గత ఏడాది ధోరణిని కొనసాగిస్తూ, ప్రస్తుత ఆర్థిక సంవత్సరం 2022-23 మొదటి మూడు నెలల (ఏప్రిల్-జూన్) లో వ్యవసాయ, ప్రాసెస్ చేసిన ఆహార ఉత్పత్తుల ఎగుమతులు 2021-22 ఆర్థిక సంవత్సరం ఇదే కాలంతో పోలిస్తే 31 శాతం పెరిగాయి.

డైరెక్టరేట్ జనరల్ ఆఫ్ కమర్షియల్ ఇంటెలిజెన్స్ అండ్ స్టాటిస్టిక్స్ (డిజిసిఐ అండ్ ఎస్) విడుదల చేసిన తాత్కాలిక డేటా ప్రకారం, ఎపిఇడిఎ ఉత్పత్తుల మొత్తం ఎగుమతి 2022 ఏప్రిల్-జూన్ లో  7408 మిలియన్ డాలర్లకు పెరిగింది. 2022-23 ఏప్రిల్-జూన్ లో ఎగుమతి లక్ష్యాన్ని 5890 మిలియన్ డాలర్లుగా నిర్ణయించారు.

వాణిజ్య ,పరిశ్రమల మంత్రిత్వ శాఖ కింద పనిచేసే వ్యవసాయ ,ప్రాసెస్డ్ ఫుడ్ ప్రొడక్ట్స్ ఎక్స్ పోర్ట్ డెవలప్మెంట్ అథారిటీ (ఎపిఇడిఎ) చేపట్టిన చొరవలు ప్రస్తుత ఆర్థిక సంవత్సరం మొదటి త్రైమాసికంలో మొత్తం ఎగుమతి లక్ష్యంలో  తొలి మూడు నెలలలో 31 శాతం సాధించడంలో దేశానికి సహాయపడ్డాయి.

2022-23 సంవత్సరానికి, వ్యవసాయ ,ప్రాసెస్ చేసిన ఆహార ఉత్పత్తుల కు అపెడా 23.56 బిలియన్ డాలర్ల ఎగుమతి లక్ష్యాన్ని నిర్ణయించింది. .

డిజిసిఐ అండ్ ఎస్ తాత్కాలిక డేటా ప్రకారం, తాజా పండ్లు ,కూరగాయలు నాలుగు శాతం వృద్ధిని నమోదు చేశాయి, ప్రాసెస్ చేసిన పండ్లు ,కూరగాయలు గత సంవత్సరం ఇదే నెలలతో పోలిస్తే 59.71 శాతం (ఏప్రిల్-జూన్ 2022) గణనీయమైన వృద్ధిని నమోదు చేశాయి.

అలాగే, తృణధాన్యాలు , ఇతర ప్రాసెస్ చేసిన వస్తువులు వంటి ప్రాసెస్ చేసిన ఆహార ఉత్పత్తులు గత సంవత్సరం మొదటి త్రైమాసికంతో పోలిస్తే 37.66 శాతం వృద్ధిని నమోదు చేశాయి.

2021 ఏప్రిల్-జూన్ లో  తాజా పండ్లు, కూరగాయలు 394 మిలియన్ డాలర్లు ఎగుమతి చేయబడ్డాయి, ఇది ప్రస్తుత ఆర్థిక సంవత్సరం ఇదే నెలల్లో 409 మిలియన్ డాలర్లకు పెరిగింది. ప్రాసెస్ చేసిన ఎఫ్ అండ్ వి ఎగుమతులు ప్రస్తుత ఆర్థిక సంవత్సరం ఏప్రిల్-జూన్ లో 490 మిలియన్ డాలర్లకు పెరిగాయి, ఇవి గత సంవత్సరం ఇదే నెలలో 307 మిలియన్ డాలర్లుగా ఉన్నాయి.

బాస్మతి బియ్యం ఎగుమతులు 2022-23 ఆర్థిక సంవత్సరం మొదటి మూడు నెలల్లో 25.54 శాతం వృద్ధిని నమోదు చేశాయి, దాని ఎగుమతులు 922 మిలియన్ డాలర్లు (ఏప్రిల్-జూన్ 2021) నుండి 1157 మిలియన్ డాలర్లకు (ఏప్రిల్-జూన్ 2022) పెరిగాయి, బాస్మతియేతర బియ్యం ఎగుమతులు ప్రస్తుత ఆర్థిక సంవత్సరం మొదటి మూడు నెలల్లో 1566 మిలియన్ డాలర్లకు పెరిగి ప్రస్తుత ఆర్థిక సంవత్సరం క్యూ 1 లో 5 శాతం వృద్ధిని నమోదు చేశాయి.

