ਕੇਂਦਰੀ ਸੜਕ ਟ੍ਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਨੇ ਅੱਜ ਮੁੰਬਈ ਵਿੱਚ ਆਯੋਜਿਤ ਅਖਿਲ ਭਾਰਤੀ ਸਥਾਨਕ ਸਵੈ ਸ਼ਾਸਨ ਸੰਸਥਾਨ ਦੀ ਕਨਵੋਕੇਸ਼ਨ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਇਨੋਵੇਸ਼ਨ, ਉਦਮਸ਼ੀਲਤਾ, ਵਿਗਿਆਨ ਅਤੇ ਟੈਕਨੋਲੋਜੀ, ਖੋਜ, ਕੌਸ਼ਲ ਅਤੇ ਵਧੀਆਂ ਪ੍ਰਥਾਵਾਂ ਗਿਆਨ ਦਾ ਨਿਰਮਾਣ ਕਰਦੀਆਂ ਹਨ ਅਤੇ ਗਿਆਨ ਨੂੰ ਸੰਪਦਾ ਵਿੱਚ ਬਦਲਣਾ ਹੀ ਦੇਸ਼ ਦਾ ਭਵਿੱਖ ਹੈ।

ਅਖਿਲ ਭਾਰਤੀ ਸਥਾਨਕ ਸਵੈ ਸ਼ਾਸਨ ਸੰਸਥਾਨ ਦੇ ਪ੍ਰਧਾਨ ਰਣਜੀਤ ਚਵਹਾਣ, ਡਾਇਰੈਕਟਰ ਜਨਰਲ  ਡਾ. ਜੈਰਾਜ ਫਾਟਕ, ਡਿਪਟੀ ਪ੍ਰਧਾਨ ਰਾਜਕਿਸ਼ੋਰ ਮੋਦੀ, ਸੰਸਥਾਨ ਦੇ ਸ਼ਾਸੀ ਸੰਸਥਾ ਦੇ ਮੈਂਬਰ ਵਿਜੈ ਸਾਨੇ, ਗੋਬਿੰਦ ਸਵਰੂਪ, ਰਵੀ ਗੁਰੂ, ਉਤਕਰਸ਼ ਕਵਾਲੀ, ਸਨੇਹਾ ਪਲਨੀਟਕਰ ਇਸ ਅਵਸਰ ’ਤੇ ਮੌਜੂਦ ਸੀ।

ਸ਼੍ਰੀ ਗਡਕਰੀ ਨੇ ਵਿਸ਼ਵਾਸ ਜਤਾਇਆ ਕਿ ਅੱਜ ਗ੍ਰੈਜੂਏਟ ਵਾਲੇ ਵਿਦਿਆਰਥੀ ਆਪਣੇ-ਆਪਣੇ ਖੇਤਰਾਂ ਵਿੱਚ ਪ੍ਰਾਪਤ ਗਿਆਨ ਦਾ ਉਪਯੋਗ ਕਰਕੇ  ਦੇਸ਼ ਅਤੇ ਸਮਾਜ ਦੇ ਲਈ ਕੰਮ ਕਰਨਗੇ। ਉਨ੍ਹਾਂ ਨੇ ਕਿਹਾ ਕਿ ਟੈਕਨੋਲੋਜੀ ਅਤੇ ਸਿੱਖਿਆ ਨੂੰ ਜੋੜਨਾ ਜ਼ਰੂਰੀ ਹੈ ਕਿਉਂਕਿ ਪੂਰੀ ਦੁਨੀਆ ਵਿੱਚ ਟੈਕਨੋਲੋਜੀ ਵਿੱਚ ਲਗਾਤਾਰ ਬਦਲਾਅ  ਆ ਰਿਹਾ ਹੈ।

