ঙাকশেল মন্ত্রালয়
তেক্তিকেল লিদরশিপ প্রোগ্রাম
Posted On:
10 AUG 2022 5:12PM by PIB Imphal
জুলাই ২০২২দা, ইন্দিয়ন এয়র ফোর্স (আই.এ.এফ.)না থা অমা চুপ্না ইজিপ্সিয়ন এয়র ফোর্স (ই.এ.এফ.)কা লোইননা কাইরো ৱেস্ত এয়র ফোর্স বেজদা লৈবা ইজিপ্সিয়ন ফাইতর ৱিপন স্কুলদা এঙ্গেজমেন্ত পাঙথোকখ্রে। মসিনা এয়র ফোর্স অনিগী মরক্তা মরী লৈনবা ফাইতর ৱিপন স্কুলশিংগগী মরক্তা পাঙথোকপা ইন্তরেক্সন অহানবনি। আই.এ.এফ.কী মহুৎ শিন্দুনা তেক্তিক্স অমসুং এয়র কোম্বেৎ দিবেলপমেন্ত ইস্তাব্লিস্মেন্ত (তি.এ.সি.দি.ই.)না থৌরম অদুদা সুখোই-৩০ এম.কে.আই. এয়রক্রাফ অমসুং কোম্বেৎ ইন্সত্রক্তর পাইলৎ তরুক্কা লোইননা শরুক য়াখি।
ই.এ.এফ.কী তেক্তিকেল লিদরশিপ প্রোগ্রামগী মখাদা পাঙথোকখিবা এয়র ফোর্স অনিগী মরক্তা পাঙথোকখিবা ইন্তরেক্সন অসিদা লার্জ ফোর্স এঙ্গেজমেন্তকী ওইবা কমপ্লেক্স অমসুং মলতি এয়রক্রাফ মিসনশিংগী ৱাখল্লোনশিং লান্নখিবা মহৈ চাউবা থৌরম অমা ওইখি। ইন্তরেক্সনদুগী মনুংদা, আই.এ.এফ. পাইলৎশিংনা ই.এ.এফ.কা লোইননা পাইখি অমসুং মখোয়না এয়র কোম্বেৎকী আর্ত অমসুং সাইন্সকী মরমদা ৱারী শানখি, মসিগা লোইননা মখোয়গী খ্বাইদগী ফবা প্রেক্তিসশিং খন্নখি। ইন্দক্সন অমসুং দি-ইন্দক্সন হায়বসিদা আই.এ.এফ. অমসুং য়ু.এ.ই. এয়র তু এয়র রিফ্যুল্লরশিং শীজিন্নদুনা নোংথক্তা থাও হানবগা লোইননা পুং তরুক পাইবা চঙই।
মতীক মগুন লৈবা এয়র ওপরেসনশিং চঙবা থৌরম অসিনা এয়র ফোর্স অনিগী মরক্তা শেমগৎলক্লিবা অৱাংবা থাক্কী থাজবা অদু উৎলে। এয়র ফোর্স অনিগী মরক্তা লৈরিবা মরী অসি আই.এ.এফ. তেস্ত পাইলত জি.পি. কেপ্তেন কাপিল ভার্গবনা ১৯৬০গী মতমদা ইজিপ্সিয়ন প্রোতোতাইপ হেলৱান ঐচ.এ.-৩০০পু ই.এ.এফ.কী তেস্ত পাইলতশিংগা লোইননা চাংয়েং তৌবা ওইনা পাইখিবদুদগী লৈরক্লবনি। মসিগী মতুংদা ইন্দিয়ন ক্বালিফাইদ ফ্লাইং ইন্সত্রক্তরশিংনা নহা ওইরিবা ইজিপ্তকী পাইলতশিংবু ১৯৮০ ফাওবা লৈখিবা প্রোগ্রাম অমগী মখাদা তাকপী তম্বীখি।
***************
(Release ID: 1850594)
Visitor Counter : 130