ইতানগরদা ওগস্ত ১৮-১৯, ২০২২দা “ব্রিঙ্গিং সিতিজেন্স এন্দ গভর্নমেন্ত ক্লোজর থ্রু এদমিনিস্ত্রেতিব রিফোর্মস” হায়বা অসিদা নুমিৎ নিনিগী ওইবা রিজনেল কনফরেন্স অমা অরুনাচল প্রদেশ সরকারগা লোয়ননা চুংশিন্নদুনা ভারত সরকারগী এদমিনিস্ত্রেতিব রিফোর্মস এন্দ পব্লিক গ্রিভান্সেস বিভাগনা পাঙথোকখি।

অরুনাচল প্রদেশকী মুখ্য মন্ত্রী শ্রী পেমা খান্দুগা লোয়ননা নুমিৎ নিনিগী ওইবা থৌরম অসি হৌদোকপদা সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ); এম.ও.এস., পি.এম.ও., পর্সনেল, পব্লিক গ্রিভান্সেস, পেনসন্স, এতিমিক ইনর্জী অমসুং স্পেস, দা. জিতেন্দ্র সিংহনা হায়খি মদুদি, ২০১৪গী মমাংদা অৱাং নোংপোক থংবা লমদম অসি মতম শাংনা পাল্লম্বা কেন্দ্র সরকারশিংগী ঙাইহাক্কী ওইবা থৌশিলশিংনা মরম ওইদুনা শেন্মীৎলোন্দা ফীভম ফৎলমখিদে, অদুবু ২০১৪দা মোদী সরকার লাক্লবা মতুংদা প্রধান মন্ত্রী লৈবাক অসিগী হেন্না চাউখৎপা মফমশিংগা থাক মান্নবা ফীভমদা লমদম অসি পুখৎনবা হীরম খুদিংমক্তা হোৎনগনি হায়না ফোঙদোকখি। প্রধান মন্ত্রী শ্রী নরেন্দ্র মোদীগী মখাদা অৱাং নোংপোক্কী ৱর্ক কলচরদা হৌখিবা চহি ৮ অসিদা চাউনা অহোংবা পুরকখি।

মন্ত্রীনা হায়খি, মসিনা মরম ওইদুনা হৌজিক অৱাং নোংপোক্কী প্রোজেক্তশিং অসি অকক্নবা মতম অমগী মনুংদা লোইশিনবা ঙম্লে অমসুং কেন্দ্রগী ফন্দশিং চাদা ১০০গী ময়াদা শীজিন্নবা ঙম্লে। রাজ্য খুদিংমক য়ুনিয়ন কেপিতেলগা রেলৱেগী থোংদা শম্নহনবা ঙম্লে অমসুং রাজ্য নিপান অসিগী মশাগী এয়রপোর্ত অমমম থম্বা ঙম্লে অমরোমদনা গুৱাহাতি অসি মরু ওইবা ইন্তর্নেস্নেল এয়রপোর্ত অমা ওন্থোকপসু ঙমখি।

দা. জিতেন্দ্র সিংহনা হায়খি মদুদি শ্রী নরেন্দ্র মোদীনা প্রধান মন্ত্রী ওইরবা মতুংদা খক্তা অসিগুম্বা কনফরেন্সশিং অসি পুন্সিগী শিনফম কয়াদা লৈরিবা মীওইশিংবু শক্তি পীনবগীদমক অরুনাচল প্রদেশগুম্বা মনুং হঞ্জিনবা অৱাং নোংপোক থংবা রাজ্যশিং লোয়ননা অতোপ্পা চীংগী মফম অমসুং শোত্থরবা মফমশিংদা পাঙথোক্লি। মহাক্না হায়খি, ইফেক্তিব গভর্নান্স অমসুং পব্লিক সর্ভিস দেলিবরী ফংনবগীদমক খ্বাইদগী ফবা প্রেক্তিসশিং, খ্বাইদগী তেক্নোলোজী দিবেলপমেন্তশিং শিয়র তৌনবা অমসুং মখোয়বু শীজিন্ননবা ই-গভর্নসন্সকী ‘শিল্লোং দেক্লেরেসন’ পাইখৎখিবা ওগস্ত ২০১৯দা মেঘালয়দা পাঙথোকখিবা নেস্নেল কনফরেন্স ওন ই-গভর্নান্সকী মতুংদা এদমিনিস্ত্রেতিব রিফোর্মস এন্দ পব্লিক গ্রিভান্সেস বিভাগনা ইতানগর কনফরেন্স অসি পাঙথোকপনি।