మాంసం, పాడి ,పౌల్ట్రీ ఉత్పత్తుల ఎగుమతి 9.5 శాతం పెరిగింది. ఇతర తృణధాన్యాల ఎగుమతి ప్రస్తుత ఆర్థిక సంవత్సరం క్యూ 1 లో 29 శాతం వృద్ధిని నమోదు చేసింది. కేవలం పాల ఉత్పత్తులే  ఎగుమతుల లో  67.15 శాతం వృద్ధిని నమోదు చేశాయి, వాటి ఎగుమతి గత ఏడాది తొలి త్రైమాసికంలో 114 మిలియన్ డాలర్ల నుంచి ప్రస్తుత ఆర్థిక సంవత్సరం మొదటి మూడు నెలల్లో 191 మిలియన్ డాలర్లకు పెరిగింది.

ఇతర తృణధాన్యాల ఎగుమతులు 2021 ఏప్రిల్-జూన్ లో  237 మిలియన్ డాలర్ల నుండి 2022-23  ఏప్రిల్-జూన్ లో  306 మిలియన్ డాలర్లకు పెరిగాయి పశువుల ఉత్పత్తుల ఎగుమతి 2021 ఏప్రిల్-జూన్ లో  1022 మిలియన్ డాలర్ల నుండి 2022 ఏప్రిల్-జూన్ లో 1120 మిలియన్ డాలర్లకు పెరిగింది.

"దేశం నుండి ప్రత్యేక ఉత్పత్తుల ఎగుమతులను పెంచడానికి వ్యవసాయ వస్తువుల విలువ గొలుసులలోని వివిధ వాటాదారులకు సాంకేతిక ,ఆర్థిక సహాయ సహకారాలను అందించడం కొనసాగిస్తున్నాము" అని అపెడా చైర్మన్ డాక్టర్ ఎం. అంగముత్తు చెప్పారు.

డిజిసిఐ అండ్ ఎస్ డేటా ప్రకారం 2021-22లో దేశ వ్యవసాయ ఉత్పత్తుల ఎగుమతులు 19.92 శాతం పెరిగి 50.21 బిలియన్ డాలర్లకు చేరుకున్నాయి. 2020-21లో సాధించిన 41.87 బిలియన్ డాలర్లతో వృద్ధి రేటు 17.66 శాతం పైగా ఉంది. అధిక సరుకు రవాణా రేట్లు ,కంటైనర్ కొరత వంటి రూపాల్లో అపూర్వమైన లాజిస్టిక్ సవాళ్లు ఉన్నప్పటికీ ఇది సాధ్యం కావడం విశేషం.

2021-22లో వ్యవసాయ, ప్రాసెస్ చేసిన ఆహార ఉత్పత్తులను 25.6 బిలియన్ డాలర్లకు ఎగుమతి చేయడం ద్వారా అపెడా కొత్త చరిత్రను లిఖించింది. ఇది భారతదేశ మొత్తం వ్యవసాయ ఎగుమతుల్లో 50 పైగా బిలియన్ డాలర్లతో  51 శాతం ఉంది.

"వ్యవసాయ ఎగుమతుల విలువ గొలుసులలో కీలక వాటాదారుల సహకారంతో అవసరమైన పర్యావరణ-వ్యవస్థ ఎగుమతులను సృష్టించడం ద్వారా, ప్రస్తుత ఆర్థిక సంవత్సరంలో కూడా భారతదేశ వ్యవసాయ, ప్రాసెస్ చేసిన ఆహార ఎగుమతులలో వృద్ధిని కొనసాగించాలని మేము లక్ష్యంగా పెట్టుకున్నాము" అని అంగముత్తు చెప్పారు.

వ్యవసాయ ,ప్రాసెస్ చేసిన ఆహార ఉత్పత్తుల ఎగుమతులలో పెరుగుదల- వివిధ దేశాలలో బి 2 బి ఎగ్జిబిషన్లను నిర్వహించడం, భారతీయ రాయబార కార్యాలయాల క్రియాశీల భాగస్వామ్యంతో ఉత్పత్తి-నిర్దిష్ట సాధారణ మార్కెటింగ్ ప్రచారాల ద్వారా కొత్త సంభావ్య మార్కెట్లను అన్వేషించడం వంటి అపెడా చేపట్టిన వివిధ చొరవల ఫలితమే.

యునైటెడ్ అరబ్ ఎమిరేట్స్ తో వ్యవసాయ, ఆహార ఉత్పత్తులపై , హస్తకళలతో సహా జిఐ ఉత్పత్తులపై. అమెరికా తో వర్చువల్ బయ్యర్ సెల్లర్ మీట్ లను నిర్వహించడం ద్వారా,  భారతదేశంలో రిజిస్టర్డ్ జియోగ్రాఫికల్ ఇండికేషన్స్ (జిఐ) ఉన్న ఉత్పత్తులను ప్రోత్సహించడానికి కూడా అపెడా

అనేక చొరవలు తీసుకుంది,

జూన్ 7 నుంచి 9, 2022 వరకు జరిగిన లండన్ వైన్ ఫెయిర్లో 10 మంది వైన్ ఎగుమతిదారులు పాల్గొనేందుకు ఏపీఈడీఏ అవకాశం కల్పించింది.

