নই দিল্লী: মমাং চহিগী মওং-মতৌ অদু মখা চত্থরকপা ওইনা লৌউ-শিংউগী অমদি প্রোসেস তৌবা চানবা পোৎলমশিং এক্সপোর্ত তৌবা অসি শেনবা চহি ২০২১-২২গী চপ মান্নবা মতমগা চাংদম্নবদা চৎলিবা শেনবা চহি ২০২২-২৩(এপ্রিল-জুন)গী অহানবা থা অহুমগী মনুংদা চাদা ৩১ হেনগৎলকখি।

দিরেক্তোরেৎ জেনরেল ওফ কম্মর্সিএল ইন্তেলিজেন্স এন্দ স্তেতিস্তিক্স (দি.জি.সি.আই.এন্দ এস.)না থাদোরকপা প্রোবিজনেল দেতাগী মতুং ইন্না এ.পি.ই.দি.এ.গী পোৎলমশিংগী অপুনবা এক্সপোর্ত অসি মমাংগী ফিস্কলগী চপ মান্নবা মতমদা য়ু.এস.দি. মিলিয়ন ৫৬৬৩ ওইরম্বদগী এপ্রিল-জুন ২০২২দা য়ু.এস.দি. মিলিয়ন ৭৪০৮দা হেনগৎলকখি। এপ্রিল-জুন ২০২২-২৩গী এক্সপোর্ত তার্গেৎ অসি য়ু.এস.দি. মিলিয়ন ৫৮৯০দা লেপখি।

কম্মর্স অমসুং ইন্দস্ত্রী মন্ত্রালয়গী মখাদা মথৌ তৌরিবা এগ্রিকলচরেল এন্দ প্রোসেস ফুদ প্রদক্স এক্সপোর্ত দিবেলপমেন্ত ওথোরিতী (এ.পি.ই.দি.এ.)না পাইখৎখিবা থৌশিলশিংনা লৈবাক অসিনা চৎলিবা ফিস্কল অসিগী অহানবা ক্বাতরদা অপুনবা এক্সপোর্ত তার্গেৎকী চাদা ৩১ ফংবা ঙম্বদা লৈবাক অসিগী মতেং পাংখি।

২০২২-২৩গী চহি অসিদা লৌউ-শিংউ অমসুং প্রোসেস তৌবা চানবা পোৎলমশিংগী বাস্কেৎকী ওইনা এক্সপোর্ত তার্গেৎ অসি য়ু.এস.দি. মিলিয়ন ২৩.৫৬তা লেপখি।

দি.জি.সি.আই. এন্দ এস.কী প্রোবিজনেল দেতাগী মতুং ইন্না অতেকপা উহৈ-ৱাহৈ অমসুং মনা-মশিংনা চাদা মরিগী শাহৌ লৈখি হায়না রেজিস্তর তৌখি, অমরোমদনা প্রোসেস তৌবা উহৈ-ৱাহৈ অমসুং মনা-মশিংনা মমাং চহিগী চপ মান্নবা মতমগা চাংদম্নবদা চাদা ৫৯.৭১ (এপ্রিল-জুন ২০২২)গী চাউনা শাহৌ লৈখি হায়না রেকোর্দ তৌখি।

সিরিএল অমসুং মিসেলেনস প্রোসেস আইতেমশিংগুম্বা প্রোসেস তৌবা চানবা পোৎলমশিং অসিদসু মমাং চহিগী অহানবা ক্বাতরগা চাংদম্নবদা চাদা ৩৭.৬৬কী শাহৌ লৈখি হায়না রিপোর্ত তৌরকখি।

এপ্রিল-জুন, ২০২১দা য়ু.এস.দি. মিলিয়ন ৩৯৪গী অতেকপা উহৈ-ৱাহৈ অমসুং মনা-মশিং এক্সপোর্ত তৌখি হায়রিবা অসি চৎলিবা ফিস্কলগী মান্নবা থাদা য়ু.এস.দি. মিলিয়ন ৪০৯দা হেনগৎলকখি। প্রোসেস তৌবা উহৈ-ৱাহৈ অমসুং মনা-মশিং এক্সপোর্ত তৌবা অসি মমাং চহিগী চপ মান্নবা থাগা চাংদম্নবদা চৎলিবা ফিস্কলগী ক্যু১দা য়ু.এস.দি. মিলিয়ন ৪৯০দা হেনগৎলকখি।