দা. জিতেন্দ্র সিংহনা হায়খি মদুদি এদমিনিস্ত্রেতিব রিফোর্মস এন্দ পব্লিক গ্রিভান্সেস বিভাগনা অরুনাচল প্রদেশ সরকার অমসুং সেন্তর ফোর গুদ গভর্নান্স, হাইদরাবাদকা লোয়ননা চুংশিন্নদুনা জিলাশিংদা গভর্নান্সকী ইফিসিএন্সী হেনগৎহন্নবগীদমক নেস্নেল গুদ গভর্নান্স ইন্দেক্সকী মখাদা অৱাং নোংপোক রাজ্যশিংগী ওইনা অহানবা দিস্ত্রিক্ত গুদ গভর্নান্স ইন্দেক্স অমা দিবেলপ তৌখি।

মহাক্না হায়খি, দি.এ.আর.পি.জি.না থাগী ওইনা অরুনচাল প্রদেশকী জিলা খুদিংমক্কী রেঙ্কিংশিং মোনিতর তৌনবা অমসুং অরুনাচল প্রদেশকী রাজ্য অসিগী মনুংদা পরফোর্মেন্স বেঞ্চমার্ক তৌবদা মতেং পাংনবগীদমক দিস্ত্রিক্ত গুদ গভর্নান্স পোর্তেল অমা দিবেলপ তৌনবা অরুনাচল প্রদেশ সরকারগা লোয়ননা চুংশিন্ননবা থৌরাংসু তৌরি। পনবা য়াবদি দিজিতেল পোর্তেল অমগী খুত্থাংদা অমুক মোনিতর তৌগদবা অরুনাচল প্রদেশকী দিস্ত্রিক্ত গুদ গভর্নানা্স ইন্দেক্সকী মখাদা এনুএল ইমপ্রুবমেন্তশিং ত্রেক তৌরিবা অৱাং নোংপোক লমদমগীদমক ওনলাইন গুদ গভর্নান্স ইন্দেক্স অমা শেমগৎপা মথৌ তাই।

দা. জিতেন্দ্র সিংহনা হায়খি, প্রধান মন্ত্রী মোদীনা অরুনাচল প্রদেশপু ইস্ত এসিয়াগী মরু ওইবা গেৎৱে অমা ওইহন্নবা হোৎনরি। নেস্নেল সেক্যুরিতীদা অরুনাচলনা লৌরিবা থৌদাং অসি য়েংলগা মোদর্ন ইনফ্রাস্ত্রকচর ফগৎহনখি। মহৌশানা অরুনাচল প্রদেশতা মাগী লন কয়া অমা পীবীরি অমসুং কেন্দ্রনা অরুনাচলগী তুরিজমগী পোতেন্সিএল অসি মালেম পুম্বদা য়ৌহন্নবা হোৎনরি।

