ارضیاتی سائنس کی وزارت
حکومت نے کہا ہے کہ کیرالہ میں شدید بارش کے رجحان میں اضافہ ہور ہا ہے
Posted On:
28 JUL 2022 12:20PM by PIB Delhi
حکومت نے آج کہا کہ شدید بارش کے واقعات کیرالہ میں بڑھتے ہوئےبارش کے رجحان کو ظاہر کر رہے ہیں۔
راجیہ سبھا میں ایک سوال کے جواب میں، مرکزی وزیر مملکت (آزادانہ چارج) سائنس اور ٹیکنالوجی کے وزیر مملکت (آزادانہ چارج)، ارضیاتی سائنسز، وزیراعظم کے دفتر، افراد، عوامی شکایات، پنشن، ایٹمی توانائی اور خلاء کے وزیر مملکت ڈاکٹر جتیندر سنگھ نے کہا، 2021-2001 کی مدت کے اعداد و شمار کے مطابق، جنوب مغربی مانسون کے موسم (جون سے ستمبر) کے دوران کیرالہ میں بھاری بارش کی سرگرمیوں میں اضافہ ہوا ہے۔
شدید بارش کے واقعات کی تعداد (64.4 سے زیادہ اور 115.5 ملی میٹر سے کم)، بہت زیادہ بارش (115.5 سے زیادہ اور 204.4 ملی میٹر سے کم)، انتہائی بھاری بارش (204.4 ملی میٹر سے زیادہ) اور شدید بارش اور اس سے زیادہ کوحالیہ برسوں کے دوران جنوب مغربی مانسون سیزن کے دوران ایک ساتھ لیا گیا۔
ہندوستان کا موسمیات کا محکمہ (آئی ایم ڈی) نے ریاست کیرالہ میں خودکار موسمی اسٹیشنوں کے نیٹ ورک کو بڑھانے کا منصوبہ بنایا ہے۔بی آئی ایس - 1994 کے معیارات کے مطابق، کیرالہ میں 115 موسمی اسٹیشن ہونا چاہئے۔ ہندوستان کا موسمیات کا محکمہ (آئی ایم ڈی) نے کیرالہ میں 100 آٹومیٹک موسم اسٹیشنز (اے ڈبلیو ایس) کے لیے منصوبہ بنایا ہے۔ ارضیاتی سائنسز کی وزارت نے حال ہی میں 77 اے ڈبلیو ایس نصب کیے ہیں اور باقی 23 اے ڈبلیو ایس کی تنصیب جاری ہے۔
اس کے علاوہ، کیرالہ میں15 اے ڈبلیو ایس اضافی اسٹیشن بھی ہیں، اس طرح کیرالہ کے لیے کل 92 آٹومیٹک موسم اسٹیشن دستیاب ہیں۔ ان کے علاوہ ریاست میں 10 اپ گریڈ شدہ خودکار بارش کی پیمائش کرنے والے اسٹیشن بھی ہیں۔ آئی ایم ڈی نے پہلے ہی کیرالہ کے لیے منظور شدہ آٹومیٹک موسم اسٹیشنوں کی تنصیب میں تیزی لائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
(ش ح- ا ک- ق ر)
(28-07-2022)
U-8295
(Release ID: 1845755)
Visitor Counter : 132