শেল-থুম মন্ত্রালয়
ইনকম তেক্স দিপার্তমেন্তনা নোংচুপ বেঙ্গলদা থিবা-হুম্বা চৎথখ্রে
Posted On:
31 AUG 2022 4:33PM by PIB Imphal
হৌখিবা ওগস্ত ১৮, ২০২২দা কোলকাতাদা লৈবা মমিং চৎলবা রিএল স্তেৎ গ্রুপ অনিদা ইনকম তেক্স দিপার্তমেন্তনা নোংচুপ বেঙ্গলদা থিবা-হুম্বা চৎথখ্রে।
থিবা-হুম্বা চৎথরিঙৈ মনুংদা, চে-চাংশিং অমসুং দিজিতেল দেতা য়াওনা মশিং য়াম্লবা প্রমান কয়া ফংখি অমসুং ফাজিনখি। কেস বুকশিং চঙহন্দবা অমসুং মনি রিসিফ শীজিন্নদবা শেন-থুম পীথোক-পীশিনগী থবকশিংগী খুদম কয়া ফংখি। মখোয়দগী ফংখিবা চে-চাংশিং অমসুং ইলেকত্রোনিক দেতাশিং অদুগী মতুংইন্না শাশিন্নবা কম্পেনিশিংগী খুৎথাংদা শেনফম কয়া পীথোক-পীশিন তৌবা থেংনখি। মখা তানা, লম লৈবদা মরম পীবা ঙমদবা শেনফমশিং শীজিন্নখিবগী খুদম-চাংদম খরা থিবা-হুম্বা মনুংদা ফংখি।
শাশিন্নবা কম্পেনিশিং শীজিন্নদুনা সিয়ার কেপিতেল, সিয়ার প্রেমিয়ম অমসুং অনসেকিউয়র লোনশিংগী মওংদা বোগস ইনভেস্তমেন্তশিং ওইনা ফন্দ কয়া থাদখি হায়না মরুওইবা মীওইশিংনা ফোঙদোকখি।
থিবা-হুম্বা অদুদা হৌজিক ফাওবগী ওইনা মরম পীবা ঙমদবা চাউরাক্নবা অপুনবা শেনফম লুপা কোতি ২৫০ হেন্না ফংখি। থিবা-হুম্বা মনুংদা বেঙ্ক লোক্কর ১৬ ফংখি।
মখা তানা থিবা-হুম্বগী থবক চৎথরি।
*****
(Release ID: 1855839)
Visitor Counter : 124