উপ-রাস্ত্রপতিগী লোইশঙ
azadi ka amrit mahotsav

উপ-রাস্ত্রপতিনা অমত্তা ওইবা, শান্তি লৈবা অমসুং খুন্নাই নুংশি চাননা লৈবগী ভারতকী সিভিলাইজেসনগী ভেল্যু খুমাং চাশুলহন্নবা ‘স্পিরিচুল রিনাইসেন্স’ পুরকসি হায়খ্রে


স্পিরিচুএলিতীনা ঐখোয়গী খ্বাইদগী চাউবা পাঙ্গলনি; মসিনা ঐখোয়গী লৈবাক্কী থৱাইনি – উপ-রাস্ত্রপতি

ভগবদ গীতানা মীওইবা খুন্নাই লৈবগী শিংনবা খুদিংগী মনুং হুৎপা ৱারোইশিন পীরি – শ্রী নাইদু

ভি.পি.না ইস্কোনগী ফাউন্দরগী ‘সিং, দান্স অমসুং প্রে – শ্রীলাপ্রভুপারাগী ইথিল পীনীংঙাই ওইরবা ৱারী’ হায়না মিংথোনবা ওতোবাইওগ্রাফী ফোঙখ্রে

উপ-রাস্ত্রপতিনা শ্রীলাপ্রভুপারাবু ভারতকী কলচরগী হেরিতেজ অমসুং স্পিরিচুএলিতীগী খ্বাইদগী অথোইবা এম্বেসেদরনি হায়খ্রে

স্কুলদা কম্ম্যুনিতী সর্ভিস শোইদনা লৈহনবনা মহৈরোইশিংদা তেংবাংবা অমসুং ‘শেয়র অমসুং কেয়র’গী ৱাখল্লোন লৈহল্লি: শ্রী নাইদু

Posted On: 24 JUL 2022 1:31PM by PIB Imphal

ভারতকী সিভিলাইজেসন্না অমত্তা ওইবা, শান্তি লৈবা অমসুং খুন্নাই নুংশি চাননা লৈমিন্নবগী য়ুনিভর্সেল ভেল্যুগী মহুৎ শিল্লি, অমসুং মসিগুম্বা চহি কয়া লিরবা ভেল্যুশিংবু য়োকখৎনবা অমসুং খুমাং চাউশিলহন্নবা ‘স্পিরিচুএল রিনাইসেন্স’ অমা পুরকসি হায়খ্রে।

মহাক্না ঙসি, উপ-রাস্ত্রপতি নিৱাস্তা ‘সিং, দান্স অমসুং প্রে – শ্রীলাপ্রভুপারাগী ইথিল পীনীংঙাই ওইরবা ৱারী’ হায়না মিংথোনবা লাইরিক অমা ফোঙলবা তুংদা, স্বামি প্রভুপারাগুম্বা স্পিরিচুএল মাস্তর অমসুং অথোইবা লাইনীংবা অসিদগী ইথিল লৌদুনা অফবা মীওইবা অমা ওইনবগীদমক্তা লিচৎ-শাজৎ, হোৎনবা কনবা, অখাঙ কনবা অমসুং মীনুংশি খঙবগী মগুন লৈনবা হোৎনসি হায়না নহারোলশিংগী মফমদা হায়খ্রে। “অদোম্না কাস্ত, জেন্দর, ধর্মা অমসুং লমদম হায়বগী অখুবা ৱাখল্লোন্দগী মপান থোক্লক্তুনা খুন্নাইদা অমত্তা ওইবগী মতৌ, নুংশি চাননবা অমসুং শান্তি লৈহন্নবা থবক পাংথোক্কদবনি”, হায়না মহাক্না মখা তাখি। দাঃ হিন্দোল সেনগুপ্তনা ইবা লাইরিক অসি ইস্কোনগী ফাউন্দর, শ্রীলা প্রভুপারাগী পুন্সি ৱারীনি।