দা. জিতেন্দ্র সিংহনা লাউথোকখি মদুদি দি.এ.আর.পি.জি.না এম.ও.য়ু.গী মতুং ইন্না তাঙ্কক নাইবা মওংদা ই-ওফিস ভর্জন ৫.৬তগী ই-ওফিস ভর্জন ৭.০দা অপগ্রেদ তৌবদা রাজ্য অসিগী মতেং পাংবগী মথক্তা থাগী ওইনা জিলা খুদিংমক্কী পরফোর্মেন্স মোনিতর তৌনবা অমসুং পরফোর্মেন্স বেঞ্চমার্ক তৌবদা মতেং পাংনবগীদমক ‘দিস্ত্রিক্ত গুদ গভর্নান্স পোর্তেল’ অমা দিবেলপ তৌনবা রাজ্য সরকারগা চুংশিন্নগনি। মখা তানা দি.এ.আর.পি.জি.গী মখাদা নেস্নেল সেন্তর ফোর গুদ গভর্নান্সনা মথংগী চহি মঙাগী অরুনাচল প্রদেশ এদমিনিস্ত্রেতিব সর্ভিসেসকী ওফিসর ৫০০গীদমক মিদ-কেরিয়র বিল্দিং প্রোগ্রাম ইন গভর্নান্স হায়বা অসি পাঙথোক্কনি।

দা. জিতেন্দ্র সিংহনা ইতানগরদা নুমিৎ নিনিগী ওইবা রিজনেল কনফরেন্স পাঙথোকপগীদমক দি.এ.আর.পি.জি.গী সেক্রেতরী, শ্রী ভি. শ্রীনিবাসবু থাগৎপা ফোঙদোকখি।

নুমিৎ নিনিগী রিজনেল কনফরেন্স অদু হৌদোকপগী থৌরমদা ৱা ঙাংলদুনা মুখ্য মন্ত্রী শ্রী পেমা খান্দুনা হায়খি মদুদি গভর্নান্সতা অহোংবা পুরকপদা অমদি মীয়ামগা নকশিন্নহন্নবগীদমক এদমিনিস্ত্রেতিব রিফোর্মশিং মথৌ তাই অমসুং অরুনাচল প্রদেশ সরকারনা ত্রান্সপরেন্সী, একাউন্তেবিলিতী লৈহন্নবা অমসুং ফাইলশিং থুনা দিস্পোজেল তৌবা য়ানবগীদমক লেপ্পা লৈতনা রিফোর্মশিং পুরক্লি।

থৌরম অসিদা শ্রী পেমা খান্দুনা হায়খি মদুদি “কনফরেন্স অসি য়াম্না মরু ওই মরমদি মসিনা অঙম্বা চাংদা সরকার অমসুং মীয়ামগী মরক্তা লৈরিবা অহোবা অসি মেনখৎনবগীদমক সরকারগী ওফিসরশিংগী মতেং পাংনবা অমসুং ইক্বিপ ওইহন্নবা পান্দম থম্মি। ই-ওফিস সিস্তেম অসি ইফিসিএন্ত অমসুং ত্রান্সপরেন্ত ওইবা গভর্নান্সকীদমক খ্বাইদগী ফবা তেক্নোলোজিজেল ইন্তর্ভেন্সনশিংগী মনুংদা অমনি হায়না ফোঙদোক্লদুনা খান্দুনা হায়খি মদুদি অরুনাচলনা ‘দিজিতেল প্লেৎফোর্মদা মাগী ওফিসশিং ওন-বোর্দ তৌরি’।”

মহাক্না হায়খি, “ঐখোয়না ২০২২-২৩ অসি ই-গভর্নান্সকী চহি ওইনা লাউথোকখি অমসুং ই-এসেমব্লী অমসুং ই-কেবিনেৎ মোদ্যুলশিংদা শীজিন্নবগী মথক্তা স্তেৎ সিভিল সেক্রেতরিএৎতসু ই-ওফিস চাদা ১০০ ইমপ্লিমেন্ত তৌখ্রে। হৌজিক ফাওবদা ই-প্রগতি রিভ্যু মীতিং ১৭ পাঙথোকখ্রে, মসিদা প্রোজেক্ত অমসুং স্কিম ২০০ হেন্না দিপুতী কম্মিস্নর অমসুং লাইন দিপার্তমেন্তশিংগা লোয়ননা য়েংশিনখি অমসুং ফাস্ত-ত্রেক ওইহনখি”।

