نائب صدر جمہوریہ ہند کا سکریٹریٹ

مضبوط، منصفانہ اور آزادانہ نظام انصاف جمہوری اقدار کے پھلنے پھولنے کی سب سے محفوظ ضمانت ہے: نائب صدر جمہوریہ


با اختیار اور اعلیٰ عہدوں پر فائز لوگوں کو وسیع تر عوامی مفاد میں قانون کو ہر چیز سے بالاتر رکھنا چاہیے: نائب صدر جمہوریہ

ججوں کا وقار اور عدلیہ کا احترام ناقابل تسخیر ہے کیوں کہ  یہ قانون کی حکمرانی کے بنیادی اصول ہیں: جناب دھنکر

سپریم کورٹ بار ایسوسی ایشن نے جناب دھنکر کو ہندوستان کا نائب صدر بننے پر اعزاز سے نوازا

Posted On: 22 AUG 2022 6:58PM by PIB Delhi

نائب صدر جمہوریہ جناب جگدیپ دھنکر نے آج اس بات پر روشنی ڈالی کہ مضبوط، منصفانہ اور آزادانہ نظام انصاف ہی جمہوری اقدار کے پھلنے پھولنے کی سب سے محفوظ ضمانت ہے۔

سپریم کورٹ بار ایسوسی ایشن کی جانب سے آج نئی دہلی میں اپنے اعزاز میں منعقد ایک  تقریب کے دوران وہاں موجود مجمع سے خطاب کرتے ہوئے، نائب صدر جمہوریہ نے سنسکرت کے ایک مشہور کلام ’دھرمو رکشتی رکشیتہ‘ (اگر ہم قانون کے تقدس کو برقرار رکھیں تو وہ ہماری حفاظت کرتا ہے) کا حوالہ دیا اور کہا کہ یہ جمہوریت اور قانون کی حکمرانی کا ’امرت‘ ہے۔ اس بات کا ذکر کرتے ہوئے کہ وسیع پیمانے پر یہ تاثر پایا جاتا ہے کہ یہ صحت مند اصول عصر حاضر میں دباؤ کا شکار ہے، انہوں نے با اختیار اور اعلیٰ عہدوں پر فائز لوگوں سے کہا کہ وہ وسیع تر عوامی مفاد میں قانون کو ہر چیز سے بالاتر رکھیں اور جمہوری ایکو سسٹم کو مضبوط اور بہتر بنائیں۔ تھامس فلر کا حوالہ دیتے ہوئے، انہوں نے کہا کہ ’’آپ چاہے جتنی بلندی حاصل کر لیں، قانون ہمیشہ آپ سے اوپر رہتا ہے۔‘‘

اس موقع پر، جناب دھنکر نے زور دے کر کہا کہ ججوں کا وقار اور عدلیہ کا احترام ناقابل تسخیر ہے کیوں کہ یہ قانون کی حکمرانی اور آئین پرستی کے بنیادی اصول ہیں۔ انہوں نے ملک میں آئینی اداروں کے کام میں ہم آہنگی اور اتحاد کے جذبے پر بھی زور دیا۔

سپریم کورٹ بار ایسوسی ایشن کا شکریہ ادا کرتے ہوئے، جناب دھنکر نے کہاکہ اس موقع پر وہ ایسا محسوس کر رہے ہیں جیسے کہ ان کی عدالت میں پہلی بار داخل ہونے  کی یاد تازہ ہو گئی ہو۔ انہوں نے اُن ججوں اور سینئر وکلاء کا بھی شکریہ ادا کیا جنہوں نے ان کے ابتدائی دنوں میں ان کی رہنمائی و سرپرستی کی۔

اس پروقار تقریب میں قانون و انصاف کے مرکزی وزیر جناب کرن رجیجو،  ہندوستان کے چیف جسٹس جناب این وی رمنا، سپریم کورٹ کے تمام جج، ہندوستان کے سولسٹر جنرل جناب توشار مہتہ، سپریم کورٹ بار ایسوسی ایشن کے صدر اور سینئر ایڈووکیٹ جناب وکاش سنگھ، سپریم کورٹ بار ایسوسی ایشن کے اہلکار اور بار ایسو سی ایشن کے ممبران نے شرکت کی۔

تقریب کی تصاویر

https://static.pib.gov.in/WriteReadData/userfiles/image/image001FP9G.jpg

https://static.pib.gov.in/WriteReadData/userfiles/image/image002SBX9.jpg

https://static.pib.gov.in/WriteReadData/userfiles/image/image003IAAP.jpg

https://static.pib.gov.in/WriteReadData/userfiles/image/image0042BV8.jpg

https://static.pib.gov.in/WriteReadData/userfiles/image/image005WQ01.jpg

https://static.pib.gov.in/WriteReadData/userfiles/image/image006CHW7.jpg

https://static.pib.gov.in/WriteReadData/userfiles/image/image007M36Z.jpg

https://static.pib.gov.in/WriteReadData/userfiles/image/image0080H0B.jpg

https://static.pib.gov.in/WriteReadData/userfiles/image/image009CZGJ.jpg

https://static.pib.gov.in/WriteReadData/userfiles/image/image010JMVD.jpg

 

تقریر کا پورا متن پڑھنے کے لیے نیچے دیے گئے لنک پر کلک کریں:

*****

ش ح – ق ت – ت ع

U: 9402



(Release ID: 1853698) Visitor Counter : 229