ভারত সরকারগী ফ্লেগশিপ প্রোগ্রাম, স্বচ্ছ ভারত মিসন গ্রামীন (এস.বি.এম.-জি.)না ঙসি অতোপ্পা মাইপাকপা অমগা রেকোর্দ তৌখ্রে – খুঙ্গা ১০১৪৬২না মখোয় মশাবু ও.দি.এফ. (ওপন দেফিকেসন ফ্রী) প্লস লাউথোকচবা। খুঙ্গংশিং অসিনা মখোয়গী ও.দি.এফ. স্তেতদ লেংদনা থম্লি অমসুং সোলিদ অমসুং/নত্ত্রগা লিক্বিদ ৱেস্ত মেনেজ তৌনবা সিস্তেমশিং মতিক চানা লৈরি অমসুং মখোয়গী খুঙ্গংশিংবু হেন্না লুনানবা, গ্রীন ওইবা অমসুং মশা-মউ ফবা ওইহন্নবগী মাইকৈদা মখোয়না থবক পাইখৎপগা লোয়ননা মখোয়গী সেনিতেসন জর্নী অসি মখা চত্থখিগনি।

চহি নিপানগী মমাংদা ইকাই খুম্নরবা প্রধান মন্ত্রী মোদীনা মহাত্মা গান্ধীগী ১৫০শুবা মপোক কুমওন নুমিৎতা মহাকপু ইকাই খুম্নবা উৎপা ওইনা লৈবাক অসিবু ওপন দেফিকেসন ফ্রী ওইহন্নবগী মঙলান অমগা লোয়ননা লাল কিলাগী লানবনদগী স্বচ্ছ ভারত মিসন হৌদোকখি। মহাক্কী মীৎয়েং শান্না উবা ঙম্বা লমজিং মখাদা লৈবাক অসিনা মালেমগী খ্বাইদগী চাউবা বেহেবিয়র চেঞ্জ কেম্পেন অসিদা শরুক য়ান্নবা অমত্তা ওইনা পুনশিনখি অমসুং মাগী পান্দম অসি ফংবা ঙমখি অমসুং ইং কুমজা ২০১৯গী ওক্তোরব ২দা য়ুনাইতেদ নেসন্সনা থমখিবা এস.দি.জি.-৬কী তার্গেৎ অদুদগী চহি ১১ ঙনখৎনা রুরেল ইন্দিয়না ওপন দেফিকেসন ফ্রী ওইবা ঙমখি। অদুম ওইনমক, মসিদা মিসন অসি লোইশিনখিদে, মসিনা হেন্না চাউনা শীংনবা অমা, মথৌ তাবা থবক অমা ওইরিবা অসি মায়োক্নবা ঙম্নবা য়ুম্ফম থোনখি; লৈবাক্কী খুঙ্গংশিংবু অসিবু ও.দি.এফ. প্লস ওইহন্নবা সম্পুর্ন স্বচ্ছতা নত্ত্রগা কমপ্লিৎ ক্লিনিনেস ফংহনবগী মথৌ তাবা।

সোলিদ অমসুং লিক্বিদ ৱেস্ত মেনেজমেন্তগী থৌওং অসি মহৌশানা তেক্নিকেল ওইবা অসিনা ভারতকী খুঙ্গংদা পুমনৌ নৌবা অমসুং সেকেন্দ-জেনরেসন ইসু অমা ওইবনা ও.দি.এফ. প্লস ওইবা খুঙ্গং লাখ অমা হায়বা অসি অপীকপা মাইপাকপা অমা নত্তে। তোইলেৎশিংগী প্রোবিজন্না ফিকেল ৱেস্ত মেনেজ তৌবগী মথৌ তাবা লাকখি। লোয়ননা তোতি ঈশিংগী সপ্লাই লৈবনা ত্রীৎমেন্ত অমসুং রিয়ুজ তৌবা মথৌ তাবা গ্রেৱেতর হেন্না থাদোরকখি; অমসুং পুন্সি মহিংদা অহোংবশিং লাকপা অমসুং পেকেজ ফুদ প্রদক্তশিং শীজিন্নবা অসিগা লোয়ননা খুঙ্গাগী মফমসিংদা প্লাস্তিক ৱেস্ত অসিনা অকিবা শক্তম অমা ওইহল্লকখি অমসুং মসি নীংথিনা মেনেজ তৌবা মথৌ তারকখি।

অমসুং মসিনা স্বচ্ছ ভারত মিসন – গ্রামিন (এস.বি.এম.-জি)গী অনিশুবা তাঙ্কক ওইখি – ঐখোয়গী খুঙ্গংশিংবু লুনানহনবা ঙম্নবা ৱেস্ত মখল পুম্নমক নিয়ম চুম্না মেনেজ তৌবা খক নত্তনা সস্তেনেবল দিবেলপমেন্ত গোলশিংগী মথৌ তাবশিং থুংহনবগা লোয়ননা খুঙ্গংগী য়ুমশিংগী শেন্থোক লৈনবা লমশিং লৈহন্নবা অমসুং অনৌবা হিংনবগী লম্বীগী খুদোংচাবশিং পীরিবা এভেন্যুশিং শেমলি। এস.বি.এম.-জিনা হাইজিন অমসুং সেফ সেনিতেসন থৌগৎনবা অমসুং প্রজাশিংগী পুন্সিগী ক্বালিতী হৈনগৎহল্লিবা সরকারগী খোঙথাং নৌহৌনা ইনোৎ হাপখি।

