ঙাকশেল মন্ত্রী শ্রী রাজনাথ সিংহনা হায়খি মদুদি সরকার অসিনা আর্ম্দ ফোর্সেস ত্রাইব্যুনেলবু হেন্না রেস্পোন্সিব ওইনবগীদমক শক্তি হেন্না পীনবা অমসুং মাইকৈ অসোমদা চঙশিনবা মতমদা চঙবা খোঙথাংশিং লৌখৎনবা হোৎনরি। আর্ম্দ ফোর্সেস ত্রাইব্যুনেল প্রিন্সিপাল বেঞ্চ বার এসোসিএসন্না ঙসি নই দিল্লীদা পাঙথোকপা  'ইন্ত্রোস্পেক্সনঃ আর্ম্দ ফোর্সেস ত্রাইব্যুনেল' হায়বা সেমিনার অমদা তিল্লিবশিংদা ৱা ঙাংলদুদা মহাক্না হায়খি মদুদি জুদিসিয়রি হায়বসিনা গনতন্ত্রগী মপাঙ্গল কল্লবা য়ুম্বী অমনি, অমসুং জুদিসিএল ওফিসর, অমসুং উকিলশিং অসিনা জুদিসিএল সিস্তেম অসিগী য়ুম্বীনি। মহাক্না হায়খি মদুদি কনাগুম্বা অমনা মহাক্কী মফমদা উপাই উমত্তা লৈজদ্রবা মতমদা জুদিসিয়রীদা চঙশিল্লক্কনি অমসুং জুদিসিয়রী পীনবা সিস্তেম অসিনা "সুরজ" নৎত্রগা অফবা লৈঙাক অমগী য়ুম্ফম্নি।

শ্রী রাজনাথ সিংহনা মখা তারদুনা হায়খি মদুদি দোমেন স্পেসিফিক ত্রাইব্যুনেলশিং অসি তোঙান-তোঙানবা কেসশিং থেংননবা অমসুং লোইশিন্দনা লৈবা কেসশিং লোইশিন্নবা লিংখৎখিবনি। মহাক্না লিতিগেন্তশিং অসিনা ঐখোয়গী জুদিসিয়রীদা থাজবা থম্মি অমসুং অচুম অরান থুনা পীবা য়ানবগীদমক ত্রাইব্যুনেলশিংদা অহাংবা লৈবা মেনশিনবগুম্বা  তঙাইফদবা খোঙথাং খুদিংমক লৌখৎলি হায়না পনখি। মহাক্না তিল্লিবা মীয়ামদা মসিমসু থাজবা থমখি মদুদি সরকার অসিনা এক্স সর্ভিসমেনশিং অমসুং সর্ভিং পার্সনেলশিংগী জস্তিস খোঙজেল য়াঙনা পীনবা সেমিনার অসিদগী লাকপা সজেসনশিং খন্নগনি।

ঙাকশেল মন্ত্রীনা 'জস্তিস দিলেয়েদ ইস জস্তিস দিনাইদ' অমসুং জস্তিস হরিদ ইস জস্তিস বেরিদ' হায়বসিগী খল চানা থম্নবা পুক্নিং চিংশিনখি। মসিনা জুদিসিএল সিস্তেমদা লৈবা লোইশিন্দবশিংগী পোৎলুম মীয়ামগী অমসুং মরুওইনা আর্ম্দ ফোর্সেস ত্রাইব্যুনেলদগী থাংথদুনা আর্ম্দ ফোর্সেস ত্রাইব্যুনেলগী পোৎলুম হন্থহনবদা নত্তনা লান্মীশিংনা সিস্তেম অসিদা হেন্না থাজবা হেল্লক্কনি।

শ্রী রাজনাথ সিংহনা তিল্লিবা মীয়ামদা ফোংদোকখি মদুদি ইন্দিয়া আর্ম্দ ফোর্সেস ত্রাইব্যুনেস্ল অসি ওরিজিনেল অমসুং এপেলেত জুরিসদিক্সন লৈ অদুবু ঙসিফাওবদা চাউখৎলবা লৈবাক য়ু.এস.এ. অমসুং য়ূ.কে.গুম্বদা ফাওবা এপেলেত জুরিসদিক্সন্তমক লৈরি। আর্ম্দ ফোর্সেস ত্রাইব্যুনেল অসি আর্ম্দ ফোর্সেস পার্সনেলশিং, এক্স সর্ভিসমেন, অমসুং মখোয়গী ইমুংগী ৱাকৎশিং কোকহনবদা য়াম্না মরু ওইবা ফোরম অমা ওইবনা মসি য়াম্না তঙাইফদবা অমা ওইরি।

শ্রী রাজনাথ সিংহনা মখা তানা হায়খি মদুদি অসিগুম্বা আর্ম্দ ফোর্সেস ত্রাইব্যুনেলগী ওইবা হন্না য়েংজবা য়াবা সেমিনার অসিনা লৈবাক অসিনা 'আজাদি কা অমৃত অহোৎসব' পাঙথোক্লিঙৈ মনুংসিদা ঙসিদি অহেনবা মরুওইবশিং হাপচিল্লক্লি অমসুং ভারতপু চাউখৎলবা লৈবাক অমা ওইনবা, লোইলমগী ৱাখল্লোন মুত্থৎনবা, ঐখোয়গী লৈজরিবশিং অসিগীদমক চাউথোকচনবা অমসুং ইশাগী ইথৌ পাঙনবা প্রধান মন্ত্রী শ্রী নরেন্দ্র মোদীনা 'পঞ্চ প্রান'গী খোলাও লাওরিবসিবুসু নিংশিংখি। ভারতকী চৎনবীদি ইন্ত্রোস্পেক্সন, ওবজর্বেসন হায়বসিদা মীৎয়েং থম্মি হায়না শ্রী রাজনাথ সিংহনা ফোংদোকখি। লো অমসুং জস্তিস মন্ত্রী শ্রী কিরেন রিজিজুনসু সেমিনার অসিদা ৱা ঙাংলদুনা সরকার অসিনা লোইশিন্দবা কেস লৈরিবশিং অসিবু হন্থহন্নবা হোৎনগদবনি হায়না ফোংদোকখি। মহাক্না হায়খি মদুদি আর্ম্দ ফোর্সেস ত্রাইব্যুনেলগুম্বা ত্রাইব্যুনেলশিং অসিনা লোইশিন্দবশিং লোইশিনবদা অচৌবা থৌদাং য়ারি।

আর্মি স্তাফকী চীফ জেনরেল মনোজ পান্দে, এয়র স্তাফকী চীফ এয়র চীফ মার্শল ভি. আর. চৌধরী অমসুং নেভেল স্তাফকী চীফ এদমিরেল আর. হরি কুমারসু শরুক য়াখি।

অস্তিস রাজেন্দ্র মেনন, চীয়রপার্সন এ.এফ.তি.না থৌরম অদুগী মরু ওইবা ৱারোল থমখি।

***************