ভগবদ গীতাগী পাউজেলবু মালেম শিনবা থিংবদা মমিং চৎহনবগীদমক্তা শ্রীলা প্রভুপারাদা মহৈ পীরদুনা, উপ-রাস্ত্রপতিনা মহাকপু ভারতকী কলচরগী হেরিতেজ অমসুং স্পিরিচুএলিতীগী হৌজিক্কী মতমগী খ্বাইদগী অথোইবা এম্বেসেদরনি হায়খ্রে। স্পিরিচুএলিতীনা ঐখোয়গী খ্বাইদগী চাউবা পাঙ্গলনি হায়রদুনা মহাক্না স্পিরিচুএলিতীনা অরিবা মতমদগী হৌদুনা ঐখোয়গী লৈবাক্কী থৱাই অমসুং ঐখোয়গী সিভিলাইজেসনগী য়ুম্ফম ওইদুনা লাকখি হায়না মখা তাখি। ঐখোয়গী অরিবা মতমগী স্কৃপচরশিংবু মখোয়গী স্পিরিচুলগী ভেল্যুগা শাগোন্নবগীদমক্তা থাগৎলদুনা, শ্রী নাইদুনা হায়রিবশিং অসিনা চহি চা কয়াদগী ইথিক্স অমসুং ভেল্যুদা য়ুম্ফম ওইবা অফবা পুন্সি মহিং অমা হিংনবা মীয়ামদা লমজিংদুনা লাক্লি হায়না পাউদমখি। “ঐখোয়গী স্কৃপচর, ভগবদ গীতানা অৱাবা কোকপদগী হৌদুনা, ইশাবু খঙজবা অমসুং মোক্স নত্ত্রগা মঙাল ফংবা ফাওবা, ধর্মাগী মতৌ অমসুং কান্নবদগী হৌরগা থবক, নীংজবগী মরু ওইববু লাকহৎপা অমসুং ফিলোসোফিকেল ওইবা তোঙানবা ৱাহং ফাওবগী, মীওইবা খুন্নাই লৈবগী শিংনবা খুদিংগী মনুং হুৎপা ৱারোইশিন পীরিবনি”, হায়না মহাক্না মখা তাখি।

ভারতপু লাই-তীন্দা থম্মোই চেৎনা থাজবগী লমদম অমনি হায়রদুনা, শ্রী নাইদুনা ভক্তিনা ভারত মাচ খুদিংগী লু-তোংদা চেল্লি অমসুং ভারতকী সিভিলাইজেসনগী অপুনবা ৱাখল্লোনগী মরু ওইবা পাম্বৈনি হায়খি। লাই নীংবদা কাঙলুপ খায়দবা অমসুং মীয়াম পুম্নমক্না ইনবা য়াবা থৌওংগী খুত্থাংদা ভারতকী ঋষি, মুনি অমসুং অচার্য়া কয়ানা মীয়াম্বু অৱাংবা থাক্তা পুখৎলম্মি হায়বা ৱাফমদা মিৎয়েং চঙলদুনা, শ্রীলা প্রভুপারাবু ‘বাসুদৈবা কুতুম্বাকম’গী পাউজেল শন্দোকপগীদমক্তা থাগৎপা ফোংদোকখি।

