এম.এস.এম.ইশিংগী লমদা মতেং পীন্নবা নিউ দিল্লিদা মাইক্রো, স্মোল অমসুং মেদিয়ম ইন্তরপ্রাইজেস মিনিস্ত্রি অমসুং মোরিসসকী বিজিনেস, ইন্তরপ্রাইজেস অমসুং কোওপরেতিপসকী মরক্তা ৩শুবা জোইন্ত কম্মিতি মীতিং(জে সি এম) পাংথোকখ্রে। মীফম অদুদা ভারতকী মাইকৈদগী ভারত সরকারগী মাইক্রো, স্মোল অমসুং মেদিয়ম ইন্তরপ্রাইজেসকী য়ুনিয়ন মিনিস্তর শ্রী নরায়ান রানেনা লুচিংখি অমসুং মোরিসসকী মাইকৈদগী ইন্দস্ত্রিয়েল দিবলপমেন্ত, এস.এম.ই অমসুং কোওপরেতিপসকী য়ুনিয়ন মিনিস্তর শ্রী সোমিলদুথনা লুচিংখি। হায়রিবা মীফম অদুদা এম.এস.এম.ইগী রাজ্য মন্ত্রী, সেক্রেতরি(এম.এস.এম.ই) অমসুং অতোপ্পা শক্নাইরবা মীওইশিং শরুক য়াখি।

এম.এস.এম.ইগী মরক্তা হৌজিক ভারত অমসুং মোরিসসকী মরক্তা পায়খৎলিবা থবকশিং মীফম অদুদা অমুক হন্না খন্নখি অমসুং এম.এস.এম.ই সেক্তর চাউখৎহন্নবা; ফিজিকেল/ভর্চুএল মেলাশিং পাংথোক্নবা, তেক্নোলোজিগী মতেং পাংন্নবা; বি২বি মীফমশিংগী খুৎথাংদা বি২বি মতেং পাংনবা পুক্নিং থৌগৎপা; ওন্ত্রেপ্রেনিউরসিপ চাউখৎহনবা অমসুং ত্রেনিং প্রোগ্রামশিং; এরোমাথেরাপী, চীঞ্জাক শেম-শাবা অমসুং অকোয়বগী ফিবম শোকহন্দবা ললোন-ইতিক্কী থবকশিং য়াওনা তোঙান-তোঙানবা হিরমশিংদা মতেং পাংন্নবা মীফম অদুদা খন্নখি।

মোরিসসকী মীহুৎকাংবুগী খোঙচৎ মনুংদা এম.ও.য়ু অনি খুৎয়েক পীনখি। এম.ও.য়ু অমা ওগস্ত ২৩, ২০২২দা অহমেদবাদতা এম.এম.ই মোরিসস লিমিতেৎ অমসুং ওন্ত্রেপ্রেনিউয়রসিপ দিবলপমেন্ত ইন্সতিতুৎ, অহমেদবাদ অনিগী মরক্তা খুৎয়েক পীনখি; অতোপ্পা এম.ও.য়ু অমনা এস.এম.ই মোরিসস লিমিতেৎ অমসুং ভারত সরকারগী এম.এস.এম.ই মিনিস্ত্রিগী মখাদা লৈবা নেসনেল ইন্সতিতুৎ ওফ মাইক্রো,স্মোল অমসুং মেদিয়ম ইন্তরপ্রাইজগী মরক্তা নিউ দিল্লিদা ওগস্ত ২৪,২০২২দা খুৎয়েক পীনখি।

*****