ఈశాన్య రాష్ట్రాల నుంచి సహజ, సేంద్రియ, జిఐ-వ్యవసాయ ఉత్పత్తుల ఎగుమతి సామర్థ్యాన్ని పెంపొందించడంపై అపెడా ఇటీవల అస్సాంలోని గౌహతిలో ఒక సమావేశాన్ని నిర్వహించింది. అస్సాం పొరుగు రాష్ట్రాలలో పండించే సహజ, సేంద్రియ, జిఐ వ్యవసాయ ఉత్పత్తుల ఎగుమతిని ప్రోత్సహించడం ద్వారా అంతర్జాతీయ మార్కెట్ లింకేజీలను సృష్టించడం ఈ సదస్సు లక్ష్యం.

కేంద్ర పాలిత ప్రాంతమైన లడఖ్ సహకారంతో, అపెడా ఇటీవల అంతర్జాతీయ కొనుగోలుదారు విక్రేతల సమావేశాన్ని నిర్వహించింది, ఇది లద్దాఖ్ నుండి ఆప్రికాట్లు, ఇతర వ్యవసాయ ఉత్పత్తుల ఎగుమతులను పెంచడానికి లక్ష్యంగా పెట్టుకుంది. లద్దాఖ్ ,జమ్మూ కాశ్మీర్ కేంద్రపాలిత ప్రాంతాలకు చెందిన పద్దెనిమిది మంది పారిశ్రామిక వేత్తలు ఇందులో ఆప్రికాట్లు ,ఇతర వ్యవసాయ ఉత్పత్తులను  శ్ప్రదర్శించారు. భారత్, అమెరికా, బంగ్లాదేశ్, ఒమన్, దుబాయ్ నుంచి 20 మంది కొనుగోలుదారులు ఈ కార్యక్రమంలో పాల్గొన్నారు.

అపెడా జూన్ 13 న బహ్రయిన్ లో ఎనిమిది రోజుల మ్యాంగో ఫెస్టివల్ ను ప్రారంభించింది. పశ్చిమ బెంగాల్, బీహార్, జార్ఖండ్, ఒడిశా సహా తూర్పు రాష్ట్రాలకు చెందిన 34 రకాల మామిడి పండ్లను బహ్రెయిన్ లోని  అల్ జజీరా గ్రూప్ సూపర్ మార్కెట్ లో  ప్రదర్శించారు.

‘‘మ్యాంగో ఫెస్టివల్ 2022' కింద భారతీయ మామిడి పండ్లకు అంతర్జాతీయ మార్కెట్లను అన్వేషించడానికి అపెడా తీసుకున్న కొత్త చొరవలో భాగంగా బహ్రెయిన్ లో మామిడి ప్రదర్శన నిర్వహించారు. భారతీయ మామిడి పండ్లకు ఒక ప్రపంచ వేదికను అందించడానికి అపెడా నిబద్ధత కు ఇది నిదర్శనం. తూర్పు రాష్ట్రాల నుండి 34 రకాల మామిడి పండ్ల ను  బహ్రయిన్ లో

ప్రదర్శించారు. ఇంతకు ముందు దక్షిణాది రాష్ట్రాల నుంచి అల్ఫోన్సో, కేసర్, బంగన్ పల్లి మొదలైన రకాల మామిడి పండ్లను ఎక్కువ గా అంతర్జాతీయ వేదికలపై ప్రదర్శించేవారు. .

ఎగుమతి చేయాల్సిన ఉత్పత్తుల నాణ్యతను ధృవీకరించడానికి, అపెడా భారతదేశం అంతటా 220 ప్రయోగశాలలను గుర్తించింది, విస్తృత శ్రేణి ఉత్పత్తులు ఎగుమతిదారులకు ఇవి టెస్టింగ్ సేవలను అందిస్తాయి.

భారతదేశ ఎగుమతి తులనాత్మక ప్రకటన: అపెడా ఉత్పత్తులు

                 (యు ఎస్ డి మిలియన్)

మూలం: డిజిసిఐఎస్ ప్రిన్సిపల్ కమోడిటీస్ డేటా ఏప్రిల్-జూన్, 2022) (ప్రొవిజనల్ డేటా)

భారతదేశ ఎగుమతి తులనాత్మక ప్రకటన: అపెడా ఉత్పత్తులు

మూలం: డిజిసిఐఎస్ ప్రిన్సిపల్ కమోడిటీస్ డేటా ఏప్రిల్-జూన్, 2022) (ప్రొవిజనల్ డేటా)

***