشک برف بنانے کا طریقہ بھی دکھایا گیا۔ اس کے علاوہ طلبہ نے مختلف لیبارٹریوں جیسے بائیو ٹیکنالوجی اینڈ بائیو کیمسٹری لیب، ایڈسورپشن اور ممبرین سیپریشن لیب سی ایف آر انجنز، ایمیشن ٹیسٹنگ لیب، تھرمو کیٹالیٹک پروسیس لیب، جدید خام تیل ریسرچ سینٹر، آئی آر اور جی سی ایم ایس لیب کا بھی دورہ کیا۔ انھوں نے فضلہ پلاسٹک سے ایندھن اور کیمیکلز اور بائیو جیٹ ایندھن کے پائلٹ پلانٹس کا بھی دورہ کیا۔ اختتامی تقریب کے دوران سی ایس آئی آر-آئی آئی پی کے چیف سائنسدان پروفیسر ایس کے گنگولی نے طلبہ کو شرکت کے لیے سرٹیفکیٹ تقسیم کیے۔

اس پروگرام کے انعقاد کو کامیاب بنانے میں ڈاکٹر انکور بوردولوئی، پرنسپل سائنسدان؛ ڈاکٹر امیش کمار، سینئر سائنسدان؛ ڈاکٹر جی ڈی ٹھاکرے، سینئر پرنسپل سائنسدان؛ ڈاکٹر کمل کمار، سینئر ٹیکنیکل آفیسر؛ ڈاکٹر دیپیندر ترپاٹھی، سینئر ٹیکنیکل آفیسر؛ ڈاکٹر جیوتی پوروال، سینئر ٹیکنیکل آفیسر؛ ڈاکٹر پردیپ تیاگی، سینئر ٹیکنیکل آفیسر؛ ڈاکٹر رگھوویر سنگھ، سینئر ٹیکنیکل آفیسر؛ مسٹر مکل شرما اور مسٹر پنکج بھاسکر نے مثالی کردار ادا کیا۔ اس پورے پروگرام کو جگیاسا کوآرڈینیٹر ڈاکٹر آرتی، پرنسپل سائنسدان سی ایس آئی آر-آئی آئی پی نے کوآرڈی نیٹ کیا۔

***

(ش ح – ع ا – ع ر)

U. No. 9783

(Release ID: 1856130) Visitor Counter : 155