স্কিল দিবেলপমেন্ত অমসুং ইন্ত্রপ্রিনরশিপ মন্ত্রালয়

ত্রাইবেল নহারোলশিংগী মরক্তা স্কিল দিবেলপমেন্ত অমসুং ওন্তপ্রিনোর্শিপ থৌগৎনবগীদমক রাঞ্চিদা গ্রামীন উধ্যমী প্রোজেক্ত হৌদোকখ্রে, মসিনা স্কিল ইন্দিয়া মিসনদা শাহৌ পীরগনি


স্কিলিং হায়বা অসি চাউখৎনবগী লম্বীদা চংশিন্নবা পাসপোর্তনি: শ্রী রাজীব চন্দ্রসেখর, এম.ও.এস., এম.এস.দি.ই.

শ্রী নরেন্দ্র মোদীনা আত্মনির্ভর ভারতকী লম্বেল অসি আত্মনির্ভর খুঙ্গং, আত্মনির্ভর তাউন অমসুং আত্মনির্ভর জিলাশিং ফাওদুনা চৎকনি হায়না ফোঙদোক্লমখি - শ্রী রাজীব চন্দ্রসেখর

ত্রাইবেলগী মফমশিংদা লৈরিবা নহারোলশিংবু মলতি স্কিল ওইহন্নবগীদমক ঝারখন্দগী রাঞ্চিদা প্রোজেক্ত অসিগী ফেস-II লোঞ্চ তৌখি

Posted On: 20 AUG 2022 5:00PM by PIB Imphal

ত্রাইবেলগী ফুরুপশিংগী ইনক্লুসিব অমসুং সস্তেনেবল গ্রোথকীদমক স্কিল ত্রেনিং তৌনবগীদমক, শেবা ভারতী অমসুং য়ুবা বিকাস সোসাইতীগা লোয়ননা পার্তনর ওইদুনা নেস্নেল স্কিল দিবেলপমেন্ত কোর্পোরেসন (এন.এস.দি.সি.)না ঙসি গ্রামীন উধ্যমী প্রোজেক্তকী অনিশুবা ফেস হৌদোকখ্রে। থৌশিল অসিগী মখাদা মসিগী পান্দমদি ভারতকী নহারোলবু মলতিস্কিল ওইহনবা অমসুং হিংনবগী লম্বী পীনবগীদমক মখোয়দা ফঙ্কস্নেল স্কিলশিং লৈহনবনি। প্রধান মন্ত্রী, শ্রী নরেন্দ্র মোদীনা ৱার্কফোর্সতা ত্রাইবেলগী ফুরুপশিং য়াওহন্দুনা মখোয়বু আত্মনির্ভর ওইহন্নবা অমসুং মখোয়গী মশাগী জিওগ্রাফীশিংদা কন্তেন তৌদুনা থম্নবা মখোয়দা হোলিস্তিক দিবেলপমেন্ত ফংহনগনি হায়না অকনবা ৱাফম থমখি।

ত্রাইবেল এফিয়র্সকী কেন্দ্র মন্ত্রী, শ্রী অর্জুন মুন্দানা থৌরম অসি হৌদোকখি, স্কিল দিবেলপমেন্ত এন্দ ওন্তপ্রিনোর্শিপ; ইলেক্ত্রোনিক্স এন্দ আই.তি.গী রাজ্য মন্ত্রী (এম.ও.এস.) শ্রী রাজীব চন্দ্রসেখরনা মীফম অসিদা ভর্চুএল ওইনা ৱা ঙাংখি অমসুং ত্রাইবেল এফিয়র্স অমসুং জল শক্তিগী এম.ও.এস. শ্রী বিশ্বেস্বর তুদুনা মহাক্কী পুক্নীং থৌগৎনীংঙাই ওইরবা ৱাহৈশিংনা তিল্লিবা মীয়ামদা ইথিল পীখি।

থৌরম অসিদা মশক নাইবা দিগনিতরীশিং, শ্রী ভি, সতিশ মহামন্ত্রী, রাস্ত্রিয়া সেহ সঙ্গাথান, শ্রী সামির ওরাওন, রাস্ত্রিয়া অদ্যক্ষা, অন্সুচিৎ জনজাতি মোর্চা ইভম রাজ্য সভা সন্সদ অমসুং শ্রী শিবশঙ্কর ওরাওন, এম.এল.এ., গুমলা, ঝারখন্দনা শরুক য়াখি।

