মুম্বাই, ওগস্ত ২১, ২০২২

রোদ ত্রান্সপোর্ত অমসুং হায়ৱেজকী কেন্দ্র মন্ত্রী, শ্রী নিতীন গদকরীনা ঙসি হায়খি মদুদি ভারতকী ইনফ্রাস্ত্রকচর অসি মালেমগী থাকশিং য়ৌনা পুখৎপা তাই। মহাক্না হায়খি, “ঐহাক্না ভারতকী লম্বীগী ইনফ্রাস্ত্রকচর অসি, বিহার অমসুং উত্তর প্রদেশ ফাওবা য়াওনা, ২০২৪গী লোইশিকপা ফাওবগী মমাংদা য়ু.এস.এ.গী লম্বীগী ইনফ্রাস্ত্রকচরগী থাকশিং য়ৌনবা শেমগৎনবা ৱারেপ লৌখি’। মন্ত্রীনা মুম্বাইদা এসোসিএসন ওফ কনসলতিং সিভিল ইঞ্জিনীয়র্স (এ.সি.সি.ই.)না শিনবা সিভিল ইঞ্জিনীয়রশিং অমসুং এলাইদ ইন্দস্ত্রীশিংগী প্রোফেস্নেলশিংগী ওইনা নেস্নেল কনফরেন্সতা ৱা ঙাংখি।

কনফরেন্স অদুদা ইঞ্জিনীয়র অমসুং ইন্দস্ত্রী প্রোফেস্নেলশিংবু পুক্নিং থৌগৎলদুনা মন্ত্রীনা হায়খি ভারতনা ইনফ্রাস্ত্রকচরদা অচৌবা মতিক-ময়াই চেল্লি। ‘ভারতকী ইনফ্রাস্ত্রকচরদা লম্বী শেম্বগী, তুরেলগী কন্নেক্তিবিতী, সোলিদ অমসুং লিক্বিদ ৱেস্ত মেনেজমেন্ত, পার্কিং প্লাজা, ইরিগেসন, বসপোর্তশিং, রোপৱেশিং অমসুং কেবল কার প্রোজেক্তশিংগী লমদা অচৌবা মতিক-ময়াই লৈজৈ’। রোদ, ত্রান্সপোর্ত এন্দ হায়ৱেজ মন্ত্রালয়গী হৌজিক চত্থরিবা প্রোজেক্তশিংগী মতাংদা ৱা ঙাংলদুনা শ্রী গদকরীনা হায়খি: “ঐখোয়না লুপা করোর লাখ ২ চংনা গ্রীন এক্সপ্রেস হায়ৱে অমসুং লোজিস্তিক পার্কস ২৬ শারি। মসিগা ইরোইননা ঐখোয়না ইনফ্রাস্ত্রকচর হেন্না চাউখৎহনবা ঙম্নবগী ঐখোয়দা অনৌবা আইদিয়া কয়াসু লৈরি”।

কেন্দ্রগী ত্রান্সপোর্ত মন্ত্রীনা হায়খি মদুদি ভারতকী ইনফ্রাস্ত্রকচর সেক্তরগী তুংলমচৎ অসি য়াম্না আশা লৈ। “ঐখোয়না অফবা তেক্নোলোজী, রিসর্চ, ইনোবেসন অমসুং মালেম শিনবা থুংবদগী অমসুং ভারত মনুংদগী মাইপাক্লবা প্রেক্তিসশিং অসি শীজিন্নবা মথৌ তাই। ঐখোয়না ক্বালিতীদা হন্থহনবা তৌদনা চংলিবা শেলদা হন্থহন্নবা অতোপ্পা মেতরিএলশিং শীজিন্নবা তাই। কনস্ত্রক্সন্দা মতম হায়বা অসি খ্বাইদগী মরু ওইবা হীরম অমনি, মসিনা খ্বাইদগী চাউবা লননি”। মন্ত্রীনা সিভিল ইঞ্জিনীয়রশিংনা লৌরিবা থৌদাংগী মতাংদা ফোঙদোক্লদুনা থবক পীবা অমসুং গ্রোথকীদমক মসি য়াম্না মরু ওই হায়খি।

লম্বী শেম্বদা হেন্না গ্রীন ওইবা পাম্বৈশিং শীজিন্নবগী মহাক্কী ৱাখল্লোন ফোঙদোক্লদুনা কেন্দ্রগী ত্রান্সপোর্ত মন্ত্রীনা হায়খি: “নখোয়না সিমেন্ত অমসুং অতোপ্পা রো মেরিএলশিং অসিগী মহুৎ শিনবা য়াবা পাম্বৈ থীবা তাই। স্তীলগী মহুৎ গ্লাস ফাইবর স্তীল শীজিন্নবা য়াগনি। করিগুম্বা কম্পিতিসন লৈরবদি অচংবা শেল হন্থরক্কনি অমসুং রিজনেবল ওইরক্কনি”।

