اس تقریب سے خطاب کرتے ہوئے، جناب جیوترادتیہ ایم سندھیا نے کہا کہ "آج کی افتتاحی پرواز ہندوستان میں شہری ہوابازی کی تاریخ میں ایک نئی صبح ہے۔ یہ وزیر اعظم کی دور اندیشی اور بصیرت کے ہدف اور جوش کی وجہ سے ہے کہ ہم نے پہلی بار ہندوستان میں شہری ہوا بازی میں جمہوریت سازی کو دیکھا ہے۔ پہلے یہ ایک ایسی صنعت تھی جسے انتہائی اشرافیہ طبقے کے لئے سمجھا جاتا تھا، لیکن اب ان کے وژن کی وجہ سے ہم گزشتہ آٹھ سالوں میں رسائی، دستیابی، استطاعت اور شہری ہوابازی میں شمولیت کے حوالے سے ایسی تبدیلی دیکھ رہے ہیں جو ہم نے پہلے کبھی نہیں دیکھی تھی۔ اس نئے ماحول  میں اکاسا ایئر کا خیرمقدم کرنا چاہوں گا اور مجھے پورا یقین ہے کہ آنے والے دنوں میں اکاسا ایئر یقینی طور پر ایک بہت اہم مقام حاصل کرے گی۔

وزیر موصوف نے مزید کہا، "گزشتہ آٹھ سالوں میں ہندوستان کی شہری ہوابازی کی صنعت مکمل طور پر بدل گئی ہے۔ اڑان  اسکیم کے تحت، ہمارے پاس 425 راستے ہیں جن کک  1000 راستوں تک بڑھانے کا ہدف ہے، وہیں اب 68 ہوائی اڈے ہیں جنہیں سو نئے ہوائی اڈے  بنانے کا ہدف ہے۔ اگلے 4 سالوں میں ہم ہندوستان میں شہری ہوابازی کے ذریعے 40 کروڑ مسافروں کی تعداد تک پہنچنے کی توقع کر رہے ہیں۔ وہ دن دور نہیں جب ریل ٹرانسپورٹ اور روڈ ٹرانسپورٹ کے ساتھ ساتھ شہری ہوابازی ہندوستان میں نقل و حمل کا مرکز بن جائے گی۔

شہری ہوا بازی کے وزیر مملکت (جنرل) ڈاکٹر وی کے سنگھ (ریٹائرڈ) نے بھی آکاسا ایئر کو مبارکباد دی۔ مہاراشٹر کے نائب وزیر اعلیٰ دیویندر فڑنویس کا ویڈیو پیغام بھی عملی طور پر شیئر کیا گیا۔

ایس این وی ایوی ایشن برانڈ نام کے ساتھ آکاسا ایئر کے ساتویں شیڈول ایئر لائن ہے جس کا کارپوریٹ ہیڈ کوارٹر ممبئی میں ہے اور اس کے پاس بوئنگ میکس - 8 ہوائی جہاز  ہے۔ آکاسا ایئر ایک کم لاگت والا کیریئر بننے کا ارادہ رکھتی ہے جس میں سنگل فلیٹ اور تمام اکانومی سیٹیں ہیں۔ آکاسا ایئر اگلے پانچ سالوں میں اپنی سرگرمیوں کو 72 ہوائی جہازوں تک بڑھانے کا منصوبہ بنا رہی ہے جس سے ہندوستان میں گھریلو ہوا بازی کی خدمات میں نمایاں اضافہ ہوگا۔