গ্রামীন উধ্যমী অসি অখন্নবা মলতিস্কিলিং প্রোজেক্ত অমনি, মসিবু এন.এস.দি.সি.না ফন্দিং তৌরি অমদি মধ্য প্রদেশ অমসুং ঝারখন্দদা লৈরিবা ত্রাইবেল মহৈরোয় ৪৫০ ত্রেন তৌনবা পান্দম থমখি। প্রোজেক্ত অসি রাজ্য তরুক্তা – মহারাস্ত্র, রাজস্থান, ছত্তিসগর, মধ্য প্রদেশ, ঝারখন্দ অমসুং গুজরাত – ইমপ্লিমেন্ত তৌরি। মিসগী কনসেপ্ত অসি এম.ও.এস., শ্রী রাজীব চন্দ্রসেখর অমসুং ত্রাইবেল এম.পি.শিংনা খৃস্তেলাইজ তৌখি।

থৌরম অসিদা ৱা ঙাংলদুনা শ্রী অর্জুন মুন্দানা হায়খি মদুদি ঐখোয়না ত্রাইবেল মীয়ামগী সস্তেনেবল লাইবলিহুদ মপাঙ্গল কনখৎহনবদা মপুং ওইবা মীৎয়েং থমখি অমসুং মসিগা লোয়ননা কেন্দ্র সরকারনা ত্রাইবেলগী মফমশিংগীদমক অখন্ননা লুপা করোর ৮৫,০০০গী বজেৎ অমা সেঙ্কসন তৌখি। অসিগুম্বা স্কিমশিং অমসুং থৌশিলশিং অসিগী মরমদা এৱের্নেস পীনবগীদমক ওনরশিপ হেনগৎহনবগী মথৌ তাবসু লৈরি। ত্রাইবেলগী নহারোলশিংগী মতিক-ময়াই অমসুং তৌবা ঙম্বা কয়া লৈ মসিদা ঐখোয়না তৌবা য়াবা অসি মফম চানা মখোয়গী তেলেন্ত অসি শীজিন্ননবগীদমক মখোয়দা মতিক চাবা এভেন্যুশিং ফংহনবনি। মহাক্না হায়খি মদুদি গ্রামীন উধ্যমী প্রোজেক্তনা ঝারখন্দদা লৈরিবা ত্রাইবেল ফুরুপশিংগীদমক গেম চেঞ্জর ওইরগনি অমসুং মসিনা মখোয় মশানা মরোমদোম লেপচাবা ঙম্নবগীদমক মখোয়দা খুদোংচাবশিং পীরগনি। মহাক্না গ্রাম পঞ্চায়ৎশিং, খুঙ্গংশিং অমসুং ব্লোকশিংদা মখোয়না খুমাং চাউশিন্নবগীদমক থৌশিলশিং অসিবু নহারোলশিংদা ফংহন্নবা হায়খি।

