সাইন্স অমসুং তেক্নোলোজী মন্ত্রালয়
ভারতনা স্তার্ত-অপ ইকোসিস্তেমদা অমসুং য়ুনিকোর্নশিংগী মশিংদা য়েংবদসু মালেমগী ওইনা ৩শুবদা লৈরি: দা. জিতেন্দ্র সিংহ
কেন্দ্রগী মন্ত্রী দা. জিতেন্দ্র সিংহনা হায়খি দিকেদ ২০২১-৩০ অসি ভারতকী সাইন্স, তেক্নোলোজী এন্দ ইনোভেসন (এস.তি.আই.)দা অচৌবা অহোংবশিং পুরক্কনি হায়না পানরি
দি.এস.তি. স্তার্তঅপ উৎসবকী মরু ওইবা ৱারোল পীরদুনা, দা. জিতেন্দ্র সিংহনা হায়খি, ভারতনা হৌখিবা চহি খরা অসিদা গ্রোস এক্সপেন্দিচর ওন আর এন্দ দি (জি.ই.আর.দি.)দা শরুক অহুম হেন্না হেনগৎলকখি
মন্ত্রীনা হায়খি স্তার্ত-অপশিংগী চাদা ৪৯দি তায়র-২ অমসুং তায়র-৩ সিতীশিংদগী আই.তি., এগ্রিকলচর, এভিএসন, এজুকেসন, ইনর্জী, হেল্থ অমসুং স্পেস সেক্তরশিংগুম্বা লমশিংদা থবক তৌরিবা ওইখি
Posted On:
12 AUG 2022 2:42PM by PIB Imphal
ভারতনা স্তার্ত-অপ ইকোসিস্তেম অমসুং য়ুনিকোর্নশিংগী মশিংদা মালেমগী ওইনা ৩শুবদা লৈরি। খ্বাইতগী নৌবা দেতাগী মতুং ইন্না হৌজিক য়ুনিকোর্ন ১০৫ লৈ, মসিগী মনুংদা ৪৪না ২০২১ অমসুং ১৯না ২০২২দা পুথোকখিবনি।
ৱাফম অসি ঙসি সাইন্স এন্দ তেক্নোলোজীগী কেন্দ্রগী রাজ্য মন্ত্রৌ (ইন্দিপেন্দেন্ত চার্জ); আর্থ সাইন্সেসকী কেন্দ্রগী রাজ্য মন্ত্রৌ (ইন্দিপেন্দেন্ত চার্জ); এম.ও.এস. পি.এম.ও., পর্সনেল, পব্লিক গ্রীভান্সেস, পেনসন্স, এতোমিক ইনর্জী এন্দ স্পেস, দা. জিতেন্দ্র সিংহনা নই দিল্লীগী দা. অম্বেদকর ইন্তর্নেস্নেল সেন্তরদা “দি.এস.তি. স্তার্তঅপ উৎসব”কী থৌরমদা মরু ওইবা ৱারোল পীবদা ফোঙদোকখিবনি।
মন্ত্রীনা হায়খি দিকেদ ২০২১-৩০ অসি ভারতকী সাইন্স, তেক্নোলোজী এন্দ ইনোভেসন (এস.তি.আই.)দা অচৌবা অহোংবশিং পুরক্কনি হায়না পানখি।
![https://static.pib.gov.in/WriteReadData/userfiles/image/image00120FK.jpg](https://static.pib.gov.in/WriteReadData/userfiles/image/image00120FK.jpg)
দা. জিতেন্দ্র সিংহনা হায়খি, প্রধান মন্ত্রী নরেন্দ্র মোদীগী মখাদা ভারতনা হৌখিবা চহি খরা অসিদা গ্রোস এক্সপেন্দিচর ওন আর এন্দ দি (জি.ই.আর.দি.)দা শরুক অহুম হেন্না হেনগৎলকখি। মহাক্না হায়খি, খ্বাইদগী নৌবা দেতাগী মতুং ইন্না ভারত্তা আর এন্দ দি পর্সনেল লাখ ৫ হেন্না লৈ, মশিং অসি হৌখিবা চহি ৮ অসিদা চাদা ৪০-৫০ হেনগৎলকপনি হায়না উৎখি।
হৌখিবা চহি ৮ অসিদা দা. জিতেন্দ্র সিংহনা হায়খি, এক্সত্রামুরেল আর এন্দ দিদা নুপীনা শরুক য়াবা অসিসু শরুক অনি হেনগৎলকখি অমসুং হৌজিক ভারতনা য়ু,এস.এ. অমসুং চিনাগী মথংদা সাইন্স এন্দ ইঞ্জিনীয়রিং (এস এন্দ ই)দা পীখিবা পিঐচ.দি. এৱার্দকী মশিংদা ৩শুবদা লৈরি। হোংলক্লিবা গ্লোবেল পাৱরশিং অমসুং তেক্নোলোজীনা মালেমগী থবক-থৌরমশিং অমসুং আইন শেম্বগী ইপিসেন্তর ওইরকপগা লোয়ননা ভারতনা মোদীগী মখাদা গ্লোবেল বেঞ্চমার্কশিং য়ৌবা ঙম্নবা হোৎনরি।