অহৌবদা দি.দি.দবল্যু.এস.না খুঙ্গং অমবু ও.দি.এফ. প্লস ওইরে লাউথোক্ত্রিঙৈ মমাংদা খুঙ্গং পুম্নমক্না বাইওদিগ্রেদেবল ৱেস্ত মেনেজমেন্ত (বি.দবল্যু.এম.), প্লাস্তিক ৱেস্ত মেনেজমেন্ত (পি.দবল্যু.এম.), গ্রেৱেতর মেনেজমেন্ত (জি.দবল্যু.এম.) অমসুং ফিকেল স্লদজ মেনেজমেন্ত (এফ.এস.এম.)গী ভর্তিকেলশিংগী মখাদা লৈরিবা ক্রাইতেরিয়া পুম্নমক থুংহনবা ঙমলোইদবা অসি য়েংলগা ও.দি.এফ. প্লস ওইনা খুঙ্গং অমবু লাউথোকপগী থৌওংদা ইন্তর্মেদিএৎ স্তেজ অমা লৈহনখি। ও.দি.এফ. প্লস –এস্পায়রিং কেতগোরীদা ঙসি খুঙ্গং ৫৪৭৩৪ লৈ মসিদা য়ুমথো অমদি ইন্সতিত্যুসন পুম্নমক্না ইন্দিবিজুজেল হাউসহোল্দ লেত্রিনশিংগী খুত্থাংদা সেনিসন এক্সেস তৌবা ফংবগী মথক্তা এস.দবল্যু.এম. নত্ত্রগা এল.দবল্যু.এম. অমগী খুদোংচাবশিং লৈরি; ও.দি.এফ. – রাইজিংদা চল্লিবা খুঙ্গং ১৭১২১ অসিনা এস্পায়রিংগী ক্রাইতেরিয়া অসিগী মথক্তা এল.দবল্যু.এম. অমসুং এস.দবল্যু.এম. অনিমক্কী খুদোংচাবশিং লৈ। ও.দি.এফ. প্লস – মোদেল ওইরে হায়না লাউথোকখ্রবা খুঙ্গা ২৯৬০৭না মথক্তা হায়রিবা পুম্নমক অসি থুংহল্লি অমসুং আই.ই.সি.গী মেসেজশিং নীংথিনা শন্দোকখি অমসুং থেৎখি।

মসিনা তাকপদি লৈবাক শিনবা থুংবদা লৈরিবা খুঙ্গং ৯৯৬৪০না সোলিদ ৱেস্ত মেনেজমেন্তগী খুদোংচাবা লৈরে; ৭৮৯৩৭তা লিক্বিদ ৱেস্ত মেনেজমেন্ত ফেসিলিতীশিং লৈরে; অমসুং খুঙ্গং ৫৭৩১২দা মথৌ তৌরবা সোলিদ অমসুং লিক্বিদ ৱেস্ত মেনেজমেন্ত প্লান্ত অনিমক লৈরে হায়বনি। মকোক থংবা পরফোর্মিং স্তেৎ মঙা অদুদি তেলঙ্গানা, তামিল নাদু, ওরিশা, উত্তর প্রদেশ অমসুং হিমাচল প্রদেশনা ওইরি মসিদা লৈরিবা অয়াম্বা খুঙ্গংশিং ও.দি.এফ. প্লস লাউথোকখ্রে।

ভারতকী খুঙ্গংশিংদা সোলিদ অমসুং লিক্বিদ ৱেস্ত মেনেজমেন্তগী থৌওং অসি তেক্নিকেল ওইবা অমসুং পুমনৌ নৌবা অসি য়েংলগা ফন্দিং, তেক্নিকেল অমসুং কেপাসিতী বিল্দিং সপ্পোর্তকী মওংদা রাজ্যশিংদা অঙম্বা মতেং পুম্নমক পীখি। এস.বি.এম.(জি)গী ফেস Iদা মীয়াম্না শরুক য়াবনা কেম্পেন অসি মাইপাক্নবগী মরু ওইবা মতম অমা ওইদুনা মসিনা সেল্ফ-দিবেলপমেন্তগী লম্বী য়াৎখি অমসুং শরুক তমখি অমদি মসিনা কেম্পেন অসিগী হোমার্ক ওইখি।

কেম্পেন অসিনা হাইজিন অমসুং সেফ সেনিতেসন প্রমোৎ তৌনবা সরকারগী খোঙথাং অদুবু নৌনা ইনোৎ হাপখি অমসুং অসুম তৌদুনা প্রজাশিংগী পুন্সিগী ক্বালিতী ফগৎহনখি অমসুং ২০২৪-২৫ ফাওবদা ঐখোয়গী সম্পুর্ন, স্বচ্ছ অমসুং স্বস্থ ভারত অমগী মঙলান অদু থুংহনগনি।

***