শ্রী রাজীব চন্দ্রসেখরনা হায়খি মদুদি হন্দক্তা ঐখোয়না ভারতকী মমল য়াম্লবা হৌখ্রবা মতম অদুবু ইকাই খুম্নবা উৎনবা আজাদী কা অমৃত মহোৎসব পাঙথোকখি অমসুং মথংগী চহি কুন মঙা অসিগীদমক অনৌবা ভারতকী বিজন অমা ওইরিবা অমৃত কাল অসিদা ঐখোয়না হোৎননবা ফিরেপ লৌখি। অনৌবা ভারত অসিনা ভারতকী নহারোলশিংগীদমক অনৌবা খুদোংচাবশিং অমসুং অফবা তুংলমচৎশিং পুরক্লগনি। ঐখোয়না কোবিদ-১৯না পীখিবা চৈথেংশিং অদু মায়োক্নখি অদুবু ভারতনা অৱাবা ফীভম অদু মাইপাক্না থেংনখি অমসুং ঐখোয়গী খোঙথাংশিং অসি মালেম্না শকখঙবিখি। ঐখোয়গী প্রধান মন্ত্রী, শ্রী নরেন্দ্র মোদীনা আত্মনির্ভর ভারতকী লম্বেল অসি আত্মনির্ভর খুঙ্গং, আত্মনির্ভর তাউন অমসুং আত্মনির্ভর জিলাশিং ফাওদুনা চৎকনি হায়না ফোঙদোক্লমখি। মরম অসিনা ঐখোয়গী ত্রাইবেল ফুরুপশিংনা ভারতকী শেন্মীৎলোন চাউখৎহন্নবগী শাহৌ পীনবা ঐখোয়গী খোঙথাংশিং অসিদা মতেং পাংশিনবা তাই। মধ্য প্রদেশতা গ্রামীন উধ্যমী প্রোজেক্ত মাইপাকপা ঙমখিবা অসিগুম্বা ঝারখন্দদসু চপ মান্নবা রেস্পোন্স ফংগনি মরমদা লমদম অমা হেক্তা খুমাং চাউশিন্নবগীদমক স্কিলিংনা পাসপোর্তনি হায়না মহাক্না থাজবা থম্মি হায়না ফোঙদোকখি।

শ্রী বিশ্বেস্বর তুদুনা হায়খি মদুদি করিগুম্বা সহরশিংনা চাউখৎলবা, করিগুম্বা ঐখোয়না খুঙ্গংশিং চাউখৎনবগীদমক ইনভেস্ত তৌরবদি জাতি অমা চাউখৎপা ঙমগনি। অমসুং মসিগী মপুং ওইবা কম্পোনেন্ত অদুদি ঐখোয়গী ত্রাইবেল ফুরুপশিং খুমাং চাউশিন্নবা চাউখৎপগী লম কয়ামরুম হাংদোক্নবগীদমক্তা ক্বালিতী এজুকেসন ফংহনবনি। প্রধান মন্ত্রী, শ্রী নরেন্দ্র মোদীনা ঐখোয়গী ত্রাইবেলগী মফমশিংগী ইনক্লুসিবিতী, ফাইনান্সিএল গ্রোথতা মীৎয়েংসু চংখি অমসুং গ্রামীন উধ্যমী প্রোজেক্তনা ঐখোয়গী ত্রাইবেল মীয়ামগী ইকনোমিক এম্পাৱর্মেন্ত শোইদনা পীগনি। মহাক্না মখা তারদুনা হায়খি ভারতকী ইকনোমিক ইঞ্জিন খোঙজেল য়াংখৎহন্নবগীদমক মশিং লাকঙমদ্রবা স্কিল অমসুং পাইলোৎ প্রোজেক্ত কয়ামরুমসু হৌদোকখি।

ত্রেনিংগী অহানবা তাঙ্কক্তা মহারাস্ত্র, রাজস্থান, ছত্তিসগর, মধ্য প্রদেশ অমসুং গুজরাতকী খুঙ্গং অমসুং ত্রাইবেলগী মফমশিংদগী কেন্দিদেৎশিং মোবিলাইজ তৌখি। খুঙ্গংগী মফমশিংদগী কেন্দিদেৎশিং মোবিলাইজ তৌবনা মরম ওইরগা কেন্দিদেৎশিং অসিনা রিসোর্সশিং ৱাৎপনা মরম ওইদুনা তমশিন্নবগী খুদোংচাবা মাংহন্দুনবা ত্রান্সপোর্তেসন, বোর্দিং অমসুং লোদজিং ফংহনখি। ভোপাল. মধ্য প্রদেশতা মে, ২০২২দা বেচ তরেৎতা কেন্দিদেৎ ১৫৭তা ত্রেনিং পীখি, অমসুং চাউরাক্না কেন্দিদেৎ ১৩৩না জুন ২৭, ২০২২দা মাইপাক্না ত্রেনিং লোইশিনখি। পাইলোৎ প্রোজেক্তকী ফেস-II, ঙসি রাঞ্চিদা লোঞ্চ তৌখিবা অসি রাঞ্চিদা লৈবা শেবা ভারতী কেন্দ্রগী খুত্থাংদা য়ুবা বিকাসনা ইমপ্লিমেন্ত তৌরি। এন.এস.দি.সি.না এম.এস.দি.ই.গী লমজিং মখাদা শেবা ভারতী কেন্দ্র স্কিল দিবেলপমেন্ত সেন্তরদা লৈবা সেক্তর স্কিল কাউন্সিলশিং (এস.এস.সি.শিং)গী খুত্থাংদা লেব অমসুং ক্লাসরুমশিং লিংখৎপদা মতেং পাংখি।