বাস্মতী চেং এক্সপোর্ত তৌবা অসি এফ.ৱাই. ২০২২-২৩গী অহানবা থা অহুমদা চাদা ২৫.৫৪গী শাহৌ লৈবা উবা ফংখি অমদি মসি এক্সপোর্ত তৌবা অসি য়ু.এস.দি. মিলিয়ন ৯২২ (এপ্রিল-জুন ২০২১)দগী য়ু.এস.দি. মিলিয়ন ১১৫৭ (এপ্রিল-জুন, ২০২২)দা হেনগৎলকখি, অমরোমদনা বাস্মতী নত্তবা চেং এক্সপোর্ত অসি চৎলিবা ফিস্কলগী ক্যু১দা চাদা ৫গী শাহৌ লৈ হায়না রেজিস্তর তৌখি। বাস্মতী নত্তবা চেং এক্সপোর্ত তৌবা অসি মমাং চহিগী থাদা য়ু.এস.দি. মিলিয়ন১৪৯১ ওইরম্বদগী চৎলিবা ফিস্কলগী অহানবা থা অহুমদা য়ু.এস.দি. মিলিয়ন ১৫৬৬তা হেনগৎলকখি।

শা-ঙা, শঙ্গোমগী পোৎলম অমসুং য়েন-ঙনুগী পোৎলমশিং এক্সপোর্ত তৌবদা চাদা ৯.৫ হেনগৎলকখি অমসুং অতোপ্পা সিরিএলশিংগী এক্সপোর্ত অসি চৎলিবা ফিস্কলগী ক্যু১দা চাদা ২৯গী শাহৌ লৈ হায়না রেকোর্দ তৌখি। শঙ্গোমগী পোৎলম খক্তদা চাদা ৬৭.১৫গী শাহৌ লৈখি মরমদি মমাং চহিগী মান্নবা থাদা মসিগী এক্সপোর্ত অসি য়ু.এস.দি. মিলিয়ন ১১৪ ওইরম্বদগী চৎলিবা ফিস্কলগী অহানবা থা অহুমদা য়ু.এস.দি. মিলিয়ন ১৯১দা হেনগৎলকখি।

অতোপ্পা সিরিএলশিং এক্সপোর্ত তৌবা অসি এপ্রিল-জুন ২০২১দা য়ু.এস.দি. মিলিয়ন ২৩৭ ওইরম্বদগী এপ্রিল-জুন ২০২২দা য়ু.এস.দি. মিলিয়ন ৩০৬তা হেনগৎলকখি অমসুং লাইবস্তোক্কী পোৎলম এক্সপোর্ত তৌবা অসি এপ্রিল-জুন ২০২১দা য়ু.এস.দি. মিলিয়ন ১০২২ ওইরম্বদগী এপ্রিল-জুন ২০২২দা য়ু.এস.দি. মিলিয়ন ১১২০দা হেনগৎলকখি।

এ.পি.ই.দি.এ.গী চিয়রমেন দা. এম. অঙ্গামুতুনা হায়খি, “ঐখোয়না লৈবাক্কী অখন্নবা পোৎলমশিং এক্সপোর্ত তৌবা থৌগৎনবগীদমক এগ্রিকলচরেল গুদস ভেল্যু চেনশিংদা তোঙান-তোঙানবা স্তেকহোল্দরশিংদা তেক্নিকেল অমসুং ফাইনান্সিএল এসিস্তেন্স মখা তানা পীখি”।

