কেন্দ্রগী গৃহ অমসুং কোওপরেসন মন্ত্রী শ্রী অমিৎ শাহনা ভোপালদা পাঙথোকপা সেন্ত্রেল জোনে কাউন্সিলগী ২৩শুবা মীফমদা ময়াই তাংবল লৌখ্রে। মধ্য প্রদেশকী মুখ্য মন্ত্রী, শ্রী শিভরাজ সিংহ চৌহন, উত্তরাখন্দগী মুখ্য মন্ত্রী শ্রী পুশকার সিংহ ধামিনা মীফম অদুবু শরুক য়াখি, অদুগা উত্তর প্রদেশকী মুখ্য মন্ত্রী শ্রী য়োগী অদিত্যানাথ অমসুং ছতিশগরগী মুখ্য মন্ত্রী শ্রী ভুপেশ বাঘেলনা মীফম অদুবু ভর্চুএল ওইনা শরুক য়াখি। রাজ্যগী মকোক থোংবা মন্ত্রীশিং, কেন্দ্রগী হোম সেক্রেতরী, ইন্তর-স্তেত কাউন্সিল সেক্রেতরিএতকী সেক্রেতরীশিং, মেম্বর স্তেতশিংগী চীফ সেক্রেতরীশিং অমসুং রাজ্য সরকারগী মকোক থোংবা ওফিসিএলশিং অমসুং কেন্দ্রগী মন্ত্রালয় অমসুং বিভাগশিংগী মকোক থোংবা ওফিসিএলশিংসু মীফম অদুদা শরুক য়াখি।

কেন্দ্রগী গৃহ মন্ত্রীনা মহাক্কী ৱারোলদা হায়খি মদুদি মধ্য প্রদেশ, উত্তর প্রদেশ, উত্তরাখন্দ অমসুং ছতিশগরনা মখোয়গী জিওগ্রাফিকেল লোকেসন, জি.দি.পি.দা পাংবগী চাং অমসুং লৈবাক্কী চাউখৎলোন্দা মরুওইবা থৌদাং লৌরি। মমাংদদি হায়রিবা রাজ্যশিং অসি বিমারু রাজ্যশিংনি হায়না লৌনরম্মি অদুবু হৌজিক্তি ফিভম অদুদগী থোক্লক্তুনা চাউখৎপগী লম্বীদা লাক্লে। মহাক্না হায়খি মদুদি সেন্ত্রেল জোনেল স্তেৎশিং অসিনা চীঞ্জাক পুথোকপগী মরুওইবা মফমশিং ওইরি অমসুং প্রধান মন্ত্রী শ্রী নরেন্দ্র মোদীগী 'তীম ইন্দিয়া'গী ৱাখল্লোনবু মাংজিল থানা পুখৎলি। প্রধান মন্ত্রী শ্রী নরেন্দ্র মোদীনা মতম চুপ্পদা কোওপরেতিব ফেদরেলিজমগী ইনোৎ মপাঙ্গল কলহন্নবা হোৎনরি। হৌখিবা চহি ৮ অসিদা প্রধান মন্ত্রী ওইরবা মতুংদা শ্রী নরেন্দ্র মোদীনা লৈবাক্কী মথক্তা 'তীম ইন্দিয়া' হায়বা ৱাখল্লোন অসিনা মাঙ থারক্লি। কাউন্সিলগী মীফমগী চাং হেনগৎলক্লি। কোবিদ-১৯ লৈদুনসু মীফম মশীং হেনগৎলক্লিবা অসি প্রধান মন্ত্রীগী তীম ইন্দিয়াগী ৱাখল্লোন অসিবু মাংজিল থানা পুখৎপননি। অমিৎ শাহনা হায়খি মদুদি ২০১৯দগী হৌদুনা হোনেল কাউন্সিলগী মীফমদা ৱারোইশিন পুরকপগী চাং অসি চাদা ২৭ হেনগৎলে, মসিমক য়াম্না চাউবা মায় পাকপা অমনি। কেন্দ্রগী গৃহ মন্ত্রী অসিনা হায়খি মদুদি জোনেল কাউন্সিলগী থৌদাং অসি এদভাইজরী ওইবা তারবসু, গৃহ মন্ত্রী ওইনা চহি অহুম পায়রকপা অসিদা খঙবদদি, কাউন্সিলগী মীফম অসিদা অমসুং স্তেন্দিং কম্মিতীদা মরুওইবা থমদুনা ইস্যু কয়া অমা লোইশিনবা ঙম্লে।  