ਕੇਂਦਰੀ ਇਸਪਾਤ ਅਤੇ ਸਿਵਲ ਏਵੀਏਸ਼ਨ ਮੰਤਰੀ ਸ਼੍ਰੀ ਜਯੋਤਿਰਾਵਿੱਤਿਆ ਸਿੰਧੀਆ ਨੇ ਕੱਲ੍ਹ ਏਕੀਕ੍ਰਿਤ ਇਸਪਾਤ ਪਲਾਂਟਾਂ ਅਤੇ ਸੈਕੰਡਰੀ ਇਸਪਾਤ ਉਦਯੋਗ ਦੇ ਲਈ ਗਠਿਤ ਕੀਤੀਆਂ ਦੋ ਸਲਾਹਕਾਰ ਕਮੇਟੀਆਂ ਦੀ ਬੈਠਕ ਦੀ ਪ੍ਰਧਾਨਗੀ ਕੀਤੀ। ਇਸਪਾਤ ਅਤੇ ਗ੍ਰਾਮੀਣ ਵਿਕਾਸ ਰਾਜ ਮੰਤਰੀ ਸ਼੍ਰੀ ਫੱਗਣ ਸਿੰਘ ਕੁਲਸਤੇ ਵੀ ਬੈਠਕ ਵਿੱਚ ਮੌਜੂਦ ਸੀ। ਇਸਪਾਤ ਉਦਯੋਗ, ਸੰਘ ਦੇ ਪ੍ਰਮੁੱਖ ਮੈਂਬਰ, ਐਸੋਸੀਏਸ਼ਨਾਂ, ਅਕੈਡਮੀਆਂ, ਸਰਕਾਰ ਦੇ ਸੀਨੀਅਰ ਅਧਿਕਾਰੀ ਇਨ੍ਹਾਂ ਕਮੇਟੀਆਂ ਦੇ ਮੈਂਬਰ ਹਨ।

ਕੱਲ੍ਹ ਮੁਕੰਮਲ ਹੋਈ ਇਸ ਪਹਿਲੀ ਬੈਠਕ ਵਿੱਚ ਇਹ ਫ਼ੈਸਲਾ ਲਿਆ ਗਿਆ ਕਿ ਇਹ ਕਮੇਟੀਆਂ ਇਸਪਾਤ ਖੇਤਰ ਨਾਲ ਸਬੰਧਿਤ ਮਹੱਤਵ ਦੇ ਮੁੱਦਿਆਂ ’ਤੇ ਵਿਚਾਰ ਚਰਚਾ ਕਰਨਗੀਆਂ।

ਕਮੇਟੀਆਂ ਦੇ ਮੈਂਬਰਾਂ ਨੂੰ ਸੰਬੋਧਿਤ ਕਰਦੇ ਹੋਏ ਸ਼੍ਰੀ ਜਯੋਤਿਰਾਵਿੱਤਿਆ ਐੱਮ ਸਿੰਧੀਆ ਨੇ ਇਸ ਗੱਲ ’ਤੇ ਜ਼ੋਰ ਦਿੱਤਾ ਕਿ ਸਰਕਾਰ ਦਾ ਮੰਤਰ ਫ਼ੈਸਲਾ ਪ੍ਰਕਿਰਿਆ ਨੂੰ ਸਹਿਭਾਗੀ ਬਣਾਉਣਾ ਹੈ। ਰਸਦ, ਕੋਲਾ ਅਤੇ ਖਾਨ, ਰਾਜ ਸਰਕਾਰਾਂ ਆਦਿ ਸਮੇਤ ਵਿਭਿੰਨ ਹੋਰ ਖੇਤਰਾਂ ਦੇ ਵਿੱਚ ਵਿਆਪਕ ਤੌਰ ’ਤੇ ਆਪਸੀ ਸਬੰਧ ਹੈ। ਸਲਾਹਕਾਰ ਕਮੇਟੀਆਂ ਦੇ ਗਠਨ ਦਾ ਉਦੇਸ਼ ਹਿੱਤਧਾਰਕਾਂ ਦੀ ਸਰਗਰਮ ਭਾਗੀਦਾਰੀ ਸੁਨਿਸ਼ਚਿਤ ਕਰਨਾ ਅਤੇ ਸਿੱਧੇ ਹਿੱਤਧਾਰਕਾਂ ਤੋਂ ਕਾਰਵਾਈ ਦੀ ਸੰਭਾਵਿਤ ਪ੍ਰਕਿਰਿਆ ਸੁਨਿਸ਼ਚਿਤ ਕਰਨਾ ਹੈ, ਜੋ ਇਸਪਾਤ ਖੇਤਰ ਦੀ ਸਫ਼ਲਤਾ ਸੁਨਿਸ਼ਚਿਤ ਕਰੇਗਾ।

ਦੋਵੇਂ ਸਲਾਹਕਾਰ ਕਮੇਟੀਆਂ ਦੁਆਰਾ ਪ੍ਰਾਥਮਿਕਤਾ ਦੇ ਆਧਾਰ ’ਤੇ ਨਿਪਟਾਏ ਜਾਣ ਵਾਲੇ ਮੁੱਦਿਆਂ ਨੂੰ ਸ਼ਾਮਲ ਕੀਤਾ ਗਿਆ।

ਸ਼੍ਰੀ ਜਯੋਤਿਰਾਵਿੱਤਿਆ ਐੱਮ ਸਿੰਧੀਆ ਨੇ ਉਦਯੋਗ ਜਗਤ ਨੂੰ ਸਲਾਹਕਾਰ ਕਮੇਟੀਆਂ ਵਿੱਚ ਸਰਗਰਮ ਰੂਪ ਨਾਲ ਹਿੱਸਾ ਲੈਣ ਦਾ ਸੱਦਾ ਦਿੱਤਾ ਅਤੇ ਕਿਹਾ ਕਿ ਕਾਲਕ੍ਰਮ ਇਸ ਖੇਤਰ ਦੇ ਆਮ ਮੁੱਦਿਆਂ ਨੂੰ ਹੱਲ ਕਰਨ ਦੇ ਲਈ ਉਦਯੋਗ ਦੀ ਇੱਛਾ ’ਤੇ ਨਿਰਭਰ ਕਰੇਗਾ।

ਸ਼੍ਰੀ ਸਿੰਧੀਆ ਦਾ ਧੰਨਵਾਦ ਕਰਦੇ ਹੋਏ ਕਮੇਟੀ ਦੇ ਮੈਂਬਰਾਂ ਨੇ ਕਮੇਟੀਆਂ ਦੇ ਗਠਨ ਦੇ ਵਿਚਾਰ ਦਾ ਸੁਆਗਤ ਕੀਤਾ ਅਤੇ ਇਸ ਖੇਤਰ ਦੇ ਮਜਬੂਤ ਵਿਕਾਸ ਅਤੇ ਰਾਸ਼ਟਰੀ ਇਸਪਾਤ ਨੀਤੀ 2017 ਵਿੱਚ ਨਿਰਧਾਰਤ ਲਕਸ਼ਾਂ ਨੂੰ ਹਾਸਲ ਕਰਨ ਦੇ ਲਈ ਸੰਪੂਰਣ ਸਹਿਯੋਗ ਦਾ ਭਰੋਸਾ ਦਿੱਤਾ।

***********

ਏਕੇਐੱਨ/ ਐੱਸਕੇ