وزارات ثقافت
azadi ka amrit mahotsav

مرکزی وزیر داخلہ اور وزیر تعاون، جناب امت شاہ کل ”ترنگا اتسو“ میں شرکت کریں گے


”ہر گھر ترنگا“ ترانہ اور ویڈیو لانچ کیا جائے گا

پنگلی وینکیا کے اعزاز میں یادگاری ڈاک ٹکٹ جاری کیا جائے گا

Posted On: 01 AUG 2022 6:34PM by PIB Delhi

وزارت ثقافت کل نئی دہلی میں پنگالی وینکیا کی 146 ویں یوم پیدائش کے موقع پر ملک کے لیے ان کی خدمات کا جشن منانے کے لیے ثقافتی اور موسیقی کی کارکردگی سے بھری شام ”ترنگا اتسو“ کا انعقاد کر رہی ہے۔

اس تقریب میں وزیر داخلہ اور وزیر تعاون جناب امت شاہ بطور مہمان خصوصی شرکت کریں گے۔ دیگر اہم شخصیات اور معززین جیسے شمال مشرقی خطے کے ثقافت، سیاحت اور ترقی کے وزیر جناب جی کشن ریڈی؛ مواصلات، الیکٹرانکس اور انفارمیشن ٹیکنالوجی اور ریلوے کے وزیر جناب اشونی ویشنو؛ پارلیمانی امور اور ثقافت کے وزیر مملکت جناب ارجن رام میگھوال؛ وزیر مملکت برائے امور خارجہ اور ثقافت، محترمہ میناکشی لیکھی اور مواصلات کے وزیر مملکت جناب دیو سنگھ چوہان اس حب الوطنی تقریب میں شرکت کریں گے۔

اس تقریب میں ملک کے لیے ان کے انمول تعاون کے لیے پنگلی وینکیا کے اعزاز میں ایک یادگاری ڈاک ٹکٹ کا اجرا بھی شامل ہے اور اس کے بعد ان کے اہل خانہ کی عزت افزائی کی جائے گی۔ ترنگا اتسو میں "ہر گھر ترنگا" کے ترانے اور ویڈیو کی شاندار لانچنگ بھی ہوگی۔ موسیقی سے بھری شام میں کیلاش کھیر اور کیلاسا، ہرشدیپ کور اور ڈاکٹر راگنی مکھر جیسے استادوں کی لائیو پرفارمنس دیکھنے کو ملے گی۔

ایک مجاہد آزادی اور ہندوستان کے قومی پرچم کے ڈیزائنر، پنگلی وینکیا گاندھیائی اصولوں کے پیروکار تھے، اور مہاتما گاندھی کی درخواست پر ہی انھوں نے ہندوستانی قومی پرچم کو زعفرانی، سفید اور سبز رنگوں کے ساتھ ڈیزائن کیا تھا جس کے بیچ میں ایک چکر تھا۔

ثقافتی شام آزادی کا امرت مہوتسو کے طور پر ہندوستان کی آزادی کے 75 ویں سال کی تقریبات میں ایک تاریخی دن کی نشان دہی کرے گی اور یہ ملک کے سب سے اہم رتنوں میں سے ایک - پنگلی وینکیا کو زبردست خراج عقیدت ہوگی۔

**************

ش ح۔ ف ش ع-م ف

U: 8475



(Release ID: 1847116) Visitor Counter : 52