জনুৱারী ১৭, ২০২২দা পাঙথোকখিবা সেন্ত্রেল জোনেল কাউন্সিলগী স্তেন্দিং কম্মিতীগী ১৪শুবা মীফমদা, ইস্যু ৫৪গী মনুংদা ৩৬তি লোইশিনখ্রে, ঙসিগী মীফম অসিদা, অপুনবা  ইস্যু ১৮ খন্নবখিবগী মনুংদা ১৫দি ৱারোইশিন পুরকপা ঙমখ্রে। কাউন্সিলগী মীফমশিং মশীং হেন্না পাঙথোক্লকপনা রাজ্যশিংগী মরক্তা অফবা থবকশিং লান্থোক লানশিন তৌনবা হেনগৎলে, মসিনা অতোপ্পা রাজ্যশিংদা ইথিল পীবদা নত্তনা কেন্দ্র অমসুং রাজ্যশিংগী মরক্তা অফবা মরী শাগৎপা ঙম্লে, অমসুং রাজ্যশিংগী মরক্তা লৈরিবা অমত্তা ওইবগী মরী অসিসু হেন্না মপাঙ্গল কল্লে।

কেন্দ্রগী গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা লৈঙাক শেমখ্রবা মতুংদগীদি, মফমশিং অসিদা লেফ ৱিং এক্সত্রিমিজমগী ৱাথোক লোইশিনখিবগা লোইননা, মরুওইবা খোঙথাং কয়া অমসু নক্সালনা শোকহল্লবা লমশিং চাউখৎনবা লৌখৎখ্রে। মহাক্না হায়খি মদুদি মসিনা অফবা মহৈ পুরকপা ঙমখ্রে। ২০০৯দা লেফ ৱিং এক্সত্রিমিস্তকী হিংশানা খম থেংনা ৱাংবা মতমদা থৌদোক ২,২৫৮ থোকখি অদুবু ২০২১দদি মসি ৫০৯দা হন্থখি। মহাক্না হায়খি মদুদি ২০১৯দগীদি লেফ ৱিং এক্সত্রিমিস্তকী থৌদোক অসি খম থেংনা হন্থরে। ২০০৯দা, মীওই ১,০০৫ এক্সত্রিমিস্তকী হিংশাদা শিখ্রে, ২০২১দনা মীওই ১৪৭ শিখ্রে। শ্রী শাহনা হায়খি মদুদি  লেফ ৱিং এক্সত্রিমিস্তশিংনা পুলিস স্তেসনশিংদা চত্থবা হিংশাগী থবকশিংসু মশীং হন্থরে, ২০০৯দা অসিগুম্বা থবক ৯৬ থোকখি অদুবু হায়রিবসি ২০২১দদি ৪৬ তমক থোকখি। কেন্দ্র সরকার অসিনা লেফ ৱিং এক্সত্রিমিজম লৈবা মরমশিংদা অহাংবা হন্থহন্দুনা সেক্যুরিতী ফোর্স মশীং হেনগৎহনখ্রে, মসিগী মখাদা, অনৌবা সেক্যুরিতী কেম্প ৪০ হৌখিবা চহি অহুম অসিদা হাংদোকখ্রে অমসুং ১৫ অমসু হাংদোক্লগনি। ভারত সরকারনা রাজ্যশিংগা লোইননা লেফ ৱিং এক্সত্রিমিজমগী খুদোংচাদবশিং অসি পুংমুৎ মুৎথৎনবা পান্দম থম্লি। শ্রী অমিৎ শাহনা হায়খি মদুদি হৌখিবা চহি অহুম অসিদা লৈঙাক অসিনা লালহৌবগী ইরাং লৈবা মফমশিংদা পোস্তেল বেঙ্কিং সেন্তরশিংগা লোইননা পোস্ত ওফিস ৫,০০০, বেঙ্ক ব্রাঞ্চ ১,২০০ হাংদোকখ্রে। তেলিকোম সর্ভিস হেনগৎনবগীদমক অহানবা ফেজদা মোবাইল তাৱর ২,৩০০ য়ুংখ্রে