প্রোজেক্ত অসিগী মখাদা লোকেল ইকোনোমীগা মরী লৈনবা মখাদা পীরিবা জোব রোলশিং অসিদা ত্রেনিং পীগনি।

  • ইলেক্ত্রিসিয়ন এন্দ সোলর পি.ভি. ইন্সতোলেসন তেক্নিসিয়ন
  • প্লম্বিং অমসুং মসোনরী
  • চাকা ২ পানবা গারীগী রিপিয়র অমসুং মেন্তেনেন্স
  • ই-গভর্নান্সকা লোয়ননা আই.তি./আই.তি.ই.এস.
  • ফার্ম মেকানাইজেসন

গ্রামীন উধ্যমী য়োজনা অসি সন্সদিয়া পরিশঙ্কুল য়োজনাগী মখাদা ইমপ্লিমেন্ত তৌখি। তোঙান-তোঙানবা এক্সপর্তশিং অমসুং সরকারগী ওর্গনাইজেসনশিংনা মখোয়গী এক্সপরিয়েন্সশিং শিয়র তৌখিবা জনুৱারী ২০২০দা ত্রাইবেল ফুরুপশিং খুমাং চাউশিন্নবা ঙম্নবগী মতাংদা খন্ন-নৈনবগী ইকাই খুম্নরবা এম.পি.শিংগী ওইবা নুমিৎ নিনিগী কনফরেন্স অমা মুম্বাইদা পাঙথোকখি। মখা তানা সেদ্যুল্দ ত্রাইব ওর্গনাইজেসনশিংনা ‘পার্লিয়ামেন্তরী এস.তি. ক্লস্তর দিবেলপমেন্ত প্রোজেক্ত’ অমগী অপাম্বা ফোঙদোকখিবা অদু হৌদোকখি। মসিগী মখাদা ভারতকী রাজ্য ১৫দা ক্লস্তর ৪৯ লোক সভা অমসুং রাজ্য সভাগী ত্রাইবেল এম.পি. ৪০না খনগৎখি। মখোয়গী লুচিং মখাদা মখোয় মশাগী ক্লস্তরশিংদা স্কিম অসি ইমপ্লিমেন্ত তৌগনি। ক্লস্তর অমমমদা এম.পি.শিংনা দিবেলপমেন্ত এসোসিএৎ অমা খনখি।

প্রোজেক্ত অসিগী মখাদা মখাদা পীরিবা পান্দমশিং অসি ফংনবা হোৎনবা তাই:

  • রুরেল/লোকেল ইকনোমী হেনগৎহনবা
  • থবক্কী খুদোংচাবশিং হেনগৎহনবা
  • লোকেলগী ওইবা খুদোংচাবশিংগী অৱাৎপা লৈবনা মরম ওইদুনা ফোর্স মাইগ্রেসন হন্থহনবা
  • নেচরেল রিসোর্সশিং য়োকখৎপা

স্কিল অমসুং এজুকেসনগী অৱাৎপা লৈবনা মরম ওইদুনা নেস্নেল এভরেজকা চাংদম্নবদা ত্রাইবেল লাইবলিহুদতা ওর্গনাইজ সেক্তরশিংনা য়াম্না পীক্না শরুক তমখি। মরম অসিনা গ্রামীন উধ্যমী প্রোজেক্তগুম্বা থৌশিলশিং অসি মখোয়গী খুমাং চাউশিনবা পুরক্নবা অমসুং হিংনবগী লম্বী লৈহন্নবা হোৎনবদা য়াম্না মরু ওই।

******



(Release ID: 1853333) Visitor Counter : 158


Read this release in: English , Urdu , Hindi , Tamil