جمہوریہ مالدیپ کے صدر عزت مآب ابراہیم محمد صالح نے جمہوریہ مالدیپ کے سینئر معززین کے ساتھ بھارت کی بہترین کارکردگی کا مظاہرہ کرنے والی بندرگاہ جے این پی اے (جواہر لال نہرو پورٹ اتھارٹی) کا دورہ کیا۔

جے این پی اے کے چیئرمین جناب سنجے سیٹھی نے جناب انمیش شرد واگھ، ڈپٹی چیئرمین جے این پی اے اور جے این پورٹ کے تمام ایچ او ڈی کی موجودگی میں جمہوریہ مالدیپ کے صدر عزت مآب ابراہیم محمد صالح کا خیرمقدم اور روایتی انداز سے استقبال کیا۔

صدر کو جے این پی اے کے چیئرمین نے جے این پی اے کے مختلف منصوبوں کے بارے میں جانکاری دی۔ جے این پی اے کے تازہ ترین ترقیاتی منصوبوں پر روشنی ڈالتے ہوئے انہوں نے کہا کہ حکومت کے وژن کے مطابق جے این پی اے نے کئی ترقیاتی منصوبے شروع کیے ہیں، جیسے وَدھوان میں گرین فیلڈ بندرگاہ کا ڈیولپمنٹ، ریاست کے اندرونی علاقوں میں خشک بندرگاہیں، چوتھا کنٹینر ٹرمینل وغیرہ شامل ہیں، جو  ملک کی نموپذیر معیشت میں اپنا تعاون دیں گے۔

عزت مآب صدر ابراہیم محمد صالح نے بندرگاہ کے مجموعی کام کاج کا جائزہ لینے کے لیے جے این پی اے کے ٹرمینل جی ٹی آئی میں سے ایک کا دورہ کیا۔

 

******

ش ح۔ م م۔ م ر

U-NO.8690

(ریلیز آئی ڈی: 1848537) وزیٹر کاؤنٹر : 111