হৌজিক লৈরিবা এফ.সি.সি.শিংগী মোদেলগী মতাংদা খন্ন-নৈন্নবা অমসুং এন.সি.দবল্যু. অমসুং এফ.সি.সি.শিংগী মরক্তা হেন্না নীংথিনা তেংবাং পীননবগী পাম্বৈশিংগী মতাংদা কুপ্না নৈন্নবা ফেমিলী কাউন্সেলিং সেন্তরশিং (এফ.সি.সি.শিং)গী মতাংদা খন্ন-নৈনবা অমা নেস্নেল কিমিসন ফোর ৱুমেন্না শিনখ্রে।

থৌরম অসিদা নেস্নেল কম্মিসন ফোর ৱুমেনগী চিয়রপর্সন রেখা শর্ম, নিমহান্সকী হান্নগী দিরেক্তর, দা. শেখর সেশাদ্রি, মেম্বর সেক্রেতরী, মীতা রাজিবলোচন, এন.সি.দবল্যু.গী জোইন্ত সেক্রেতরী শ্রী এ. অশোলি চলাই অমসুং এন.সি.দবল্যু.গী স্পেসিএল রাপ্পোরতর শ্রী শাহ অলমনা শরুক য়াখি।

মহাক্কী ৱারোলদা, এন.সি.দবল্যু.গী চিয়রপর্সন, রেখা শর্মনা হায়খি, হৌজিক ফেমিলী কাউন্সেলিং সেন্তরশিংগী পান্দমশিং খন্ন-নৈনবা অমসুং এফ.সি.সি.শিং নীংথিনা মথৌ তৌনবগী অহোংবশিং পুরকপা মথৌ তাবগী মতাংদা কুপ্না নৈনবা য়াম্না মরু ওই। “এন.সি.দবল্যু.না গ্রাউন্দদা থবক তৌদুনা লাকখি অমসুং কম্মিসন্না অচৌবা অহোংবশিং পুরক্নবগীদমক প্রোগ্রাম কয়ামরুম লোঞ্চ তৌরিবা অসি উবা ফংখি। খন্ন-নৈনবা অসিগী খুত্থাংদা ঐখোয়না সেন্তরশিং অসি মাইপাক্না মথৌ তৌহনবদা মথৌ তাবা অহোংবশিং পুরক্নবা ঐখোয়না পান্দম থমখি”, হায়না শর্মনা ফোঙদোকখি।

 

 

দা. শেখর সেশাদ্রিনা কেসশিংগী নীংথিনা ৱারোইশিন পুরকপদা চাউনা কান্নরগা কাউন্সেলরশিংগী রিফরেন্সকীদমক স্তেন্দর্দ ওপরেতিং প্রোসিদ্যুর অমা দিবেলপ তৌবগী মথৌ তাবা লৈ হায়না অপাম্বা ফোঙদোকখি।

কম্মিসন্না হীরম অসিদা মখোয়গী ৱাখল্লোন/ওবজর্বেসন অমসুং থেংনরকখিবশিং শিয়র তৌনবা সুরক্ষা দহেজ মাং বিরোধি সনস্থানগী দা. শালিনি মাথুর, বিনোদ বাক্ষী মেমোরিএল চেরিতেবল ত্রস্ততগী শ্রীমতি বীনা খুরানা, নারি চেতনা সনস্থান, উদাইপুরগী সুশমা কুমাৱত, ইন্দিয়ন ইন্সতিত্যুত ওফ রিসর্চ এন্দ দিবেলপমেন্ত ওফ নোমেদিক দিনোতিফাইদ ত্রাইবস, সতারা, মহারাস্ত্রগী দা, শালী জোসেফ, ওল ইন্দিয়া ৱুমেন কনফরেন্স (অধার্শিলা পরিবার পরামর্শ কেন্দ্র)গী রিতা রুলিবু বর্তন তৌখি।

খন্ন-নৈনবা অসিদা এফ.সি.সি.শিংগী নীংথিনা মোনিতর অমসুং ইভাল্যুএসন তৌনবা সিস্তেম অমগী মেকানিজ, দিবেলপ তৌনবা অমসুং এফ.সি.সি.শিং মপাঙ্গল কনখৎহন্নবগীদমক অমসুং হেন্না নীংথিনা মথৌ তৌহন্নবগী পাম্বৈ পুথোক্নবা কুপ্না খন্নবা মথৌ তাবা অসিগী মতাংদা খন্নখি।

খন্ন-নৈনবা অসিনা লোকেল এদমিনিস্ত্রেসন, পুলিস, ৱায়েলশঙ, ফ্রী লিগেল এদ সেলশিং, মেদিকেল অমসুং সাইকিয়াত্রিক ইন্সতিত্যুসনশিং, ভোকেস্নেল ত্রেনিং সেন্তরশিং, শোর্ত স্তে হোমশিং অসিনচিংবগা লোয়ননা চুংশিন্নদুনা থবক তৌবদা মায়োক্নবা সমস্যাশিং খন্ননবা পান্দম থমখি।

শরুক য়ারিবশিংনা কাউন্সেলরশিংদা শক্তাক চে পীবগী মথৌ তাবা, পুলিস ওথোরিতীশিংগা লোয়ননা মতেং পাংবা হেনগৎহনবা, কাউন্সেলরশিংগী কেপাসিতী বিল্দিং অমসুং লিএল লিতরেসূ ত্রেনিং পীবা, নুপীশিংগী লিগেল রাইৎশিং ফংহন্নবগীদমক স্তেৎ লেবেল লিগেল এদভাইজর অমা থম্বা, খুদক্কী ওইবা মতেং নীরকপা নুপীশিং মতেং পাংনবগী বজেতরী সপ্পোর্ত পীবা অমসুং থেরাপ্যুতিক কাউন্সেলিংদা ত্রেনিং পীবা হায়রিবশিং অসিগী মথৌ তাবশিংগী মতাংদা অকনবা ৱাফম থমখি।

অহেনবা ওইনা শরুক য়ারিবশিংনা এফ.সি.সি.শিংগী কন্সত্রক্তিব মোনিতরিং তৌনবা, রেকোর্দিং অমসুং দোক্যুমেন্তেসনগী প্রোসেস লাইথোকহন্নবা, ক্লেরিকেল সপ্পোর্ত পীনবা, পর্ফোরমেন্সকী মরমদা খঙহন্নবা অমসুং অফবা কাউন্সেলরশিংগীদমক ইনসেন্তিব পীনবগী প্রোবিজনশিং লৈহনবা অমসুং মাইপাকখ্রবা ৱারীশিং ফোঙবা হায়রিবা ৱাফমশিং অসি পুথোকখি।

কম্মিসন্না এফ.সি.সি.শিং নীংথিনা মথৌ তৌনবগীদমক কাউন্সেলরশিংগী ত্রেনিং পীগনি অমসুং কেপাসিতী বিল্দিং তৌগনি। এন.সি.দবল্যু.না কাউন্সেলরশিংগী লিগেল এৱের্নেস পীনবা, এফ.সি.সি.শিংগী এস.ও.পি.শিং শেম্নবা, সেন্তরশিংগী অহানবা ইন্সপেক্সন চত্থনবা, সেন্তরদা সেনিতরী অমসুং অতোপ্পা ফেসিলিতীশিং ফংহন্নবা, এজুকেস্নেল মেতরিএল ফংহন্নবা, অমদি অতোপ্পা থৌশিল কয়াদা মতেংসু পীগনি।

***

(Release ID: 1853656) Visitor Counter : 132