শ্রী খান্দুনা মখা তারদুনা হায়খি মদুদি সরকারনা ই-ওফিস প্লেৎফোর্মদা ওন-বোর্দ তৌনবগীদমক সেক্তর ২২ মশক খঙদোকখ্রে অমরোমদা জিলাশিংদা লৈরিবশিং য়াওনা লেমহৌরিবা ওফিসশিংদা চহি অসিগী ওক্তোবর ফাওবদা ওন-বোর্দ তৌনবা য়াথং পীখি।

“ঙসি ফাওবদা ঐখোয়না ই-ওফিসশিংগী খুত্থাংদা ফাইল ৮,১০,৩৫০ ইলেক্ত্রোনিক ওইনা চৎহনখি অমসুং মসিনা ফাইল চৎপদা ত্রান্সপরেন্সত লৈবা লোয়ননা খোঙজেল য়াংবা ঙমহনখি। মসিনা অকক্নবা ফাইল অমা করম্বা বিভাগ নত্ত্রগা করম্বা তেবলদা পন্দুনা লৈরিবনো লায়না খঙবা ঙমহনবদা হৌজিক্তি মসিনা একাউন্তেবিলিতীসু লৈহল্লি,” হায়না মহাক্না ফোঙদোকখি। সি.এম.না দি.এ.আর.পি.জি.না গুদ গভর্নান্সকী মতাংদা রাজ্য সরকারগা লোয়ননা এম.ও.য়ু. অমা খুৎয়েক পীনখিবা অসিগীদমক তৌবিমল খঙবা উৎখি।

শ্রী ভি. শ্রীনিবাসনা ইকাই খুম্নরবা মুখ্য মন্ত্রী অমসুং চীফ সেক্রেতরীনা ইতানগরদা রিজনেল কনফরেন্স পাঙথোকপা অসিগীমদক থাগৎপা ফোঙদোকখি। মহাক্না হায়খি মদুদি প্রজাগী অহানবা গভর্নান্স মোদেল অসিনা সরকারগী মেক্সিমম গভর্নান্স – মিনিমম গভর্নমেন্ত হায়বা পোলিসী অসিগী খ্বাইদগী ফজবা মেনিফেস্তেসন অমনি। মসি ইন্সতিত্যুসনশিংদা দিজিতেল ত্রান্সফোর্মেসন পুরকপ্না ঙমগনি। এদমিনিস্ত্রেতিব রিফোর্মশিং অসিদা এজাইল, কোল্লাবোরেতিব অমসুং কন্নেক্তেদ গভর্নমেন্ত শেম্বগী মথৌ তাবা লৈ। মহাক্না মখা তারদুনা হায়খি মদুদি দি.এ.আর.পি.জি.না অরুনাচল প্রদেশ সরকারগা লোয়ননা চুংশিন্নদুনা অৱাং নোংপোক্কী রাজ্যশিংগী খ্বাইদগী অহানবা – দিস্ত্রিক্ত গুদ গভর্নান্স ইন্দেক্স দিবেলপ তৌগনি। মসি দেতাভরিকোনসিলিএসনগী অরোইবা স্তেজশিংদা লৈ অমসুং অতেনবা মতমগী মনুংদা লোঞ্চ তৌরগনি। ভারত সরকারনা বিজন ইন্দিয়া@২০৪৭ ফোর্ম্যুলেত তৌরি। দা. জিতেন্দ্র সিংহজীনা দি.এ.আর.পি.জি.গী এদভাইজরী গ্রুপ ওন গভর্নান্স লুচিংলি অমসুং মসিনা নহা ওইরিবা ওফিসরশিংদা মীৎয়েং থম্লি। দা. এস.এন. ত্রিপাথিজীনা বিজন ইন্দিয়া@২০৪৭ ফোর্ম্যুলেত তৌবদা দি.এ.আর.পি.জি.গী নোলেজ পার্তনর ওইনা আই.আই.পি.এ.দা থবক কয়া তৌরি। শ্রী ভি. শ্রীনিবাসনা নহা ওইরিবা ওফিসরশিং, দিস্ত্রিক্ত কল্লেক্তরশিংদা ইকাই খুম্নরবা প্রধান মন্ত্রীনা লাল কিলাগী লানবন্দগী ওগস্ত ১৫, ২০২২দা পীখিবা পাউজেল অদুগী মতাংদা পনখি। ইকাই খুম্নরবা প্রধান মন্ত্রীনা “জয় অনুসন্ধান” – মিসন ইনোভেসনগী বিজনগী মতাংদা অকনবা ৱাফম থমখি। দিস্ত্রিক্ত কল্লেক্তরশিংনা জাতিবু অহোংবা পুরক্নবা দিজিতেল গভর্নান্স মোদেলশিং ফোর্ম্যুলেৎ তৌদুনা গভর্নান্সতা ইনোভেসন তৌনবগী হায়রিবা অসি পাঙথোকপা তাই।