শ্রীলা প্রভুপারাবু পুম্নমকপু মান্ননা উবা ৱাখল্লোনগী লমজিং মৈরানি হায়রদুনা, মহাক্না খুন্নাইনা নাথৈবীরবা মীওইশিংবু কোন্সিন্দুনা মখোয়গী পুন্সিদা নুংঙাইবা অমসুং অপেনবগী ৱাখল্লোন অমুক হন্না পুবীরকখিবনি হায়না উপ-রাস্ত্রপতিনা ফোংদোকখি। বেদগী লৌশিং অমসুং চৎনবীগী পাউজেল শন্দোক্তুনা মালেমদা শান্তি অমসুং অমগা অমগা নুংশি চাননবগী ফিভম লৈহন্নবগীদমক্তা শ্রীলা প্রভুপারানা লেপ্তনা হোৎনবগী মতৌবু থাগৎলদুনা, শ্রী নাইদুনা অসুম্না হায়খি, “মহাক্না মিৎয়েং চঙবা হীরম অমখক্তি ভক্তি নত্ত্রগা ইশ্বরগী মীনুংশিনি”। বেঙ্গালোরগী ইস্কোনগী প্রসিদেন্ত, শ্রী মধু পন্দিৎ দাসনা মহাক্কী গুরুগী পান্দমশিংবু মখা তানা পাংথোকপগীদমক্তা উপ-রাস্ত্রপতিনা থাগৎপা ফোংদোকখি।

কৃষ্ণ লাইশঙগী মাইল ১০গী মনুং চনবদা লৈবা মীওই অমত্তনা চরা হেনবা য়ারোই হায়বা স্বামি প্রভুপারাগী অপাম্ববু নীংশিংলদুনা, উপ-রাস্ত্রপতিনা ইস্কোনবু মীয়াম্বু তেংবাংবগী নীংথিরবা ৱাখল্লোনগীদমক্তা থাগৎপা ফোংদোকখি। মসিগুম্বা তেংবাংবা অমসুং ‘শেয়র অমসুং কেয়র’গী ইথিলবু ভারতকী ভেল্যু সীস্তেমগী ময়োলনি হায়রদুনা, শ্রী নাইদুনা নহারোলশিংনা মসিগুম্বা ইথিল অসি চেলহন্নীংখি অমসুং মসিগীদমক্তা, স্কুল অমসুং কোলেজতা কম্ম্যুনিতী সর্ভিসপু শোইদনা চঙবা হীরম অমা ওইহনবগী ৱাহৌদোক থমখি। উপ-রাস্ত্রপতিনা ইস্কোন্না লুচিংবা অকশয় পাত্রা ফাউন্দেসন – এন.জি.ও.না চলায়বা মালেমগী খ্বাইদগী চাউবা স্কুলদা অয়ুক্কী চাক্লেন পীজবগী প্রোগ্রাম – অসিবু খুদোংচাবা ফংজদ্রবা অঙাং অমসুং খুন্নাইশিংদা মমল নাইদ্রবা তেংবাং ফংহনবগীদমক্তা থাগৎপা ফোংদোকখি।

অইবা দাঃ হিন্দোল সেনগুপ্তা অমসুং ইস্কোন বেঙ্গালোরবু ‘সিং, দান্স অমসুং প্রে’ হায়রিবা লাইরিক অসিগীদমক্তা থাগৎলদুনা, উপ-রাস্ত্রপতিনা লাইরিক অসিবু শ্রীলা প্রভুপারাবু মহাক্কী ১২৫শুবা মপোক কুমওন্দা ইকায় খুম্নবা উৎপগী খ্বাইদগী চুনবা পাম্বৈনি হায়খি। বাইওগ্রাফী অসিনা পারিবা মীওইশিংদা ইথিল পীগনি অমসুং মখোয়না মসিদা য়াওরিবা পাউতাকশিংবু মশাগী পুন্সিদা শোইদনা শিজিন্নগনি হায়বগী থাজবা লৈ হায়না মহাক্না ফোংদোকখি। মহাক্না অইবদা লাইরিক অসিবু ভারতকী অতোপ্পা লোল কয়াদা ৱাহন্থোক হন্নবগীদমক্তা পুক্নিং থৌগৎখি।