দি.জি.সি.আই. এন্দ এস.কী দেতা মতুং ইন্না লৈবাক অসিগী লৌউ-শিংউগী পোৎলম এক্সপোর্ত তৌবা অসি ২০২১-২২দা চাদা ১৯.৯২গী শাহৌ লৈদুনা য়ু.এস.দি. বিলিয়ন ৫০.২১ য়ৌখি। গ্রোথ রেৎ অসি ময়েক শেংনা উবা ফংখি মরমদা ২০২০-২১দা য়ৌখিবা য়ু.এস.দি. বিলিয়ন ৪১.৮৭ ওইদুনা চাদা ১৭.৬৬কী শাহৌ লৈখিবা অদুদগী হেনখি অমসুং মসি ফ্রেত রেৎ ৱাংখৎলকপা অমসুং কন্তেনরগী অৱাৎপশিংগী মওংদা অমুক্তা ওইখিদ্রিবা মওংদা লোজিস্তিক্কী ওইবা শীংনবশিং মায়োক্নরবসু ফংবা ঙমখি।

এ.পি.ই.দি.এ.না ২০২১-২২দা য়ু.এস.দি. বিলিয়ন ২৫.৬ য়ৌদুনা লৌউ-শিংউ অমসুং প্রোসেস তৌবা চানবা পোৎলমশিং এক্সপোর্ত তৌবদা অনৌবা পুৱারী অমা শেম্বা ঙমখি, মসি ভারতকী অপুনবা লৌউ-শিংউগী পোৎলমশিং এক্সপোর্ত তৌবা অদুগী চাদা ৫১ রোম ওইদুনা য়ু,এস.দি. বিলিয়ন ৫০ হেনখি।

অঙ্গামুতুনা হায়খি, “এগ্রী-এক্সপোর্তস ভেল্যু চেনশিংদা মরু ওইবা স্তেকহোল্দরশিংগা লোয়ননা চুংশিন্নদুনা এক্সপোর্তকী মথৌ তাবা ইকো-সিস্তেম শেম্বগী খুত্থাংদা ঐখোয়না চৎলিবা ফিস্কল অসিদসু ভারতকী লৌউ-শিংউ অমসুং প্রোসেস তৌবা চানবা পোৎলম এক্সপোর্ত তৌবদা গ্রোথ অদুমক লৈহন্নবা পান্দম থম্মি”।

লৌউ-শিংউ অমসুং প্রোসেস তৌবা চানবা পোৎলম এক্সপোর্ত তৌবদা হেনগৎলক্লিবা অসি এ.পি.ও.দি.এ.না লৌউ-শিংউ অমসুং প্রোসেস তৌবা চানবা পোৎলম এক্সপোর্ত তৌবা থৌগৎনবা ইন্দিয়ন এম্বেসীগা থবক তৌমিন্নদুনা অতোপ্পা লৈবাকশিংদা বি২বি একজিবিসনশিং পাঙথোকপা, প্রদক্ত স্পেসিফিক অমসুং জেনরেল মার্কেতিং কেম্পেনশিংগী খুত্থাংদা অনৌবা পোতেন্সিএল মার্কেৎশিং খঙদোকপা অসিগুম্বা তোঙান-তোঙানবা থৌশিল পাইখৎপগী মহৈনি।

এ.পি.ই.দি.এ.না য়ুনাইরেস অরাব ইমরেৎকা লোয়ননা লৌউ-শিংউ অমসুং প্রোসেস তৌবা চানবা পোৎলমশিংগী মতাংদা, য়ু,এস.এ.গা লোয়ননা হেন্দিক্রাফশিং য়াওনা জি.আই. প্রদক্তশিং ভর্চুএল বায়র সেল্লর মীতশিং পাঙথোক্তুনা ভারত্তা লৈরিবা রেজিস্তর তৌরবা জিওগ্রাফিকেল ইন্দিকেসন (জি.আই.)গী পোৎলমশিং চাউখৎহন্নবা থৌশিল কয়ামরুমসু পাইখৎলি।

ভারতকী য়ু এক্সপোর্ত তৌবা থৌগৎনবা খোঙথাং অমদা এ.পি.ই.দি.এ.না জুন ৭-৯, ২০২২দা লন্দন ৱায়ন ফিয়রদা ৱায়ন এক্সপোর্তর ১০ শরুক য়াহনখি।