রিজনেল কনফরেন্স অসিদা অরুনাচল প্রদেশকী উপ মুখ্য মন্ত্রী, শ্রী চোনা মেন; অরুনাচল প্রদেশকী  চীফ সেক্রেতরী, শ্রী ধর্মেন্দ্র; দোনরগী সেক্রেতরী শ্রী লোক রঞ্জন; অমসুং এ.আর.পি.জি.গী জোইন্ত সেক্রেতরী শ্রী এন.বি.এস. রাজপুৎনা ৱা ঙাংখি। হৌদোকপগী সেসন মনুংদা অরুনাচল প্রদেশ সরকারগী সেক্রেতরী (এ.আর.), শ্রী অজয় চাগতিনা থাগৎপা ফোঙদোকপগী ৱারোল থমখি।

রিজনেল কনফরেন্স অসিদা গভর্নান্সতা রিফোর্মশিং পুরকপা; পব্লিক গ্রিভান্স রিদ্রেসেল অমসুং এন.ই. রাজ্যশিংদা ই-ওফিস; অৱাং নোংপোক্কী রাজ্যশিংদা গুদ গভর্নান্সকী প্রেক্তিসশিং; দিস্ত্রিক্ত গুদ গভর্নান্স ইন্দেক্স অমসুং গুদ গভর্নান্সকী প্রেক্তিসশিং হায়বা অসিদা তেক্নিকেল সেসন ৫ পাঙথোকখি।

অহানবা নুমিৎতা আই.আই.পি.এ.গী দি.জি., শ্রী এস. এন. ত্রিপাথিজীনা সেসন-I “গভর্নান্সতা রিফোর্মশিং পুরকপা” হায়বা অসিগী ময়াই তাংবল লৌখি, বিজন ইন্দিয়া@২০৪৭; পর্সনেল এদমিনিস্ত্রেসনদা রিফোর্মশিং পুরকপা; মিসন কর্মায়োগী অমসুং অরুনাচল প্রদেশতা রিফোর্মশিং পুরকপা হায়বা অসিদা প্রজেন্তেসনশিং পীখি।

লঞ্চ মতুংগী সেসন অদু নাগালেন্দ সরকারগী প্রিন্সিপল সেক্রেতরী (আই.তি.) শ্রী কে দি বিজোনা ময়াই তাংবল লৌখি, মথংশিৎনা পব্লিক গ্রিভান্সশিংগী রিদ্রেসেল অমসুং নাগালেন্দা ই-ওফিস, পব্লিক গ্রিভান্সশিংগী সি.পি.জি.আর.এ.এম.এস. রিদ্রেসেল, “পব্লিক গ্রিভান্সেস রিদ্রেসেল অমসুং এন.ও. রাজ্যশিংদা ই-ওফিসশিং”, ‘সিক্কিমদা ই-ওফিস; অরুনাচল প্রদেশকী সিতিজেন সেন্ত্রিক প্লান্নিং; তৱাংদা পব্লিক গ্রিভান্সশিংগী রিদ্রেসেল’ হায়রিবা তোপিকশিং অসিদা প্রজেন্তেসনশিং পীখি।

