নুপী অমসুং অঙাংশিংগী চাউখৎ থৌরাং মন্ত্রালয়
অঙ্গানৱাদিগী থবকশিং দিজিতেল ওইহনবা
Posted On:
05 AUG 2022 12:44PM by PIB Imphal
অঙ্গনৱাদি সেন্তরশিংদা মচি ওইবা চীঞ্জাকশিং য়েন্থোকপগী থবকশিং অরোন-অথুপ লৈহন্দনবা অমসুং হেন্না ফগৎনবা আই.তিগী থবকশিং শীজিন্নরে। থবক অসিগী মরুওইবা খুৎলায় অমা ওইনা মার্চ ১, ২০২১দা ‘পোসান ত্রেক্কর’ এপ্লিকেসন শীজিন্নবা হৌরে। অঙ্গনৱাদি সেন্তরশিং, অঙ্গনৱাদি ৱার্করশিং অমসুং বেনিফিসরিশিং য়েংশিনবা অমসুং খোঙ্গুল লিবগী থবকশিংদা পোসান ত্রেক্কর শীজিন্নরি। অঙাংশিং চাউজন থিবা, মপাঙ্গল শোনবা অমসুং লৈফম থোকপা অরুম্বা য়ৌদবা কয়া অসি মশক খঙদোক্নবা পোসান ত্রেক্করগী মখাদা লৈরিবা তেক্নোলোজি শীজিন্নরে। অহানবা ওইনা পোসান অভিয়ানগী মখাদা, অঙ্গনৱাদি সেন্তরশিং মোবাইল শীজিন্নহন্দুনা দিজিতেলগী অওনবা অমা পুরক্লে। অঙ্গনৱাদি ৱার্করশিংনা দিজিতেলগী থবকশিং পাংথোক্তুনা অমসুং রেজিস্তার তৌবগী থবক ওতোমেতিক ওইনা পাংথোক্তুনা মোবাইল এপ্লিকেসন অসিনা মখোয়গী থবক ফগৎহনবদা মতেং পাংলে।
মীওই খুদিংমক অঙ্গনৱাদিগী কান্নবশিং ফংহন্দুনা, অতোপ্পা রাজ্য অমদগী রাজ্য অমদা য়ুম হোংলকপা ইমুংশিং নত্ত্রগা রাজ্য মনুংদা য়ুম হোংবা বেনিফিসরিশিং অঙ্গনৱাদি সেন্তরশিংগী খুৎথাংদা কান্নবশিং ফংহল্লে। চপ মান্নবা খুদোংচাবশিং ফংবা য়ানবা, ‘মাইগ্রেসন’ মোদুল অমা য়াওরে অমসুং পোসান ত্রেক্করদা মথৌ পাংথোক্লে। বেনিফিসরিনা য়ুম হোংবা মতমদা, বেনিফিসরিগী আধারগী অকুপ্পা মরোলশিং শীজিন্নদুনা অঙ্গনৱাদি সেন্তরনা বেনিফিসরিগী অকুপ্পা মরোলশিং খঙবা য়ারে। অঙ্গনৱাদি ৱার্কর অমনা মহাক্কী সেন্তরদা হোংলক্লিবা বেনিফিসরিগী দেতা অদু মাইগ্রেসন মোদুল শীজিন্নদুনা মহাক্কী সেন্তরগী দেতা-বেজদা হাপজিনবা য়াগনি। হিরম অসিগী মতাংদা, পোসান ত্রেক্করদা মাইগ্রেসন মোদুলগী অকুপ্পা ফ্লোচার্দকী মতাংদা মিনিস্ত্রিনা রাজ্যশিং/য়ু.তিশিংদা খঙহনখ্রে অমসুং বেনিফিসরিশিংগী মনুংদা মসিগী খুদোংচাবা অসি পাক-শান্না ফংবা ঙম্নবা মতিক চাবা থবকশিং পায়খৎনবা পাউতাক পীখ্রে।
অঙ্গনৱাদি সেন্তরশিংদা বেনিফিসরিশিং খোঙ্গুল লিনবা অমসুং কান্নবশিং মপুংফানা য়ৌহনবা ঙম্নবা বেনিফিসরিশিংগী আধার নম্বর শম্নবগী থবক পায়খৎলে। অদুবু, স্কিম অসিগী কান্নবা লৌনবগীদমক অঙাং অমগী আধার কার্দ অসি য়াওদ্রবশু য়াই। স্কিম অসিগী মখাদা কান্নবশিং লৌনবগীদমক মমাশিংগী আধার কার্দশিং শীজিন্নবা য়াগনি। জুলাই ৩১, ২০২২ ফাওবগী মনুংদা, পোসান ত্রেক্করদা বেনিফিসরিশিংগী চাদা ৫৩ রোমগী আধার শম্নরে। মখোয়গী আধার শম্নবগী থবকশিং মপুংফানা পাংথোক্নবা মিনিস্ত্রিনা রাজ্যশিং/য়ু.তিশিং লেপ্তনা তকশিল্লি। সেন্তর মশামক্তা বেনিফিসরিশিং মিংচনবা য়ানবা রাজ্যশিং/য়ু.তিশিংদা এনরোলমেন্ত কিতশিংগী ফন্দশিং পীরে।
ৱাফম অসি ঙসি লোক সভাদা অইবা ওইনা পীবা পাউখুম অমদা ৱুমেন অমসুং চাইল্দ দিবলপমেন্তগী য়ুনিয়ন মিনিস্তর শ্রীমতি স্মৃতি জুবিন ইরানিনা ফোঙদোকখিবনি।
*****
(Release ID: 1848745)
Visitor Counter : 118