ইস্কোন বেঙ্গালোরগী প্রসিদেন্ত অমসুং অকশয় পাত্রাগী চেয়রমেন, শ্রী মধু পন্দিৎ দাস; ভাইস চেয়রমেন, শ্রী চঞ্চলাপতী দাস; লাইরিক অসিগী অইবা অমসুং হিস্তোরিয়ন, দাঃ হিন্দোল সেনগুপ্তা, ইস্কোনগী লাইনীংবশিং অমসুং অতোপ্পা মীওইশিংনা লাইরিক ফোঙবগী থৌরমদা শরুক য়াখি।

মহাক্কী মপুং ফাবা ৱারোল মখাদা লৈরে:

“ইচিল ইনাওশিং,

ঐহাক্না ‘সিং, দান্স অমসুং প্রে – শ্রীলাপ্রভুপারাগী ইথিল পীনীংঙাই ওইরবা ৱারী’ হায়বা লাইরিক অসিবু ঙসিগী য়াইফরবা থৌরম অসিদা ফোঙবগী খুদোংচাবা ফংবসিদা য়াম্না নুংঙাইবা ফাওই।

ভারত অসি স্পিরিচুএল ওইবা হীরমগী মালেমগী খ্বাইদগী লিরবা হৌরকফম্নি হায়বা অদোম পুম্নমক্না খঙনরবনি। স্পিরিচুএলিতীনা অরিবা মতমদগী হৌদুনা ঐখোয়গী লৈবাক্কী থৱাই অমসুং ঐখোয়গী সিভিলাইজেসনগী য়ুম্ফম ওইদুনা লাকখিবনি। রমায়ন, মহাভারত অমসুং অতোপ্পা পুরান্নচিংবা বেদ, উপানিশদ, অমসুং ইপিক কয়ানা স্পিরিচুএলগী ভেল্যুগা শাগোন্নৈ। মখোয়শিং অসিনা চহি চা কয়াদগী হৌনা, ইথিক্স অমসুং ভেল্যুদা য়ুম্ফম ওইবা অফবা পুন্সি মহিং অমা হিংনবা মীয়ামদা লমজিংদুনা লাক্লি। ঐখোয়গী স্কৃপচর, ভগবদ গীতানা অৱাবা কোকপদগী হৌদুনা, ইশাবু খঙজবা অমসুং মোক্স নত্ত্রগা মঙাল ফংবা ফাওবা, ধর্মাগী মতৌ অমসুং কান্নবদগী হৌরগা থবক, নীংজবগী মরু ওইববু লাকহৎপা অমসুং ফিলোসোফিকেল ওইবা তোঙানবা ৱাহং ফাওবগী, মীওইবা খুন্নাই লৈবগী শিংনবা খুদিংগী মনুং হুৎপা ৱারোইশিন পীরিবনি। ঐখোয়গী লৈবাক্কী মপাবুং, মহাত্মা গান্ধীনা গীতাদা থৱাই য়াওজবগী ৱাফম ফোংদোক্লমখি। মহাক্না হায়রম্মি, “ঐহাক্না ভগবদ গীতাদগী পোত্থাবা অমসুং নুংঙাইবা ফংই। নীংবা কায়বনা ঐহাক্কী মাঙদা লেপ্লরবা মতম অমসুং ৱাখলগী মঙাল অমত্তা উরক্তবা মতমদা, ঐহাক্না ভগবদ গীতাদা চঙজৈ। মসিদা ৱাফম কয়া অমা ঐহাক্না থেংনজৈ, মদুদগী ঐহাক্না অৱাবা কয়া কাওথোক্তুনা মোমোন নোকপা ঙমজৈ। ঐহাক্কী পুন্সি অসি মপানথোংগী অৱা-অনা কয়ানা থনবনি, মখোয়না মীয়াম্না উবা ঙম্বা দাক অমত্তা তাহন্দ্রিবসিগী মরমদি ঐহাক্না ভগবদ গীতাদা পীজৈ”। 