অমসুং অনিশুবা ফেজদনা মোবাইল তাৱর ২৫০০ য়ুংখ্রে। কেন্দ্রগী গৃহ মন্ত্রী অসিনা হায়খি মদুদি নক্সালনা শোকহল্লবা মফমশিংদা রাজ্য সরকার চাউখৎহন্নবা থৌশিল কয়া অমা লৈ অমসুং রাজ্যশিং অসিবুনা হেন্না খুদোংচাবা পীরদুনা হায়রিবা থৌশিলশিং অসিবু মায় পাক্নবা হোৎনগদবনি। মহাক্না হায়খি মদুদি নক্সালনা শোকহল্লবা মফমশিংদা চাউখৎপা পুরকপনা লেফ ৱিং এক্সত্রিমিস্তশিং চোকথরক্কনি। কেন্দ্রগী গৃহ মন্ত্রীনা নক্সালনা শোকহল্লবা রাজ্যশিংবু হায়রিবা ইস্যু অসিদা মীৎয়েং থমদুনা মতম চুপ্পগী ওইনা মুত্থৎনবা হোৎনগদবনি।

সেন্ত্রেল জোনেল কাউন্সিলগী ২৩শুবা মীফম অসিনা প্রধান মন্ত্রী শ্রী নরেন্দ্র মোদীনা মঙজরিবা মঙলান অমা ওইরিবা খুঙ্গংগী লমশিংদা বেঙ্কিং নেৎৱার্ক পাকথোক চাউথোকহন্নবা হোৎনরিবা অসিগী মতুং ইন্না কিলোমিতর ৫ ফাওবদা লৈবা খুঙ্গং খুদিংমক্কী জগাদা বেঙ্কিংগী থবক পাকথোক চাউথোকহন্নবা খন্নখি। ১১২ এমর্জেন্সী রেস্পোন্স সপ্পোর্ত সর্ভিস (ই.আর.এস.এস.)  অসিনা লৈবাক পুম্বা অসিগী অমত্তা ঙাইরবা এমর্জেন্সী লাইন অমনি অমসুং মসি রাজ্য/য়ু.তি. ৩৫দা মথৌ তৌরি। ওনলাইন শাখি দেসবোর্দ অসিসু ভারত সরকারনা 'সখি- ৱান স্তোপ সেন্তর' ওইনা নুপীশিংগী য়াইফনবগীদমক চলাইরি। মীফম অসিনা পুলিস হেল্প লাইন নম্বর ১১২বু ৱিমেন হেল্পলাইন নম্বর ১৮১গা চাইল্দ হেল্পলাইন নম্বর ১০৯৮কা পুনশিন্নবা হোৎনরি অমসুং মসিগী মখাদা নুপীশিংগা মরী লৈনবা কেসশিংনা 'সখি- ৱান স্তোপ সেন্তর'দা শিন্নবা ঙম্লগনি। ঙসিগী মীফম অদুদা, কাউন্সিল অসিনা ২২শুবা রাইপুরদা পাঙথোকখিবা কাউন্সিলগী মীফমদা, ফুদ অমসুং পব্লিক দিস্ত্রিব্যুসন ভারত সরকারনা গেহু অমসুং চেঙগী মাংবা /তোংবগী ক্রাইতেরিয়া রিভাইস তৌনবা পুথোকখি হায়রিবসি সেন্ত্রেল গবর্নমেন্ত অমসুং রাজ্য সরকারগী ইন্সতিত্যুসনশিংদা পানবা য়াই। রাজ্যগী হোম গার্দশিংদা গ্রান থাদবা অমসুং ভোপাল, ইন্দোর অমসুং রাইপুর এয়রপোর্তশিংবু অন্তর্জাতিগী থাক্তা পুখৎনবসু মীফম অদুদা খন্নখি। কেন্দ্রগী গৃহ মন্ত্রী অসিনা সেন্ত্রেল জোনেল কাউন্সিলদা য়াওরিবা রাজ্যগী মুখ্য মন্ত্রীশিং, চীফ সেক্রেতরীশিংবু চাং নাইনা খুদোংচাদবশিং কাউন্সিলগী মীফমদা থা খুদিংগী পুখৎনবা অমসুং ৱারোইশিন পুথোক্নবা খন্ননবা খঙহনখি।

***************