তেক্সতাইলস অমসুং রেলৱেজকী রাজ্য মন্ত্রী শ্রীমতী দর্শনা বিক্রম জার্দোশনা ঙসি পার্লিয়ামেন্তকী শক্নাইরবী নুপী মেম্বরশিং শ্রীমতী হেমা মালিনি, শ্রীমতী নবনীত কৌর রানা, শ্রীমতী মহুৱা মোইত্রা অমসুং অতোপ্পশিংগা লোয়ননা হেন্দলুম হত্তা এক্সক্লুসিব হেন্দলুম এক্সপো ‘মাই হেন্দলুম মাই প্রাইদ এক্সপো’ হৌদোকখ্রে। মখোয়না ফিশাবীশিং অমসুং আর্তিসানশিংগা উনদুনা ৱারী শানখি অমদি থোঁদোক হেন্দোকপা হেন্দলুমগী পোত্থোকশিং লৈখি। শ্রীমতী দর্শনা জার্দোশনা পার্লিয়ামেন্তকী নুপী মেম্বর খুদিংমকপু জনপথ হত্তা পাংথোক্লিবা এক্সক্লুসিব হেন্দলুম এক্সপোদা চৎতুনা ইনাক খুল্লবা হেন্দলুম হেরিতেজ য়েংনবা অমসুং ফিশাবীশিংগী পুক্নিং থৌগৎনবা অমদি ইন্দস্ত্রী অসি প্রমোত তৌনবা বার্তন তৌখি।

রাজ্য ১৪দগী সন্ত কবির অমসুং নেস্নেল এৱার্দী পুন্না ৫৫না থোইদোক হেনন্দোকপা হেন্দলুম প্রদক্তশিং উৎলি অমদি য়োল্লি। একজিবিসন অসি ২০২২গী ওগস্ত ১১ ফাওবা নুমিৎ ৭গী ওইনা অয়ুক পুং ১১দগী নুমিদাং পুং ৮ ফাওবা মীয়ামগীদমক হাংদোক্কনি। মসিগী এক্সক্লুসিব হেন্দলুম এক্সপো অসি নেস্নেল হেন্দলুম দিবলপমেন্ত কোর্পোরেসন (এন.ঐচ.দি.সি.) লিমিতেদকী থোংদা তেক্সতাইলস মন্ত্রালয়, ভারত সরকারগী দিবলপমেন্ত কমিস্নার (হেন্দলুম) ওফিসকী ইনিসিয়েতিব অমনি।

“হেন্দলুম সেক্তর অসি ঐখোয়গী লৈবাক্কী ইনাক খুল্লবা অমসুং মখল মখা য়াম্লবা কলচরেল হেরিতেজকী খুদম অমনি” হায়না জার্দোশনা ফোংদোকখি।

১৯০৫গী ওগস্ত ৭তা হৌদোকখিবা স্বদেশি মুবমেন্তনা ইন্দিজেনিয়স ইন্দস্ত্রীশিং অমসুং অকক্নবা হেন্দলুম ৱিভরশিংদা পুক্নিং থৌগৎলি। ২০১৫দা ভারত সরকারনা চহি খুদিংগী ওগস্ত ৭পু নেস্নেল হেন্দলুম দে হায়না পাংথোক্নবা ৱারেপ লৌখি।

নুমিৎ অসিদা ঐখোয়না ঐখোয়গী হেন্দলুম ৱিভিং কমুনিতীবু ইকায় খুম্নবা উৎলি অমদি লৈবাক অসিগী সোসিও-ইকোনোমিক দিবেলপমেন্তদা সেক্তর অসিগী কন্ত্রিব্যুসনবু উৎথোক্লি।

হেন্দলুম ৱিভিংগী আর্ততা ত্রেদিস্নেল ভেল্যু এতেচ তৌরি অমদি রিজন খুদিংগী তোঙান তোঙানবা মখলশিং লৈরি। পোচামপল্লি, তাঙ্গলিয়া শারি, কোতা দোরিয়া, বনারশি, জামদানি, বালুচারি, ইক্কাত, কলামকারি অসিনচিংবা পোত্থোকশিংগী য়ুনিকনেসনা মালেমগী কস্তমরশিং চিংশিল্লি।

একজিবিসন অসিগী খুত্থাংদা হেন্দলুম ৱিভরশিংনা মখোয়গী পোত্থোকশিং মতিক চাবা মমলদা য়োনবতা নত্তনা মচু, দিজাইন অমদি পোত্থোক্কী ওইবা তুংগী ইমপ্রুবমেন্তকীদমক ৱিভিংদা কস্তমরশিংগী অপাম্বা খংবসু ঙমলি। একজিবিসন অসিনা এৱার্দ ফংলবা হেন্দলুম ৱিভরশিং অমসুং কস্তমরশিংগী মরক্তা হকথেংননা উনবা ঙমহল্লি।

একজিবিসন অসিদা ভারতকী এক্সোতিক লোকেসন খরদগী পুরকপা হেন্দলুম প্রদক্তশিং দিসপ্লে তৌরি অমদি য়োল্লি। মখাদা শমলপ্পা লিস্ত অমা পীরি:-

*****