ঐখোয়গী অরিবা লমদম অসি লাই-তিন্দা থৱাই য়াওনা নীংজবগী লমদম্নি। লাই নীংবদা কাঙলুপ খায়দবা অমসুং মীয়াম পুম্নমক্না ইনবা য়াবা থৌওংগী খুত্থাংদা পুন্যভুমি অসিদা থোক্লকখিবা ভারতকী ঋষি, মুনি অমসুং অচার্য়া কয়ানা মীয়াম্বু অৱাংবা থাক্তা পুখৎলম্মি। ভক্তিনা ভারত মাচ খুদিংগী লু-তোংদা চেল্লি অমসুং মসিনা ভারতকী সিভিলাইজেসনগী অপুনবা ৱাখল্লোনগী মরু ওইবা পাম্বৈনি।

১৫শুবা চহি-চাগী বৈশ্নব লাইনীংবা, শ্রী চৈতন্য মহাপ্রভুনা ভগবান কৃষ্ণগী মিংলেন অসি শহর অমসুং খুঙ্গং খুদিংনা শোন্নগনি হায়না মাংজৌননা হায়বীরম্লবনি। ইস্কোনগী ফাউন্দর, ভক্তিবেদন্তা স্বামী প্রভুপারানা লাইৱা অসিবু মপুং ফাহল্লি হায়না মীয়াম পুম্বনা য়ানরি। শ্রীলা প্রভুপারানা নহা ওইরিবা তুং ইনবা খরগা লোয়ননা ইং ১৯৯৬তা ন্যু য়োর্ক্তা ইন্তর্নেস্নেল সোসাইতী ফোর কৃষ্ণ কন্সিয়সনেস (ইস্কোন) হৌদোকখি, অমসুং তেল্লবা চহি ১২গী মনুংদা, মহাক্না মহাদেশ ৬ শিনবা থুংবদা ইস্কোন লাইশঙ ১০০ হেন্না লিংখৎখি। মসিদা নত্তনা, মহাক্না গুরুকুল, ফার্ম কম্ম্যুনিতী অমসুং ভক্তি লিতরেচরগী পব্লিশিং হাউসসু লিংখৎখি। মহাক্না মালেম শিনবা থুংববু কয়ারক হন্না চত্তুনা, মীওইবা খুন্নাই অসি ইমুং অমনি হায়বা ‘বাসুদৈবা কুতুম্বাকম’গী পাউজেল শন্দোকখি।

ভগবদ গীতাগী পাউতাক কয়াবু মালেম শিনবা থুংবদা মমিং চৎহল্লিবা অসি শ্রীলা প্রভুপারাননি হায়বা য়াই। ভগবদ গীতাগী মতাংদা মহাক্না থমখিবা লাইনীংবগী ৱাফম কয়াগী কোপী মিলিয়ন কয়াবু লোল ৭০ হেনবদা য়েন্থোকখ্রবনি।

কৃষ্ণ লাইশঙগী মাইল ১০গী মনুং চনবদা লৈবা মীওই অমত্তনা চরা হেনবা য়ারোই হায়বা স্বামি প্রভুপারাগী অপাম্বনি অমসুং মহাক্না মহাক্কী তুং ইনবশিংদা মসিবু ওইথোকহন্নবা পাউতাক পীখি। এপ্পল কম্পেনীগী ফাউন্দর। স্তীব জোব ফাওবনা মহাক্কী অৱাবা মতমদা ইস্কোন লাইশঙদা চাক্লেন চানবগীদমক্তা মাইল তরেত মখোঙনা চৎখি হায়বা ৱাফম লৈরিবনি। মসিগুম্বা তেংবাংবা অমসুং ‘শেয়র অমসুং কেয়র’গী ইথিলবু ভারতকী ভেল্যু সীস্তেমগী ময়োলনি। লৈবাক্কী নহারোলশিংনা মসিগুম্বা ইথিল অসি চেনগদবনি অমসুং মসিগীদমক্তা, স্কুল অমসুং কোলেজতা কম্ম্যুনিতী সর্ভিসপু শোইদনা চঙবা হীরম অমা ওইহনগদবনি হায়না ঐহাক্না খল্লি। মদু ওইরবদি, মহৈরোইশিংদা তেংবাংবা অমসুং ‘শেয়র অমসুং কেয়র’গী ৱাখল্লোন লৈরক্কনি হায়বসি ঐহাক্কী অচেৎপা থাজবনি।