এ.পি.ই.দি.এ.না হন্দক্ত অসামগী গুৱাহাতিদা অৱাং নোংপোক থংবা রাজ্যশিংদগী নেচরেল, ওর্গানিক অমসুং জি.আই.-এগ্রো প্রদক্তশিং এক্সপোর্ত তৌবগী মতিক-ময়াই হেনগৎহন্নবা কনফরেন্স অমা শিনখি। কনফরেন্স অসিগী পান্দমদি অসাম অমসুং য়ুমলোন্নরিবা রাজ্যশিংদগী পুথোকপা নেচরেল, ওর্গানিক অমসুং জি.আই.-এগ্রো প্রদক্তশিং অসি ইন্তর্নেস্নেল মার্কেৎ লিঙ্কেস তৌদুনা মসি এক্সপোর্ত তৌবদা থৌগৎপা হায়বা অসিনি।

য়ুনিয়ন তেরিতোরী ওইরিবা লদাখকা খুৎশম্নদুনা এ.পি.ই.দি.এ.না লদাখতগী চুমব্রৈ অমসুং অতোপ্পা এগ্রি-প্রদক্তশিং এক্সপোর্ত তৌবা থৌগৎনবা পান্দম থম্মিবা ইন্তর্নেস্নেল বায়র সেল্লর মীত অমা পাঙথোকখি। লদাখ অমসুং জম্মু অমদি কাশ্মির য়ুনিয়ন তেরিতোরীশিং অসিদগী ওন্তপ্রিনোর ১৮না চুমব্রৈ অমসুং অতোপ্পা এগ্রি-প্রদক্তশিংগী মখল অদু উৎখি। থৌরম অসিদা ভারত, য়ু.এস.এ. বাংলাদেশ, ওমান, দুবাইদগী বায়র কুন্না শরুক য়াখি।

এ.পি.ই.দি.এ.না জুন ১৩দা কিংদম ওফ বহরীন্দা নুমিৎ নিপান্নিগী মেঙ্গো ফেস্তিবেল হৌদোকখি। শো অদুদা নোংচুপ বেঙ্গল, বিহার, ঝারখন্দ অমসুং ওরিশা য়াওনা অৱাং নোংপোক্কী রাজ্যশিংদগী হৈনৌ মখল ৩৪ বহরীনগী অল জাজিরা গ্রুপ সুপরমার্কেত্তা উৎখি।

বহরীনদা উৎখিবা মেঙ্গো শো অসি এ.পি.ই.দি.এ.গী ‘মেঙ্গো ফেস্তিবেল ২০২২’গী মখাদা ভারতকী হৈনৌশিংগীদমক মালেমগী কৈথেল থীনবা অনৌবা থৌশিলগী শরুক অমনি। মসি এ.পি.ই.দি.এ.না ভারতকী হৈনৌগীদমক গ্লোবেল প্লেৎফোর্ম অমা পীনবা লৌখিবা ফিরেপকী মহৈনি, বহরীনদা নোংপোক থংবা রাজ্যশিংদগী হৈনৌ মখল ৩৪ উৎখি। মমাংদা অলফোন্সো, কেসর, বাঙ্গানপল্লি অসিগুম্বা খা থংবা লৈবাকশিংদগী হৈনৌ মখলশিংসু গ্লোবেল শো কয়দা উৎখ্রে।

প্রদক্তশিংগী ক্বালিতী সর্তিফিকেসন তৌবদা অপনবা পীদনবগীদমক এ.পি.ই.দি.এ.না ভারত শিনবা থুংবদা লেব ২২০ শকখঙদুনা প্রদক্তশিংগী মখল কয়া অমসুং এক্সপোর্তরশিংগীদমক এস্তিং সর্ভিস ফংহল্লি।

সোর্স: দি.জি.সি.আই.এস. প্রিন্সিপল কম্মোদিতীজ দেতা এপ্রিল-জুন, ২০২২ (প্রোবিজনেল দেতা)

***