মসি ওল ইন্দিয়া রেদিওনি। পাউ অসিনা পারি। নিংতম্লবা মতুং হৌখিবা চহি ৭৫ হেন্না, ভারতকী খ্বাইদগী চাউবা পব্লিক সর্বিস ব্রোদকাস্তর অসি লৈবাক অসি শিনবা থুংনা প্রজা বিলিয়ন ১.৩গী পাউরৌগী ৱারী লিবা ওইদুনা লাক্লি।

ওল ইন্দিয়া রেদিওনা, “আজাদ ভারত কি বাত- আকাশ্বানি কে সাথ” হায়না মিংথোনবা তোপ-তোপ্পা অনৌবা থৌরাং অমগা লোইননা নিংতম্বগী চহি ৭৫ শুবা অসিগী নুংঙাইবা ফোংদোক্লগনি। ২০২২গী ওগস্ত ১৫দা হৌদুনা, সেকেন্দ ৯০গী সিরীজ অসি ১০০.১ এফ.এম. গোল্দ চেনেল, প্রাইম তাইম ন্যুজ বুলেতিনশিং অমসুং সোসিয়েল মীদিয়া য়াওনা মখোয়গী প্লেতফোর্ম খুদিংমক্তা ব্রোদকাস্ত তৌরগনি। মসিনা ওল ইন্দিয়া রেদিও- দ ভোইস ওফ নেশনগী ৱারী লিবা অদুগী খুত্থাংদা তোঙান-তোঙানবা মীওই কয়া অমগী পুনশিদা নিংতম্লবা মতুংদগী ভারতকী খোংচৎ অদু উৎকদৌরি।

এ.আই.আর.না লৈবাক অমা শেম্লকপদগী হৌরগা অনৌবা ভারত অমগী শক্তি লৈরবা অমা ওইনা ওইরকপগী পুৱারী ইদুনা লৈহৌরগদবা খোংচৎ অদুবু পাউদম্লগনি। মসিদা মিং ওইনা পল্লবদা মমিং লৈরবা লিজেন্দশিং খুদম ওইনা মহাত্মা গান্ধি, হোমি জাহাঙ্গি ভাভা, সর সি.ভি. রামন, দা. কুরিয়ন ৱার্ঘেসি, দা. এম.এস.এস. এ্বামিনাথন, পন্দিত ভিমসেন জোশি, মেলৱিন দে মেল্লো, জসদেব সিংগী খোঞ্জেলশিং য়াওগনি। নুমিৎ খুদিংগী অখন্নবা ৱারী অমা ব্রোদকাস্ত তৌরগনি অমসুং ইন্সতাগ্রাম, ত্বিতর, ফেসবুক অমসুং য়ুত্যুবতা এ.আি.আর. সোসিয়েল মীদিয়া হেন্দলশিংদা অপলোদ তৌরগনি। হায়রিবশিং অসি  ত্বিতরদা @AkashvaniAir অমসুং @airnewsalerts, newsonairofficial য়ুত্যুব চেনেল, newsonair. gov.in, NewsonAir এপ, ফেসবুক অমসুং ইন্সতাগ্রামদা তাবা ফংগনি।

১৯৩৬কী জুন ৮ হৌদোরকপদগী, ওল ইন্দিয়া রেদিওনা য়াম্না ঙল্লঙৈ মতমদগী, ১৯৪৭দা অহানবা নিংতম্বা য়াওনা বংগ্লাদেশকী লিবরেশনদগীনা ৱার্লদ কপ ক্রিকেত্তা ভারতনা পুৱারী শেমখিবা য়াওনা লৈবাক অসিগী পুৱারী অদুবু মিৎয়েং তাদুনা লাকখি। ওল ইন্দিয়া রেদিও অসিনা লৈবাক শিনবা থুংনা স্তেশন ৪৭৯দগী লোল ২৩ অমসুং দাইলেক ১৭৯দা ব্রোদকাস্তিং তৌদুনা  মালেম অসিগী খ্বাইদগী চাউবা ব্রোদকাস্তিং ওর্গনাইজেশনশিংগী মনুংদা অমা ওইরি। মসিনা লম অসিগী চাদা ৯২ ময়া নক্না অমসুং অপুনবা মীশিংগি চাদা ৯৯.১৯দা য়ৌহল্লি। মখোয়গী মোতো অসি ‘বউজন হিতায়া: বহুজন সুখায়া’নি, মসিগী ৱাহন্থোক্তি ‘মীয়ামগী নুংঙাইনবগীদমক্তা, মীয়ামগি য়াইফনবগীদমক্তা’ হায়বনি।

ঐখোয়না ঐখোয়বু তাবীরিবশিংদা লাক্লিবা ঐখোয়গী য়াম্না ফজরবা মিৎকুপশিং অদুবু নৌহৌননা নিংশিংনবগীদমক্তা শেম-শানবা অমসুং ঐখোয়গী সোসিয়েল মীদিয়া হেন্দলশিংদা এ.আই.আর.বু ফোলো তৌনবা হায়জরি।

***