শ্রীলা প্রভুপারাবু ভারতকী কলচরগী হেরিতেজ অমসুং স্পিরিচুএলিতীগী খ্বাইদগী অথোইবা এম্বেসেদরনি হায়না উনরিবা অসিদা য়েৎনীংঙাই অমত্তা লৈতে। শ্রীলা প্রভুপারাদি পুম্নমকপু মান্ননা উবা ৱাখল্লোনগী লমজিং মৈরানি, মহাক্না খুন্নাইনা নাথৈবীরবা মীওইশিংবু কোন্সিন্দুনা মখোয়গী পুন্সিদা নুংঙাইবা অমসুং অপেনবগী ৱাখল্লোন অমুক হন্না পুবীরকখিবনি। মহাক্না মিৎয়েং চঙবা হীরম অমখক্তি ভক্তি নত্ত্রগা ইশ্বরগী মীনুংশিনি। ঈশৈ শকপা, জগোই শাবা অমসুং লাই নীংবগী অচম্বা থৌওংগী খুত্থাংদা মহাক্না স্পিরিচুএলগী ইহৌ অমা তসেংনা পুরকখিবনি। বেদগী লৌশিং অমসুং চৎনবীগী পাউজেল শন্দোক্তুনা মালেমদা শান্তি অমসুং অমগা অমগা নুংশি চাননবগী ফিভম লৈহন্নবগীদমক্তা শ্রীলা প্রভুপারানা লেপ্তনা হোৎনবগী মতৌবু ঐহাক্না তসেংনা থাগৎচৈ।

মালেম পুম্বনা নুংশিনা অমসুং নুংঙাইনা হিংমিন্নবা য়াবা ইমুং অমা শেম্বগী মহাক্কী গুরুগী পান্দমবু মখা তানা পাংথোকপগীদমক্তা ঐহাক্না শ্রী মধু পন্দিত দাসকী হোৎনজমনবু থাগৎচনীংই। ভগবান কৃষ্ণদা কত্থোকপা ওইনা ব্রিন্দাবন্দা লৈরক্কদৌরিবা ব্রিন্দাবন চন্দ্রোদয়া মন্দির প্রোজেক্ততা মহাক্না মায় পাকপা ওইসনু হায়না ঐহাক্না য়াইফ পাউজেল পীজরি। মসিগী কলচরগী হেরিতেজ প্রোজেক্ত অসিনা স্পিরিচুএল লেন্দমার্ক অমা ওইদুনা ৱাখল খনবা, লুচিংবা অমসুং তম্নীংবা খঙনীংবা ফাওবা ৱাখল্লোন কয়াগী পুক্নিং চিংশিনবা ওইসনু।

নুংশিরবা মরুপশিং,

স্পিরিচুএলিতীনা ঐখোয়গী খ্বাইদগী চাউবা পাঙ্গলনি অমসুং ভারতকী চৎনবীনা অমত্তা ওইবা, শান্তি লৈবা অমসুং খুন্নাই নুংশি চাননা লৈমিন্নবগী য়ুনিভর্সেল ভেল্যুগী মহুৎ শিল্লি। ঐখোয় খুদিংনা হায়রিবা ভেল্যুশিংবু য়োকখৎকদবনি অমসুং হেন্না খুমাং চাউশিলহনগদবনি। ঐখোয়গী নহারোলশিংনা স্বামি প্রভুপারাগুম্বা স্পিরিচুএল মাস্তর অমসুং অথোইবা লাইনীংবা অসিদগী ইথিল লৌগদবনি। মখোয়না অফবা মীওইবা অমা ওইনবগীদমক্তা লিচৎ-শাজৎ, হোৎনবা কনবা, অখাঙ কনবা অমসুং মীনুংশি খঙবগী মগুন লৈনবা হোৎনগদবনি। অদোম্না কাস্ত, জেন্দর, ধর্মা অমসুং লমদম হায়বগী অখুবা ৱাখল্লোন্দগী মপান থোক্লক্তুনা খুন্নাইদা অমত্তা ওইবগী মতৌ, নুংশি চাননবা অমসুং শান্তি লৈহন্নবা থবক পাংথোক্কদবনি।

