"ভারতনা ২০১৪দগী হৌদুনা অঙাংগী শিবগী চাং অসি ১০০০ হিংনা পোকপদা ৪৫ ওইরম্বদগী ২০১৯দা ১০০০ হিংনা পোকপদা ৩৫ খক্তমক ওইহন্দুনা খোঙজেল য়াঙনা হন্থহল্লে"। ৱাফম অসি দা. ভারতি প্রভিন পাৱর, কেন্দ্রগী রাজ্য মন্ত্রীনা ঙসি মুম্বাইদা অর্লী চাইল্দহুদ দিবেলপমেন্ত কনক্লেব, পালন ১০০০ নেসনেল কেম্পেন অমসুং পেরেন্তিং এপ হৌদোকপদা ফোংদোকখিবনি। দা. ভিনোদ কে পাউল, মেম্বর (হকশেল অমসুং ন্যুত্রিসন), নিতি আয়োগসু শরুক য়াখি।

অঙাং অমগী অঙনবা পুন্সিগী তাংকক অসিবু হয়েং মাগী পুন্সি চুপ্পা অমদা ইথিল পীবগীদমক য়াম্না মরুওই হায়না ফোংদোক্লদুনা দা. ভারতি প্রভিন পাৱরনা হায়খি, "অঙাং অমগী ব্রেনগী চাউখৎপগী থবক অসি মমা পুক্নুংদা লৈরিঙৈ মতমদগী হৌরে অমসুং মসি মীরোনবী মমাগী হকশেল, মচি ওইবা চীঞ্জাক অমসুং অকোইবনা ইথিল পী। পোক্লবা মতুংদা, মশা চাউরকপগী ৱাংমদা, মীওইবা অঙাং অমগী ব্রেন চাউখৎপগী থবক অসিনা তুংদা শিংবগী চাং অমসুং পুন্সিগী মগুন লেপ্পী। হায়রিবা খোংচৎ অসি নুমিৎ খুদিং মরুওই অমসুং অঙাং অদুনা মতৌ করম্না চাউরকপগে অমসুং তমশিনবগে হায়বদু তাকই – হৌজিক খক্তগী নত্তনা মহাক্কী পুন্সি চুপ্পা অমদা। অঙাং অমনা হিংবা হিংদবগী ৱাফম অসি অঙাংদু খক্তংদা ইনশিনবা য়ারোই, মসি মমাদুগী হকচাংগী মখাসু পোল্লি হায়বসি ঐখোয়না ভাপ তাবীগদবনি। মরম অসিনা, 'কন্তিনম ওব কেয়র' হায়বা অঙাংদুনা হিংনবগীদমক অরুবা তাংকক্তা মীৎয়েং থম্লিবা ৱাখল্লোন অসি নেসনেল প্রোগ্রামগী মখাদা থম্লি।"

মহাক্না মখা তানা ফোংদোকখি মদুদি অহানবা নুমিৎ লিশিং অমদি কন্সেপসন অমসুং অঙাং অদুগী চহি অনিবু কোনশিল্লি, অমসুং মসিগী তাংকক অসিদা, চাউখৎলক্লিবা অঙাং অদুনা অফবা চীঞ্জাক, স্তিমুলেসন, নুংশিবা অমসুং শৌগৎপীবা চঙই। "অহানবগী নুমিৎ ১০০০না অঙাংগী শেজেল, ৱাখল, ইমোসনেল, কোগনিতিব অমসুং খুন্নাইরোলগী মরুওইবা তাংকক্নি", হায়না মহাক্না পনখি।