অতোপ্পা ফ্যুল শীজিন্নবগী ৱাখল্লোন ফোঙদোক্লদুনা কেন্দ্রগী মন্ত্রী শ্রী গদকরীনা হায়খি গ্রীন হাইদ্রোজেন অসি তুংলমচৎকী ফ্যুলনি। মহাক্না হায়খি হাইদ্রোজেন অসি পেত্রোলিয়ম, কোল অমসুং বাইওমাস, ওর্গানিক ৱেস্ত অমসুং সিৱেজ ৱাতরদগী পুথোকপা য়াই। মহাক্না হায়খি ‘ঐহাক্কী মঙলান অসি গ্রীন হাইদ্রোজেনবু কেজিদা দোলর ১দা ফংহন্দুনা কোল অমসুং পেত্রোলিয়মগী মহুৎ মসিবু এভিএসন, রেলৱে, বস, ত্রক, কেমিকেল অমসুং ফর্তিলাইজর ইন্দস্ত্রীদা শীজিন্নহনবনি”।

শ্রী গদকরীনা হায়খি ইথানোল লিতর ১দা লুপা ৬২ পীরি অদুবু কেলোরী ভেল্যুদদি পেত্রোল লিতর ১গা ইথানোল লিতর ১.৩গা মান্নৈ। মহাক্না হায়খি ‘ইন্দিয়ন ওইলনা রসিয়ন সাইন্তিস্তশিংগা চুংশিন্নখি অমসুং ৱাখল্লোন অসিদা থবক তৌবা হৌখি অমসুং হৌজিক পেত্রোলিয়ন মন্ত্রালয়না পেত্রোলগা পাংখক ওইবা ইথানোলগী কেলোরী ভেল্যু পুথোক্নবগী তেক্নোলোজী সর্তিফাইদ তৌখি”।

ৱেস্ততগী ৱেল্থ ওন্থোকপগী ৱাখল্লোন অদু নৌহৌনা ফোঙদোক্লদুনা কেন্দ্রগী ত্রান্সপোর্ত মন্ত্রীনা হায়খি: “নাগপুরদা ঐখোয়না সিৱেজ ৱাতর রিসাইকল তৌরি অমসুং পাৱর প্রোজেক্তশিংগীদমক রাজ্য সরকারদা য়োল্লি, মসিনা সিৱেজ ৱেতরদগী চহি অমদা লুপা করোর ৩০০গী রোয়েল্তী তানবা ঙমহল্লি। ভারত্তা সোলিদ অমসুং লিক্বিদ ৱেস্ত মেনেজমেন্তদা লুপা করোর লাখ ৫গী অচৌবা মতিক-ময়াই লৈ”।

কেন্দ্রগী মন্ত্রীনা মখা তারদুনা হায়খি: “লৌশিং হায়বা অসি শক্তিনি, লৌশিংবু লনদা ওন্থোকপা অসি তুংলমচৎনি। লীদরশিপ, বিজন অমসুং তেক্নোলোজীনা ৱেস্তবু ৱেল্থতা ওন্থোকপা ঙমহল্লি; মসি পুংফম অসিগী খ্বাইদগী মরু ওইবনি। লৌশিং শীজিন্নদুনা ঐখোয়না অচংবা শেল হন্থহনবা অমসুং কনস্ত্রক্সনগী ক্বালিতী হেনগৎহনবা ঙমগনি”।

পব্লিক ইনফ্রাস্ত্রকচর প্রোজেক্তশিংগী কেপিতেল মার্কেৎ শীজিন্নরি হায়বা তাক্নবা মুম্বাই পুনে এক্সপ্রেসৱে অমসুং ৱোর্লী বন্দ্রা সীলিঙ্ককী খুদমশিং পীদুনা শ্রী গদকরীনা হায়খি: “ইনবিৎকী মখাদা ঐখোয়গী ৱাখল্লোন অসি লায়রবা মীয়ামদগী শেল লৌদুনা মখোয়গী শেলদা থাগী ওইবা রিতর্ন ৭%-৮% পীবনি। ঐখোয়না কেপিতেল মার্কেৎতা চংনবা ৱারেপ লোখি, ঐখোয়না মীওই অমদা য়াম্লবদা লুপা লাখ ১০গী শিয়রশিং য়োনগনি, মখোয়না ইনভেস্ত তৌগনি অমসুং ঐখোয়না রিসোর্সশিং হেনগৎহনবা ঙমগনি”।

মহাক্না মখা তারদুনা হায়খি এন.ঐচ.এ.আই. অসি এ.এ.এ.-রেতেদ ওই অমসুং ইকনোমিক ভাইএবিলিতী য়াম্না ফৈ। ‘ঐখোয়গী অপুনবা রিভেন্যু অসি হৌজিক চহিদা লুপা করোর ৪০,০০০ ওইরি, ২০২৪ লোইরকপা ফাওবদা মসি চহিদা লুপা করোর লাখ ১.৪ ওইরক্লগনি অদুনা ঐখোয়না শেলগী অৱাৎপা লৈতে’। মহাক্না হায়খি দিল্লী-মুম্বাই এক্সপ্রেস হায়ৱেগী ৭০%দি শাবা লোইশিল্লে। মহাক্না হায়খি ‘ঐহাক্কী মঙলানদি প্রজাশিংবু মুম্বাইগী নরিমন পোইন্তদগী দিল্লী ফাওবা অসি পুং ১২দা য়ৌহনবনি; ঐখোয়না নরিমন পোইন্ত অসি হৌজিক কন্নেক্ত তৌনবা থবক পাইখৎলি’।

***