ইং কুমজা ২০১৫দা লাল কিলাগী লানবনদগী প্রধান মন্ত্রী মোদীনা স্তার্তঅপ ইন্দিয়া লোঞ্চ তৌখিবা অদু পল্লদুনা দা. জিতেন্দ্র সিংহনা হায়খি, ভারতনা নীংতম্বগী চহি ৭৫ শুরকপা মতম অসিদা হৌজিক স্তার্তঅপ ৭৫,০০০ রোমগী ময়ুম ওইররে। মন্ত্রীনা হায়খি, মোদীনা সাইন্স, তেক্নোলোজী অমসুং ইনোভেন্সন্দা অখন্নবা মীৎয়েং থম্বা অসিনা লৈবাক অসিদা লৈরিবা নহারোলশিংগী ৱাখল্দা ইনোভেৎ তৌনবা অমসুং অনৌবা আইদিয়াশিংগা লোয়ননা সমস্যাশিংগী ৱারোইশিন পুরক্নবা ইনোৎ হাপখি। মহাক্না মদুদি ভারতকী ঙসিগী স্তার্তঅপশিং অসি মেত্রো নত্ত্রগা অচৌবা সহরশিংদগী খক্তা ওইদ্রে অমসুং স্তার্ত-অপশিংগী চাদা ৪৯দি তায়র-২ অমসুং তায়র-৩ সিতীশিংদগী ওইখি হায়না মখা তাখি। মহাক্না হায়খি, আই.তি., এগ্রিকলচর, এভিএসন, এজুকেসন, ইনর্জী, হেল্থ অমসুং স্পেস সেক্তরশিংগুম্বা লমশিংদা স্তার্তঅপশিং থোরক্লি।
![https://static.pib.gov.in/WriteReadData/userfiles/image/image002N9NB.jpg](https://static.pib.gov.in/WriteReadData/userfiles/image/image002N9NB.jpg)
দা. জিতেন্দ্র সিংহনা তেক্নোলোজী বিজিনেস ইনক্যুবেতর (তি.বি.আই.)গী ফ্লেগশিপ প্রোগ্রাম অমসুং কাৱাচ ফন্দেদ স্তার্ত-অপ ৫১গী কোফী তেবল বুক অমা য়াওনা নিধিগী তোঙান-তোঙানবা কম্পোনেন্তশিংগী মখাদা মচিল তুমখৎলক্লিবা স্তার্ত-অপশিং য়াওবা পব্লিকেসন ৪সু ফোঙখি।
দা. জিতেন্দ্র সিংহনা হায়খি, ভারতনা সাইন্স অমসুং তেক্নোলোজীদা অকনবা মীৎয়েং চংবনা মালেমদা তেক্নোলোজী ত্রাঞ্জেক্সনশিংগীদমক খ্বাইদগী পাম্নরবা ইনভেস্তমেন্ত দেস্তিনেসনশিংগী মরক্তা ভারতনা অহুমশুবদা লৈরি। মহাক্না হায়খি, ভারত অসি সাইন্তিফিক রিসর্চকী লমদা মালেমগী খ্বাইদগী মকোক থোংবা লৈবাকশিংগী মনুংদা চন্দুনা স্পেস এক্সপ্লোরেসনগী লমদা মকোক থোংবা লৈবাক মঙাগী মনুংদা অমা ওইবা ঙমখি অমসুং ক্বান্তম তেক্নোলোজীশিং, আর্তিফিসিএল তেক্নোলোজীনচিংবা অনৌবা তেক্নোলোজীশিংদা এক্তিব ওইনা থবক পাইখৎলি।
দা. জিতেন্দ্র সিংহনা হায়খি, মদুদি সেন্তর ফোর ওগমেন্তিং ৱার ৱিথ কোবিদ-১৯ হেল্থ ক্রাইসিস (কাৱাচ) প্রোগ্রাম অসি কোবিদনা শোকহনবগা দি.এস.তি.না অতেনবা মতমগী মনুংদা শেমখি, মসি কোবিদকী প্রদক্তশিং অমসুং সোল্যুসনশিংদা থবক তৌরিবা স্তার্তঅপশিং মতেং পাংনবা ভারত সরকারগী বিআভগ অমনা পুথোকপা অহানবা প্রোগ্রাম ওইখি। মহাক্না হায়খি, অপুনবা ওইনা ইনোভেসন অমসুং ওন্তপ্রিনোরশিপকী দি.এস.তি.গী প্রোগ্রামগী কান্নবা অমসুং ফল অসি শীংথানীংঙাই ওইখি; নুপীনা লমজিংবা স্তার্তঅপ ১৬২৭না থবক ১,৩১,৬৪৮ পীবা য়াওনা ইনক্যুবেতর ১৬০ প্রমোৎ তৌখি, স্তার্তঅপ ১২,০০০ শেমগৎখি।