ਸ਼੍ਰੀ ਗਡਕਰੀ ਨੇ ਕਿਹਾ ਕਿ ਸਥਾਨਕ ਸਵੈ ਸ਼ਾਸਨ ਸੰਸਥਾਵਾਂ ਦੇ ਪ੍ਰੋਜੈਕਟਾਂ ਨੂੰ ਗੁਣਾਤਮਕ ਰੂਪ ਨਾਲ ਬਿਹਤਰ ਬਣਾਉਣ ਦੇ ਲਈ ਇਹ ਉਪਯੁਕਤ ਸਮਾਂ ਹੈ ਕਿ ਅਸੀਂ ਵਿਸ਼ਵ ਪੱਧਰੀ ਮਾਨਕ ਦੇ ਪ੍ਰੋਜੈਕਟ ਪ੍ਰਬੰਧਨ ਸਲਾਹਕਾਰ ਸੰਗਠਨਾਂ ਨੂੰ ਸ਼ਾਮਲ ਕਰਨ ਅਤੇ ਇਸ ਦੇ ਲਈ ਤਕਨੀਕੀ ਮਾਪਦੰਡਾਂ ਨੂੰ ਵਿੱਤੀ ਯੋਗਤਾ ਤੋਂ ਅਧਿਕ ਮਹੱਤਵ ਦਿੱਤਾ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਰਾਇ ਵਿਅਕਤ ਕੀਤੀ ਕਿ ਜਦੋਂ ਤੱਕ ਅਜਿਹਾ ਨਹੀਂ ਹੋਵੇਗਾ, ਉਦੋਂ ਤੱਕ ਨਗਰ ਸੰਸਥਾਵਾਂ ਦੇ ਪ੍ਰਸ਼ਾਸਨ ਵਿੱਚ ਅਧਿਕ ਸੁਧਾਰ ਨਹੀਂ ਆਵੇਗਾ। ਸ਼੍ਰੀ ਗਡਕਰੀ ਨੇ ਕਿਹਾ ਕਿ ਨਗਰ ਪਾਲਿਕਾਵਾਂ ਦੇ ਪ੍ਰਦਰਸ਼ਨ ਵਿੱਚ ਸੁਧਾਰ ਦੇ ਲਈ ਵਿੱਤੀ ਲੇਖਾ ਪਰੀਖਿਆ ਦੇ ਨਾਲ-ਨਾਲ ਨਿਸ਼ਪਾਦਨ ਲੇਖਾ ਪਰੀਖਿਆ ਕਰਨਾ ਵੀ ਉਤਨਾ ਹੀ ਜ਼ਰੂਰੀ ਹੈ।

ਸ਼੍ਰੀ ਗਡਕਰੀ ਨੇ ਕਿਹਾ ਕਿ ਟੈਕਨੋਲੋਜੀ ਦਾ ਉਪਯੋਗ ਕਰਕੇ ਸਥਾਨਕ ਸਵੈ ਸ਼ਾਸੀ ਸੰਸਥਾਵਾਂ, ਖਾਸ ਤੌਰ ’ਤੇ, ਨਗਰ ਨਿਗਮਾਂ ਨੂੰ ਵਿੱਤੀ ਰੂਪ ਨਾਲ ਸਸ਼ਕਤ ਬਣਾਏ ਜਾਣ ਦੀ ਜ਼ਰੂਰਤ ਹੈ। ਟੈਕਨੋਲੋਜੀ ਦਾ ਉਪਯੋਗ ਸੜਕ ਨਿਰਮਾਣ, ਵੇਸਟ ਪ੍ਰਬੰਧਨ, ਜਲ ਉਪਚਾਰ ਅਤੇ 24 ਘੰਟੇ ਪਾਣੀ ਦੀ ਸਪਲਾਈ ਵਰਗੀਆਂ ਸੇਵਾਵਾਂ ਨੂੰ ਸਰਬਉੱਤਮ ਤਰੀਕੇ ਨਾਲ ਪ੍ਰਦਾਨ ਕਰਨ ਦੇ ਲਈ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਨਾ ਕੇਵਲ ਧਨ ਦੀ ਬਚਤ ਹੋਵੇਗੀ ਬਲਕਿ ਇਸ ਨਾਲ ਮਾਲੀਆ ਵੀ ਪ੍ਰਾਪਤ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਉਦਹਾਰਨ ਦੇ ਤੌਰ ’ਤੇ ਜਨਤਕ ਟ੍ਰਾਂਸਪੋਰਟ ਨੂੰ ਪੂਰੀ ਤਰ੍ਹਾਂ ਨਾਲ ਇਲੈਕਟ੍ਰਿਕ ਬਣਾਉਣ ਵਿੱਚ ਬਹੁਤ ਸਾਰਾ ਧਨ ਬਚਾਇਆ ਜਾ ਸਕੇਗਾ।