"নেসনেল হেল্থ মিসন (এন.ঐচ.এম.)গী মখাদা লৈরিবা অঙাংগী হকশেলগী থৌরম অসিনা অঙাং হিংনবগী থবকশিং পায়খৎলি অমসুং পীক্লিবা অঙাংশিং অমসুং মঙাগী মখাগী অঙাংশিংগী মোর্তালিতী ৱাংহনবা হীরমশিং য়েংশিল্লি। মরম অসিনা ঐখোয়গী নেসনেল হেল্থ মিসননা মরুওইবা সেবা কয়া য়ুমদা, কম্ম্যুনিতী আউৎরিচ অমসুং তোঙান-তোঙানবা প্রাইমরী, ফার্স্ত রিফরেল য়ুনিৎ, তর্সিয়ারী হেল্থ কেয়র ফেসিলিতীশিংগী থোঙদা ফংহন্নবা হোৎনরি" হায়না মহাক্না হায়খি।

পালন ১০০০ নেসনেল কেম্পেন অমসুং পেরেন্তিং এপকী মতাংদা

'পালন ১০০০ – জর্নী ওব ফার্স্ত ১০০০ দেস', মসিনা অঙাংশিংবু অহানবগী চহি ২ ফাওবগী কোগনিতিব দিবেলপমেন্ততা মীৎয়েং থম্মি। পালন ১০০০না মপা মমা ওইবশিং, ইমুং মনুং অমসুং অতোপ্পা কেয়রগিবরশিংদা ইমুং মনুংগী তঙাইফদবশিং পীনবা অঙনবা চহিগী কোচিং পীরি। পীক্লিবা অঙাংশিং অমসুং শন শাদুনা চৎলিবা অঙাংশিং অসি মখোয়গী এক্সপরিএন্সনা শেম্মি – অমসুং হায়রিবা এক্সপরিএন্সশিং অসিবু অমুক মখোয়বু শেন্নবীরিবশিংনা শেম্মি। শেন্নবীরিবশিং অসি পুন্সিগী অহানবা চহিদা নীংথিনা হৌনবগীদমক য়াম্না মরুওই। থৌরাং অসি রাস্ত্রিয়া বাল স্বাস্থ্যা করিয়াক্রম (আর.বি.এস.কে.)গা চুন্ননা চৎলি। মসিনা রেস্পোন্সিব কেয়র অমসুং অহানবা নুমিৎ ১০০০দা মীৎয়েং থম্মি।

পালন ১০০০ পেরেন্তিং এপ অসিনা শেন্নবীরিবশিংদা মখোয়না নোংমগী ওইনা তৌগদবশিংগী অতাংদা ঈপাউ পীরি অমসুং মসিনা মমা মপাশিংদা লৈবা চিংনবশিং কোকহনবা ঙমগনি। চহি অনিগী মখাদা লৈবা অঙাং অমগী কোগনিতিব দিবেলপমেন্ত হায়বসি পালন ১০০০ অসিগী মরুওইবা মীৎয়েং চঙলিবা মফম অমনি, অমসুং মসিনা নুংশিবা হেনগৎনবা, ৱারী শান্ননবা অমসুং লোইনবা, লেঙবা অমসুং শান্নবা হেনগৎনবা, পামিন্নবা অমসুং খন্নবা, মমাগা মচাগা শঙ্গোম পীথক্লিঙৈ লোইনবা অমসুং ৱাখল ৱাবা হন্থনবা অমসুং পোথানা লৈবা হায়বা প্রিন্সিপল ৬ অসিদা মীৎয়েং থম্মি।

দা. পি অশোক বাবু, জোইন্ত সেক্রেতরী (আর.সি.ঐচ.), দা. প্রদীপ ভ্যাস, এদিসনেল চীফ সেক্রেতরী (হেল্থ), মহারাস্ত্রা সরকার, দা. সুমিতা ঘোশ, এদিসনেল কম্মিসনর অমসুং ইনচার্জ (চাইল্দ হেল্থ), এম.ও.ঐচ.এফ.দব্ল্যু., মিস রুশদা মজীদ (বি.ভী.এল.এফ.), শ্রী লুইগি দি' একুইনো, য়ুনিসেফ, দা. পুশপা চৌদরী, হু ইন্দিয়াসু মীফম অদুদা শরুক য়াখি।

***************