ঙাকশেল মন্ত্রালয়
রক্ষা মন্ত্রী শ্রী রাজনাথ সিংহ অমসুং মহাক্কা ফম মান্নবা তাঞ্জানিয়াগী দোক্তর স্তেরগোমেনা লাউরেন্স তেক্স নিউ দিল্লিদা লৈবাক অনিগী ৱারি শানখ্রে
লৈবাক অনিগী মরক্তা ঙাক-শেনগী মতেং পীনবা হেনগৎহন্নবা মথং চহি ৫গী লম্বী অমা শেম্নবা তাক্স ফোর্স অমা লিংখৎপা হায়না য়ানখি
ওক্তোবরদা পাংথোক্কদৌরিবা ফিফেন্স এক্সপো ২০২২দা শরুক য়ানবা রক্ষা মন্ত্রীনা তাঞ্জানিয়াগী দিফেন্স মিনিস্তরদা চেবাউ পীখি
Posted On:
26 AUG 2022 6:15PM by PIB Imphal
ওগস্ত ২৬, ২০২২দা নিউ দিল্লিদা রক্ষা মন্ত্রী শ্রী রাজনাথ সিংহমা তাঞ্জানিয়াগী দিফেন্স অমসুং নেসনেল সর্বিসকী মিনিস্তর দোক্তর স্তেরগোমেনা লাউরেন্স তেক্সকা লৈবাক অনিগী ৱারি শানখ্রে। ৱারি শানবা অদুদা লৈবাক অনিগী ওইবা ৱাফমশিং, মালেমগী অমসুং ঙাক-শেনগী উদোগকী লমদা মতেং পীনবা য়াওনা তোঙান-তোঙানবা হিরম কয়াদা খন্নখি। হৌজিক লৈরিবা লান্মী মশেলগী মরক্তা মতেং পাংনবগী থবকশিং অদু মিনিস্তর অনিনা অমুক হন্না য়েংশিনখি অমসুং ঙাক-শেনগী উদোগকী লমদা মীৎয়েং থমদুনা হিরম খুদিংমক্তা পু্ন্না থবক তৌমিন্নবা হেনগৎহন্নবা পাম্বৈশিং খন্নখি।
লৈবাক অনিগী মরক্তা ঙাক-শেনগী মতেং পীনবা হেনগৎহন্নবা মথং চহি ৫গী লম্বী অমা শেম্নবা তাক্স ফোর্স অমা লিংখৎপা অমসুং অথুবা মতমদা তাঞ্জানিয়াদা মথংগী জোইন্ত দিফেন্স কোওপরেসনগী মীফম পাংথোকপা হায়না মিনিস্তর অনিনা য়ানখি। লাক্লিবা ওক্তোবর ১৮-২২, ২০২২দা গুজরাতকী গান্ধীনগরদা পাংথোক্কদৌরিবা ইন্দিয়া-অফ্রিকা দিফেন্স দাইলোগ অমসুং দিফেন্স এক্সপো শরুক য়ানবা রক্ষা মন্ত্রীনা তাঞ্জানিয়াগী দিফেন্স মিনিস্তরদা চেবাউ পীখি।
ঙসি অঙনবদা, তাঞ্জানিয়াগী দিফেন্স অমসুং নেসনেল সর্বিসকী মিনিস্তরনা নেসনেল ৱার মেমোরিএলদা চৎখি অমসুং অথৌবশিংগী মফমদা লৈ কৎখি। শ্রী রাজনাথ সিংহনা নাকল অনিগী ওইবা ৱারি শানবা হৌদ্রিঙৈদা মহাক্না গার্দ ওফ ওনর অমা ওকখি।
ভারতকী দিফেন্স ইন্দস্ত্রিশিংগা ৱারি শান্নবা হায়দ্রবাদকীদমক খোঙশান্দ্রিঙৈদা দোক্তর তেক্সনা ৱারগেমিং দিবলপমেন্ত সেন্তর অমসুং ইনফোর্মেসন ফুউজন সেন্তর-ইন্দিয়ান ওসিন রিজন য়েংগনি।
*****
(Release ID: 1854758)
Visitor Counter : 164