দা. জিতেন্দ্র সিংহনা হায়খি ভারতনা মাগী গ্লোবেল ইনোভেসন ইনদেক্স (জি.আই.আই.)গী রেঙ্কিংদা চাউনা কাখৎলকপা ঙমখি, মালেমগী ইকনোমী ১৩০গী মনুংদা ২০১৫দা ৮১শুবদা লৈরম্বদগী ২০২১দা ৪৬শুবদা লৈখি। ভারতনা লোৱর মিদল-ইনকম ইকনোমী ৩৪গী মনুংদা ২শুবা অমসুং জি.আই.আই.দা সেন্ত্রেল এন্দ সাউদর্ন এসিয়ন ইকনোমী ১০গী মনুংদা ১শুবদা লৈখি। জি.আই.আই. রেঙ্কিংদা লেপ্পা লৈতনা হেনগৎলকপা অসি অচৌবা নোলেদজ কেপিতেল, অচৌবা স্তার্ত-অপ ইকোসিস্তেম অমসুং পব্লিক অমদি প্রাইবেৎ রিসর্চ ওর্গনাইজেসনশিংনা তৌখিবা শীংথানীংঙাই ওইবা থবক খরনা মরম ওইরগা ঙমখিবনি, হায়না মন্ত্রীনা মখা তাখি।
দি.এস.তি.গী সেক্রেতরী দা. এস. চন্দ্রসেখরা হায়খি, ভারতনা হন্দক চহি ৭-৮ অসিদা এস.তি.আই.গী লমশিংদা অমুক্তা ওইখিদ্রিবা মওংদা খুমাং চাউশিনবা ঙমখি অমসুং পব্লিকেসনশিংগী মশিং (নেস্নেল সাইন্স ফাউন্দেসন দেতাবেস্তা য়ুম্ফম ওইরগা ২০১৩দা ৬শুবা ওইরম্বদগী হৌজিক মালেমগী ওইনা ৩শুবা ওইরি), পেতেন্তশিং (রেসিদেন্ত পেতেন্ত ফাইলিংদা মালেমগী ওইনা ৯শুবা) অমসুং রিসর্চ পব্লিকেসনশিংগী ক্বালিতী (২০১৩দা ১৩শুবদা লৈরম্বদগী হৌজিক মালেমগী ওইনা ৯শুবা) হায়রিবা অসিদা য়েংবদা লৈবাক অসিগী অপুনবা পর্ফোরমেন্স অসি হৌখিবা চহি ৭কী মনুংদা চাউনা হেনগৎলকখি। মহাক্না হায়খি মদুদি দি.এস.তি.গী নিধি প্রোগ্রামনা স্তার্ত-অপশিংগী মথৌ তাবা তেংবাং অপনবা লৈতনা প্রোসেস তৌখি, বিজিনেস ইনক্যুনেতরশিং অমসুং অতোপ্পা বিজিনেস সপ্পোর্ত প্রোভাইদরশিংগী এক্তিব সপ্পোর্ত শীজিন্নখি।
দি.এস.তি. স্তার্তঅপ এক্সপো (স্তার্তঅপশিংগী স্তোল ৫০গী শরুক ওইনা এন.এম.-আই.সি.পি.এস. তেক্নোলোজী ইনোভেসন হবস্তগী স্তার্তঅপ ৫) তোঙান-তোঙানবা সেক্তরশিংদগী লৈবাক শিনবা থুংবদগী নিধিগী মখাদা সপ্পোর্ত তৌখিবা ইম্পেক্তফুল ইনক্যুবেতেদ স্তার্তঅপ ৭৫ ফিজিকেল ওইনা ৫০ লোয়ননা দিজিতেল মোদতা ২৫ শোকাস তৌখি।
দা. জিতেন্দ্র সিংহনা শিল্লি-লাংলিবশিং, তীম দি.এস.তি., লৈবাক শিনবা থুংবদগী ইনোভেসনগী চেম্পিয়নশিং – স্তার্তঅপশিং, ইনক্যুবেতরশিং, ইনক্যুবেতর এসোসিএসন আই.এস.বি.এ.বু থাগৎপা ফোঙদোকখি অমসুং ঐখোয়গী অচৌবা লৈবাক অসিগী গ্রোথ স্তোরীদা শাহৌ পীনবা মখোয়না হৌজিক পাইখৎলিবা খোঙথাংশিং মাইপাক্নবা অমসুং দি.এস.তি. স্তার্তঅপ উৎসব অসিবু চাউনা মাইপাক্নবা হোৎনরিবা অসিগীদমক য়াইফ-মঙ্গোল পীখি।
<><><><><>
(Release ID: 1851428)
Visitor Counter : 124