কোলহাপুর এয়রপোর্ত্তা মী কুংবগী চাং কা হেন্না হেনগৎলকপবু মরুওইনা লৌরদুনা এয়রপোর্ত ওথোরিতী ওব ইন্দিয়ানা এয়রপোর্ত অসিবু অহেনবা খুদোংচাবশিং শেমগৎ-শাগৎপগী থবক পায়খৎখ্রে। চাউখৎ খোঙথাংগী থবক অসিদা অনৌবা তর্মিনেল বিল্দিং শাবা, লৈরিবা রনৱে অসিবু হেন্না মপাঙ্গল কলহনবা, রনৱে শাংদোকপা, অনৌবা এপ্রোন অমসুং আইসোলেসন বে শাগৎপগী থবক য়াওরি।

কোলহাপুর এয়রপোর্ত অসি উরান স্কিমগী মখাদা আর.সি.এস. ওপরেসনগীদমক শকখঙবীখি অমসুং হৌজিক হৌজিক হায়দেরবাদ, বেঙ্গলোর, মুম্বাই, অমসুং তিরুপতিগা শম্নরি। হন্দক্তা এয়রপোর্ত এরোদ্রোম লাইসেন্সসু ২৪*৭ ফ্লাইৎ ওপরেসনগীদমক অপগ্রেদ তৌখ্রে।

অনৌবা তর্মিনেল বিল্দিং অসি স্ক্বার কিলোমিতর ৪০০০গী লমদা শাগৎলি অমসুং মসিনা থবক হেন্না চিনবা মতমদা পেসেঞ্জর ৩০০ প্রোসেস তৌবা ঙমগনি। চেক-ইন কাউন্তর ১০ লৈবগা লোইননা, তর্মিনেল অসি তুং কোইনা চৎপা য়াবা ফোর-স্তার গৃহ রেতেদ এনর্জী ইফিসিএন্ত বিল্দিং অমা ওইরগনি। তর্মিনেল বিল্দিং অসিগী মনুংশিংদা লোকেল কলচরেল অমসুং হেরিতেজকী আর্ত অমসুং কলচর কয়া উৎকনি। অণৌবা তর্মিনেল বিল্দিং অসিগী মমাঙ থংবদা লৈরিবা অচৌবা মী চৎফম লম্বী অসিসু কোলহাপুর শহরগী মহারাজাগী কোনুং, ভাবনি মান্দপ, পনহালা লানবনগুম্বা ইপা ইপুনা থম্বীরম্বা স্ত্রকচরশিংদা শীজিন্নরিবশিং অসিনা ইথিল পীদুনা লৌরকপনি।

তর্মিনেল বিল্দিং অসিবু পাকথোক চাউথোকপগী থবক ৬০% হেন্না লোইশিনলে, অমসুং বিল্দিং অসি মার্চ ৩১, ২০২৩ ফাওবদা শীজিন্নবা য়ারগনি। এয়রসাইদ ফেসিলিতীশিং অপগ্রেদ তৌবগী থবকশিং লোইরে। মসিগী মথক্তা, অনৌবা এয়র ত্রাফিক কন্ত্রোল তাৱর অমসু শাগৎলি, মসিনা তুংগী ত্রাফিক গ্রোথ লাকশিনবা ঙম্লগনি। কার ১১০, বস ১০ খাম্বা য়াগদবা পার্কিং অমসু শেমগৎনবা হোৎনরি।

কোলহাপুর শহর অসি পঞ্চগঙ্গা তুরেলগী তোর্বান্দা লৈ অমসুং মসি সহ্যাদ্রি চীংশাং পরেংনা কোইশিল্লি। শহর অসি পুৱারীগা শাগোন্নরবা লানবন, লাইশঙ অমসুং কোনুং কয়াগীদমক শকখঙনরি। কোলহাপুর অসি মহারাস্ত্রাগী লৌউশিংউদা খ্বাইদগী চাউখৎপা মফমশিংগী মরক্তা অমনি অমসুং লৌউশিংউগা মরী লৈনবা ইন্দস্ত্রী কয়াগী লুচিংবা ওইবগীদমক শকখঙনরি। মসি ইঞ্জিনীয়রিংগী পোত্থোক, রিফাইন্দ সুগর অমসুং তেক্সতাইলশিং পুথোকপদা মাঙজিল থানা চেল্লি।

এয়রপোর্ত অসিগী অনৌবা মালেমগী থাক্তা লৈবা তর্মিনেল বিল্দিং অসিনা ইন্দস্ত্রিএল শহর অসিগা শম্নবগী চাং হেনগৎহল্লগনি, মসিনা লমদম অসিগী তুরিজম ইন্দস্ত্রীদা অহেনবা চাউখৎপা পুরক্লগনি। শম্নবগী চাং হেনগৎলকপা অসিনা লোকেল কম্ম্যুনিতীশিংগী থবক ফংবগী চাং হেনগৎহনবদা নত্তনা হেন্না ফরবা এজুকেসনেল অমসুং মেদিকেল ফেসিলিতীশিং পীবা ঙমগনি।

পর্স্পেক্তিব ইমেজ – কোলহাপুর এয়রপোর্ত ন্যু তর্মিনেল বিল্দিং

তর্মিনেল বিল্দিং শাগৎপগী শক্তম

এ.তি.সি. শেমগৎপগী শক্তম

রনৱে নৌনা কার্পেৎ থাবা

রনৱে শাংদোকপগী থবক চত্থবা

এপ্রোন  

***************