সেসন – IIIদা তোপিক এন.ই. রাজ্যশিংদা গুদ গভর্নান্স প্রেক্তিসশিং হায়বা অসিদা অরুনাচল প্রদেশ সরকারগী প্রিন্সিপল সেক্রেতরী (হেল্থ/ফাইনান্স), দা সরত চৌহান্না ময়াই তাংবল লৌখি। ক্লাইমেৎ চেঞ্জ মিতিগেসনগী খুত্থাংদা ইথিকেল গভর্নান্স, গভর্নমেন্তগী থৌওং রি-ইঞ্জীনিয়রিং – রিভেম্প সি.পি.জি.আর.এ.এম.এস, চাংলাংদা প্লাস্তিক শ্রেদ্দিং য়ুনিৎ, নমসাইদা তুরিজম; অৱাং নোংপোক্কী চীংগী রাজ্যশিংদা ঈশিং য়োকশিনবা – সিয়ালসির খুঙ্গংদগী তমশিনখিবা পরাশিং অমসুং কোক্রাঝারদা তৌখিবা কোবিদ মেনেজমেন্ত হায়বা অসিদা প্রজেন্তেসনশিং পীখি।

২শুবা নুমিৎকী সেসন IVদা তোপিক দিস্ত্রিক্ত গুদ গভর্নান্স ইন্দেক্স হায়বা অসিদা দি.এ.আর.পি.জি.গী জোইন্ত সেক্রেতরী শ্রী এন.বি.এস. রাজপুৎনা ময়াই তাংবল লৌখি, অরুনাচল প্রদেশকী দি,জি,জি,আই. ইন্দেক্স অমসুং জে এন্দ কে গী দি.জি.জি.আই. পোর্তেলগী মতাংদা প্রজেন্তেসনশিং পীখি।

২শুবা নুমিৎকী সেসন Vদা গুদ গভর্নান্স প্রেক্তিসশিং হায়বা তোপিক অসিদা এম.ঐচ.এ.গী ইন্তর স্তেৎ কাউন্সিলগী এদিস্নেল সেক্রেতরী শ্রী শ্রীরাম তরানিকান্তিনা ময়াই তাংবল লৌখি, “নালবারিদা নেস্নেল রুরেল লাইবলিহুদ মিসন; ‘এন.ই. রাজ্যশিংদা এজুকেসন ইনিসিএতিবিং’; “এদমিনিস্ত্রেসন্দা তেক্নোলোজী”; “মেঘালয়দা ই-ওফিস”; “ইস্ত সিয়াংদা মিসন ইন্দ্রধনুশ” হায়বা অসিদা প্রজেন্তেসনশিং পীখি।

কনফরেন্স অসি সিতিজেন সেন্ত্রিক গভর্নান্স লৈহন্নবগী এদমিনিস্ত্রেতিব ত্রেনিং, কেপাসিতী বিল্দিং তৌনবা, ই-গভর্নান্সকী খুত্থঅংদা পব্লিক সর্ভিস দেলিবরী তৌবা হেনগৎহন্নবা, ত্রান্সপরেসন্ত, একাউন্তেবল অমসুং সিতিজেন-ফ্রেন্দলী ইফেক্তিব এদমিনিস্ত্রেসনদা খ্বাইদগী ফাবা প্রেক্তিসশিং ফোর্ম্যুলেসন অমসুং ইমপ্লিমেন্তেসন তৌবদা ফংলকপা এক্সপরিয়েন্সশিং শিয়র তৌনবগীদমক কম্মন প্লাৎফোর্ম অমা শেম্নবা খোঙথাং অমনি।

দি.এ.আর.পি.জি.গী সেক্রেতরী শ্রী ভি. শ্রীনিবাস অমসুং অরুনাচল প্রদেশ সরকারগী চীফ সেক্রেতরী, শ্রী ধর্মেন্দ্রনা লোইশিনগী ৱারোল পীরদুনা কনফরেন্স অসি লোইশিনখি।

*****