আজাদি কা অমৃত মহোতসবকী মনুং চন্না, কলচরগী মন্ত্রালয়না ২০২২গী অগস্তকী তাং ৫দগী ‘বরে চলো” শিনখ্রে। ভারত পুম্বদা নুমিৎ ৭ নি চুপ্না থৱায়-হকচাং য়াওবা থৌরম কয়া পাংথোক্লবা মতুংদা, হয়েং নুমিদাংৱাইরমগী পুং ৬.৩০ তাবা মতমদা নই দিল্লীগী তালকতোরা স্তেদিয়মদা গ্রেন্দ ফিনালে পাংথোক্লগা লোইশিল্লগনি।

বরে চলো অসি হৌরক্লিবা নহারোলশিংগী থমোয়দা মরৈবাক নুংশিবগী ৱাখল্লোন অদুবু অমুক্কসু হেন্না ফাউহন্নবা কলচর মন্ত্রালয়না হৌদোকপা নহারোলশিংগীদমক ওইবা থৌরম অমনি। ফিনালে অসিদা ইন্দিয়ন-আইদোলগী স্তার ও্রিবা পৱনদিপ রাজন অমসুং অরুনিতা কঞ্জিলালনা মখোয়গী পর্ফোর্মেন্স উৎকনি। ইনফোর্মেশন অমসুং ব্রোদকাস্তিং অমসুং য়ুথ অফিয়র্স অমসুং স্পোর্তসকী মন্ত্রী, শ্রী অনুরাগ থাকুরনা থৌরম অসিগী চীফ গেস্ত ওইরগনি অমসুং কলচর, তুরিজম, অমসুং দেবেলপমেন্ত ওফ নোর্থ ইস্ত রিজনগী মন্ত্রী, শ্রী জি. কিশন রেদ্দীনা থৌরম অসিগী গেস্ত ওফ ওনর ওইনা শরুক য়ারগনি।

প্রধান মন্ত্রীনা মীয়ামদা হায়খিবা অদুগী মতুংদগী লৈবাক শিনথুংনা “হর ঘর তিরঙ্গা”বু থৱায় য়ওনা মীয়াম্না শরুক য়াবা হেনগৎলিঙৈ শরক অসিদা, বরে চলোনা নোংপোকরোমদা ইতানগর, দিমাপুর, ইম্ফালদগী হৌনা নোংচুপতা ৱাগাহ বোর্দর, সুরত, দমন অমসুং অৱাং রোমদনা শ্রীনগর অমসুং জম্মু অমসুং খা রোমদনা চেন্নাই অমসুং বেঙ্গলোর অমসুং খ্বায়দগী অরাপ্পদা লৈবা দমন অমসুং পোর্ত ব্লেয়রগুম্বা মফমশিংদসু মীয়াম্না থৱায় য়াওনা শরুক য়ানরি ।

লৈবাক অসিগী নহারোলশিংনা মখোয়গা চুনবা অমসুং পামজবা মওংদা খুদম ওইনা ইশৈ অমসুং চগোইগী খুত্থাংদা বরে চলোগী ইহৌ অসিদা থৱায় য়াওনা অমসুং পুক্নিং থৌগৎনিংঙাই ওইবা মওংদা ইহৌ অসিবু ইনোৎ হাপ্লক্লি।। ৱাগাহ বোর্দরদা পাংথোকখিবা থৌরম য়েংবদা পুক্নিং হুনিংঙাই অমসুং কাওঙম্লোইদবা মশক অমা ওইখি। মফম অয়াম্বদা ফ্লাশ দান্সতা মীয়ামনা শরুক য়াদুনা থৌরমশিং অদু অমুক্কসু হেন্না য়েংবদা পেনবা অমা ওইহনখি। বরে চলোগী এন্থেম অসি মীপুম খুদিংমক, নহা অমসুং অহল অনিমক্না পাম্নখি। থৌরম অসিনা ঐখোয় পুম্নমকক্কী থমোয়দা ইরৈবাক নিংবগী ইথিল অমা ফাওহনগনি, মসিনা ঐখোয়গী লৈবাক অসিগীদমক্তা থমোয়দা ঈখৌ পোংনা চাউথোকচবা অমসুং কোক ৱাংনা থাংগত্তুনা অগস্তকী তাং ১৩দগী ১৫ ফাওবা তিরঙ্গাবু ইশা-ইশাগী য়ুমদা চিংখৎনবা পুক্নিং থৌগৎলি।

মফম - ইম্ফাল

মফম-ৱাগাহ বোর্দর

মফম - চেন্নাই

মফম – ইতানাগর

****