ਉਨ੍ਹਾਂ ਨੇ ਕਿਹਾ, "ਸਥਾਨਕ ਸਥਾਨਕ ਸਰਕਾਰਾਂ ਨੂੰ ਪ੍ਰੋਜੈਕਟਾਂ ਦੇ ਲਈ ਕੇਵਲ ਸਰਕਾਰੀ ਗ੍ਰਾਂਟ ’ਤੇ ਹੀ ਨਿਰਭਰ ਨਹੀਂ ਰਹਿਣਾ ਚਾਹੀਦਾ ਹੈ, ਬਲਕਿ ਜਨਤਕ ਨਿਜੀ ਖੇਤਰ ਦੀ ਭਾਗੀਦਾਰੀ ਦੇ ਰਾਹੀਂ ਕੰਮ ਕਰਨ ਦਾ ਵਿਕਲਪ ਵੀ ਅਪਣਾਉਣਾ ਚਾਹੀਦਾ ਹੈ। ਇਸ ਦੇ ਲਈ ਹਰ ਖੇਤਰ ਵਿੱਚ ਭਰਪੂਰ ਸੰਭਾਵਨਾਵਾਂ ਹਨ। ਠੋਸ ਅਤੇ ਤਰਲ ਵੇਸਟ ਪ੍ਰਬੰਧਨ ਵਿੱਚ ਜਨਤਕ ਨਿਜੀ ਖੇਤਰ ਦੀ ਭਾਗੀਦਾਰੀ ਨਾਲ 5 ਲੱਖ ਕਰੋੜ ਰੁਪਏ ਦੀ ਅਰਥਵਿਵਸਥਾ ਪੈਦਾ ਹੋ ਸਕਦੀ ਹੈ।" ਇਸ ਸੰਦਰਭ ਵਿੱਚ, ਸ਼੍ਰੀ ਗਡਕਰੀ ਨੇ ਸੀਵੇਜ ਪ੍ਰਬੰਧਨ ਦੇ ਲਈ ਮਥੁਰਾ ਅਤੇ ਨਾਗਪੁਰ ਨਗਰ ਨਿਗਮ ਵਿੱਚ ਲਾਗੂਕਰਨ ਪ੍ਰੋਜੈਕਟ ਦੀ ਉਦਹਾਰਨ ਦਿੱਤੀ।

ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਫਸਲਾਂ ਦੀ ਰਹਿੰਦ-ਖੂੰਹਦ ਤੋਂ ਬਾਇਓ-ਈਥਾਨੌਲ ਬਣਾਉਣ ਨਾਲ ਨਾ ਕੇਵਲ ਬਦਣਯੋਗ ਊਰਜਾ ਦਾ ਉਤਪਾਦਨ ਹੋਵੇਗਾ, ਬਲਕਿ ਫਸਲਾਂ ਦੀ ਰਹਿੰਦ-ਖੂੰਹਦ ਜਲਾਉਣ ਨਾਲ ਹੋਣ ਵਾਲੇ ਪ੍ਰਦੂਸ਼ਣ 'ਤੇ ਵੀ ਕਾਬੂ ਪਾਇਆ ਜਾਵੇਗਾ।

************

ਪੀਬੀ ਮੁੰਬਈ | ਡਜੇਐੱਮ/ਐੱਮ.ਚੋਪਡੇ/ਪੀ.ਕੋਰ