দাঃ হিন্দোল সেনগুপ্তনা শ্রীলা প্রভুপারাগী পুন্সি অমসুং থবক্কা মরী লৈনবা ৱাফম খুদিংমক ‘সিং, দান্স অমসুং প্রে’ হায়বা লাইরিক অসিদা ফোংদোক্লে হায়বা ঐহাক্না খঙলে। লাইরিক অসিদি শ্রীলা প্রভুপারাবু মহাক্কী ১২৫শুবা মপোক কুমওন্দা ইকায় খুম্নবা উৎপগী খ্বাইদগী চুনবা পাম্বৈনি। বাইওগ্রাফী অসিনা পারিবা মীওইশিংদা ইথিল পীগনি অমসুং মখোয়না মসিদা য়াওরিবা পাউতাকশিংবু মশাগী পুন্সিদা শোইদনা শিজিন্নগনি হায়বা ঐহাক্না থাজৈ।

ইস্কোন বেঙ্গালোরগী তেংবাংবগী নীংথিরবা ইথিল অসিদি মখোয়গী মথৌ পাংথোকপগী মতিক লৈরবা মগুন অমসু ওইরিবনি। মসিগুম্বা সেবা-ভবা অসিনা অকশয় পাত্রা ফাউন্দেসন – এন.জি.ও.না চলায়বা মালেমগী খ্বাইদগী চাউবা স্কুলদা অয়ুক্কী চাক্লেন পীজবগী প্রোগ্রাম – অসি ওইথোকহল্লিবনি। অকশয় পাত্রানা খুদোংচাবা ফংজদ্রবা অঙাং অমসুং খুন্নাইদা তেংবাংলিবা অসি তসেংনা থাগৎনীংঙাইনি। অন্নাদানা হায়বসিনা দান তৌবগী খ্বাইদগী ৱাংবা থৌওংনি হায়না থাজনরিবনি, অমসুং অকশয় পাত্রানা মমিংমক্কা চুনবা মওংদা তঙাই ফদবশিংগী মফমদা নুংতিগী অতেকপা চিঞ্জাক পীজরি, অমসুং শ্রীলা প্রভুপারাগী ৱাখল্লোনবু থবক ওইনা পাংথোক্লি। লাইচত মনুংদা মখোয়না চাক পীজবনা লৈবাক্কী মীওই লাখ কয়াদা কান্নবা পীখি অমসুং মসিগুম্বা মশাগী খন্দবা তেংবাং অসিবু ঐহাক্না থম্মোই শেংনা থাগৎচরি।

ঐহাক্না দাঃ হিন্দোল সেনগুপ্তা অমসুং ইস্কোন বেঙ্গালোরবু ‘সিং, দান্স অমসুং প্রে’ লাইরিক ফোঙবগীদমক্তা অমুক্কা হন্না থাগৎচরি। ঐহাক্না মীয়াম খুদিংনা বাইওগ্রাফী অসি শোইদনা পাবীয়ু অমসুং শ্রীলা প্রভুপারাগী পুন্সি অমসুং ৱাখল্লোন্দগী ইথিল লৌবীয়ু হায়জরি।

হরে কৃষ্ণ!

জয় হিন্দ”।

*****



(Release ID: 1844425) Visitor Counter : 61