চিনি কা হেন্না পুথোকপা হায়বসিনা শেন্মিৎলোন্দা খুদোংচাদবা থোকহল্লে; ঐখোয়না চহি খুদিংগী পেত্রোলিয়মগী পোত্থোকশিং পুশিন্নবা হোৎনবদা লুপা করোর লাখ ১৫ চাদিং তৌই, মরম অসিনা ঐখোয়না লৌউশিংউগী সেক্তর অসিবু পাকথোক চাউথোকহন্দুনা এনর্জী অমসুং পাৱর সেক্তরশিংদা মাই ওনশিনগদবনি হায়না কেন্দ্রগী রোদ ত্রান্সপোর্ত অমসুং হায়ৱেজ মন্ত্রী শ্রী নিতিন গদকারিনা নেসনেল কোজেনরেসন মনা ২০২২য়েন্থোকপগী মুম্বাইদা ঙসি ওগস্ত ২৭, ২০২২দা পাঙথোকপা থৌরম অমদা ৱা ঙাংলদুনা হায়খি।

মন্ত্রীনা ইন্দস্ত্রী অসিবু ফ্যুচরিস্তিক তেক্নোলোজীশিংগী মতেং লৌদুনা অতোপ্পা ফ্যুল অমদা মায় ওনশিনবগী তঙাইফদবা লৈ হায়খি। "ঐখোয়গী মীয়ামগী মরক্তগী ৬৫% - ৭০%না লৌউশিংউদা তাংদুনা হিংই, ঐখোয়গী লৌউশিংউ চাউখৎপগী চাংনা ১২%-১৩% খক্তমক্নি; চিনি ইন্দস্ত্রী অমসুং লৌমীশিংনা ঐখোয়গী ইন্দস্ত্রীগী চাউখৎপগী ইঞ্জিননি। অমসুং মথংগী খোঙথাংদি চিনিদগী রেভিন্যু লাক্ননবা কোজেনরেসন তৌবনি। ইন্দস্ত্রী অসিনা চিনি হন্থনা পুথোক্নবা হোৎনগদবনি অমসুং ফ্যুচরিস্তিক তেক্নোলোজীশিং শীজিন্নদুনা অমসুং লৌশিংবু লন ওন্থোঙ্কপা ঙম্বা লুচিংবগী শক্তি শীজিন্নদুনা বাইপ্রদক্তশিং হেন্না পুথোক্নবা হোৎনগদবনি।" মসিনা লৌমীশিংবু চীঞ্জাক পুথোকপা ঙম্বা ওইবদা নত্তনা এনর্জী পুথোকপা ঙম্বসু ওইরগনি হায়না মহাক্না হায়খি।

মন্ত্রীনা হায়খি মদুদি ঐখোয়না চহি অসিদা চিনি তন লাখ ২৮০ চঙবা তারবসু পুথোকপগী চাংদি তন লাখ ৩৬০দগী হেল্লি; মসি ব্রাজিলদা থোকপা থৌদক্না মরম ওইদুনা মসিসু শীজিন্নবা য়াই। অদুমওইনমক, ঐখোয়না পুথোকপগী চাং অসি ইথানোল ওন্থোকপা য়াই মরমদি ইথানোল চঙবগী চাং অসিসু খম থেংনা ৱাংই হায়না মন্ত্রীনা ফোংদোকখি। "মমাং চহিগী কেপাসিতী অসি ইথানোল লিতর করোর ৪০০ ওইখি; ঐখোয়না ইথানোল পুথোকপগী চাং অসি ৱাংননবা থৌরাং কয়া অমা লৌখৎলি। বাইওইথানোলনা চলাইবা পাৱর জেনরেতরশিংগুম্বা তেক্নোলোজী শীজিন্নদুনা ইথানোল দিমান্দগী থৌরাং তৌনবগী মতম ওইরে।"

মন্ত্রী অসিনা ইন্দস্ত্রীদা হায়খি লৈঙাক অসিনা ভারত্তা ফ্লেক্স ইঞ্জিন হৌদোক্নবা ৱারেপ লৌরে। "বাজাজ, হিরো অমসুং তি.ভি.এস.না ফ্লেক্স ইঞ্জিন মাংজৌননা শাখ্রে, কার মেন্যুফেকচরর কয়া অমনসু মখোয়গী ফ্লেক্স ইঞ্জিনগী মোদেলশিং হৌদোক্নবা ৱারেপ লৌনখ্রে।"

মন্ত্রীনা ইথানোলগী কেলোরিফিক ভেল্যুদা লৈরিবা খুদোংচাদবা অমবু রসিয়াদগী রিসর্চরশিংগা তান্নদুনা মতৌ করম্না লোইশিনখিবগে হায়বগী মতাংদা ফোংদোকখি। "ইথানোলগী কেলোরিফিক ভেল্যু অসি নেম্মি, পেত্রোল লিতর ১গা ইথানোল লিতর ১.৩গা মান্নৈ, অদুবু রসিয়াগী তেক্নোলোজী শীজিন্নদুনা ঐখোয়না ইথানোলগী কেলোরিফিক ভেল্যুবু পেত্রোল্গা মান্নহন্নবা পাম্বৈ পুথোকলে।"

মন্ত্রী হায়খি মদুদি ওতো-রিকশো ফাওবা বাইওইথানোলনা চলাইবা য়াগনি; কন্সত্রক্সন ইক্বিপমেন্ত ইন্দস্ত্রীদা ফাওবা, অতোপ্পা ফ্যুলশিং শীজিন্নবা য়াগনি, মসিগা মান্ননা জর্মনীনা ত্রেনশিংবু বাইওইথানোল শীজিন্নদুনা চেনবা য়াই হায়বা উৎখ্রে। ইথানোলগী কা হেন্না শেংদোক্লবা ভর্জনসু এভিএসন ইদস্ত্রীদা শীজিন্নবা য়াগনি; এরোনোতিকেল সেক্তর অসিনা মসিবু মতৌ করম্না চলাইবা য়াগদগে হায়না রিসর্চ তৌরি হায়না মহাক্না ফোংদোকখি। "বাইও-সি.এন.জি. অসি সি.এন.জি.দগী হেন্না হোংবা হেল্লি অমসুং মসি ফৌ অমসুং ওর্গানিক ম্যুনিসিপাল ৱেস্ততগী শাবা য়াগনি, মসিনা শেন্মিৎলোনবু হেন্না ফগৎহনগনি।"

মন্ত্রী অসিনা ইন্দস্ত্রীদা নিংশিংখি মদুদি চু ককপদা শীজিন্নগদবা লোকপগী তেক্নোলোজীশিংগী স্কোপ লৈ। "হার্ভেস্তিং মেচিনশিংদা ইথানোলবু থাউ ওইনা শীজিন্নবা য়াগনি, মসিনা সার্কুলার একনোমী ওইহনবা য়াগনি।"

মন্ত্রী অসিনা হায়খি মদুদি চিনিগী ইন্দস্ত্রীনা খুদোংচাদবা কয়া অমা মাইয়োক্নৈ অমসুং ঐখোয়দা পাৱর পর্চেস রেৎশিং রেসনেলাইজ তৌবা তাই; রাজ্য খরনা সেন্ত্রেল গবর্নমেন্তকী পোলিসীগী মতুং ইন্না মমল পীদে, মসিনা চুগী ইন্দস্ত্রী অসিবু শেন্মিৎলোনদা নুংঙাইবা ওইহন্দে হায়না মন্ত্রীনা ইন্দস্ত্রীদা হীরম অসিবু মতীক চাবা ফোরম অমদা পুখৎনবা হায়খি।

***************