ইনভাইরনমেন্ত, ফোরেস্ত অমসুং ক্লাইমেত চেঞ্জকী কেন্দ্র মন্ত্রী, শ্রী ভুপেন্দর য়াদবনা ঙরাং ইন্দোনেসিয়াগী বালিদা পাংথোকপা জি.২০ জোইন্ত ইনভাইরনমেন্ত অমসুং ক্লাইমেন্ত মিনিস্তর্স মীতিং (জে.ই.সি.এম.এম.)দা শরুক য়াখি।

জি.২০ মীফমগী লোইশিনবা নুমিত্তা কেন্দ্রগী মন্ত্রীনা থমখিবা ৱাফমদা খুন্নাইগী অৱাবা তাগনবা মীওইশিংবু অখন্ননা লৌদুনা, মীওই অমত্তা চিত্থহন্দনা মালেম শিনবা থুংবনা মপাঙ্গল লৈনা রিকভরী তৌনবা অমসুং রেজিলিএন্স পুরক্নগীদমক্তা পুন্না হোৎনমিন্নবগী মথৌ তাই হায়না ফোংদোকখি। ৱাফম অসিনা তুং কোইনা চাউখৎপা পুরক্নবগীদমক্তা ইং ২০৩০গী এজেন্দাগী ময়োলদা লৈ হায়না মহাক্না মীয়ামদা অমুক হন্না নীংশিংহনখি।

শ্রী য়াদবনা সস্তেনেবল রিকভরীনা সস্তেনেবল দিভেলপমেন্ত গোলশিংবুসু ফংহনগদবনি হায়না ফোংদোকখি। অইং-অশাগী হোংবগী শিংনবনা মালেমগী ওইবা থৌওং অমা ওইরিঙৈ অসিদা, মসিগী পামদবা চৈথেং কয়াসু চাউখৎলক্লিবা লৈবাকশিংদা মরু ওইনা, লাইরবা অমসুং অৱাবা তাগনবা মীওইশিংনা হেন্না থেংনরি হায়না মহাক্কী ৱাফমদা ফোংদোকখি। মহৌশাগী পোত্থোক্তা কা-হেন্না মখা পোনবগী মতৌ অমা য়াম্না ৱাংনা লৈরি, অদুবু অইং-অশা হোংবা নাইবা অমসুং মসিগী শাথীবা ফিভমগা মাইয়োক্নবা ঙম্বগী মতিক্তি য়াম্না অকক্নবা ওইরি। অইং-অশা হোংবগী শিংনবা অসিদি তসেংনা য়াম্না পামদবা থৌওংনি। মসিগী মাইকৈদা য়াম্না অকক্ননা তেংবাংলিবা চাউখৎলক্লিবা লৈবাকশিংনা গ্লোবেল ৱার্মিংগী চৈথেং খ্বাইদগী হেন্না ফংগনি। হৌজিক মতমগী ইনভাইরনমেন্তেল চেলেঞ্জ থেংননবা খোঙথাংশিংনা লৈবাক্কী ওইরিবা ফিভম অমসুং অহেনবা মিৎয়েং চঙফম থোকপশিং য়েংদুনা ইক্বিতী অমসুং প্রিন্সিপাল ওফ কম্মন্স, অদুবু তোঙাল্লবা থৌদাং অমসুং মশাগী তৌবা ঙম্বগী মতিকশিংদা য়ুম্ফম ওইগদবনি।

ভারতনা ইং ২০২৩গী জি.২০ সম্মিত্তা লোইশিন্দুনা দিসেম্বর ১, ২০২২দগী জি.২০ প্রসিদেন্সেগী থৌ পুগনি হায়না মন্ত্রী য়াদবনা তিল্লিবা মীয়ামগী মফদা ফোংদোকখি। ইন্দোনেসিয়াগী প্রসিদেন্সেগী মখাদা পাংথোক্লিবগুম্না, জি.২০ প্রসিদেন্সগী মনুংদা ভারত্তা সাইদ ইভেন্ত মীফম, ৱর্ক্সোপ, সেমিনার অমসুং তোঙানবা শহরশিংদা সাইত ভিজিৎ চৎপগী থৌওংশিং পাংথোক্কনি।

ঐখোয়গী ইকায় খুম্ননীংঙাই ওইরবা প্রধান মন্ত্রী, শ্রী নরেন্দ্র মোদীনা নবেম্বর ২০২১গী কোপ ২৬তা মালেমগী লুচিংবশিংগী মফমদা ৱা ঙাঙবদা এল.আই.এফ.ই. – লাইফস্তাইল ফোর ইনভাইরনমেন্ত হায়বা তুং কোইনা চাউখৎপা পুরকপগী অনৌবা মন্ত্রা অমসু পীখি হায়না শ্রী য়াদবনা তিল্লিবা মীয়ামদা পাউদমখি। ৱাখল য়াওদবা অমসুং অমাঙ-অতা থোকহন্দুনা কঞ্জম্পসন তৌবদগী লাপথোক্তুনা নীংথিনা থৌরাং য়াত্তুনা কঞ্জম্পসন তৌবরোমদা চঙশিন্নবগীদমক্তা এল.আই.এফ.ই. অসি মালেমগী ইহৌ অমা ওইনা চত্থবগী ঙসিদি তঙাই ফদবা য়াম্না লৈরে। ক্লীন ইনর্জী অমসুং ইনর্জী সেক্যুরিতী লো কার্বন অমসুং ইফিসিএন্ত ইন্দস্ত্রী গ্রোথ, সস্তেনেবল এগ্রিকলচর অমসুং লো কার্বন লিবিংগী মাইকৈদা ভারতনা হোৎনরিবা অসিনা মীয়ামগী পুন্সি মহিংদা অহোংবা অমা পুরক্নবগীদমক্তা ভারতনা খোঙফম চেৎলিবা অসিবু হেন্না চেৎশিনহল্লি। মীয়াম পুম্বগী এফোর্দেবল, সর্ভেবল অমসুং সস্তেনেবল লাইফস্তাইল অমা শোইদনা লৈহন্নবগী ঐখোয়না নুংঙাই য়াইফবা হায়বসিগী অনৌবা ৱাহন্থোক পীবগী মথৌ তারে। তুং কোইনা চৎহনবা হায়বসিদা মালেমগী ওইবা মান্নবা পান্দমগীদমক্তা নীংথিনা য়াৎথোক্লবা থৌওংশিংগী মথৌ তারে হায়রদুনা মহাক্না মহাক্কী ৱারোল লোইশিনখি। লৈবাকশিংগী মনিং-তম্বা, শেন্মিৎলোন অমসুং খুন্নাইশিংবু শকখঙবা  ‘মালেম পুম্বগী ওইবা’ হায়বা খোঙথাং অমগীদমক্তা ভারতনা লেপ্পি।

মহাক্কী ৱারোলগী অরোইবদা, ইনভাইরনমেন্ত, ফোরেস্ত অমসুং ক্লাইমেত চেঞ্জ মন্ত্রী, শ্রী ভুপেন্দর য়াদবনা ভারতকী জি.২০ প্রসিদেন্সী মনুংদা পাংথোক্কদবা মথংগী ইনভাইরনমেন্ত দেপ্যুতীজ মীতিং অমসুং ক্লাইমেত সস্তেনেবিলিতী ৱর্কিং গ্রুপকা মরী লৈনবা থৌরমশিংদা শরুক য়াবীনবা জি.২০ লৈবাকশিংদা থম্মোই শেংনা পাউজেল পীখি।

*****