গুজরাত পুলিসপু মতমগা চুনবা অমসুং তেক্নোলোজী নীংথিনা শিজিন্নবা ওইহন্নবা অমসুং মীয়ামগী খুদোংচাবা কয়া হেনগৎহন্নবগীদমক্তা, গুজরাত সরকারনা মরু ওইবা থবক-থৌরম কয়া ঙসি মীয়ামদা খুৎশিন্নখ্রে

শ্রী নরেন্দ্র মোদীনা মুখ্য মন্ত্রী অমা ওইনা গুজরাতকী লো অমসুং ওর্দরগী ফিভম্বু মতমগা চুনহনবা অমসুং মপাঙ্গল লৈহনবদা অহেনবা মিৎয়েং চঙলমখি, অমসুং মসিনা মরম ওইরগা, গুজরাত পুলিসনা চহি কয়া অসিদা লৈবাক্কী ফোরফ্রন্ততা লৈবগী চৎনবী অমা শেম্বা ঙমখিবনি, অমসুং অসিগুম্বা চৎনবী অসি রাজ্যসিগী মুখ্য মন্ত্রী অমসুং গৃহ মন্ত্রীগী লুচিং মখাদা অদুমক মখা তানা চত্থখিগনি হায়বগী ঐহাক্না থাজবা থম্লি

শ্রীমতি দ্রৌপদি মুর্মুনা রাস্ত্রপতিগী মীখলদা মশক থোকপা মেজোরিতী ফংখি, লৈবাক্কী খ্বাইদগী থাক ৱাংবা ওফিসকীদমক্তা মহাকপু খনখিবা অমসুং শ্রীমতি দ্রৌপদি মুর্মুদগী হর এক্সেলেন্সী শ্রীমতি দ্রৌপদি মুর্মু ওইরকখিবা হায়বসি লৈবাক্কী গনতন্ত্রগী চহি ৭৫গী পুৱারীদা মশক থোকপা থৌওং অমা ওইরবনি

ঐখোয়গী পার্তীনা রাস্ত্রপতিগুম্বা মরু ওইবা ফম খনবদা মতম পুম্বদা অনৌবা থৌওং পাংথোক্তুনা লাক্লি, অমসুং প্রধান মন্ত্রীনা চৎনবী অসিবু তুংলমচত্তা পুদুনা চৎলি

শ্রী অতল বিহারী ভাজপায়না ‘মিসাইল মেন’ দাঃ এ.পি.জে. অবদুল কলাম্বু রাস্ত্রপতিগী মীরেপ ওইহনখি অমসুং শ্রী নরেন্দ্র মোদীনা প্রধান মন্ত্রী ওইরবা তুংদা লাইরবা অমসুং দলিত খুন্নাইদগী থোক্লকপা, শ্রী রাম নাথ কোবিন্দবু রাস্ত্রপতিগী মীরেপ ওইহনখি, অমসুং হৌজিক্না, ত্রাইবেল খুন্নাইদগী হৌরকপী শ্রীমতি দ্রৌপদি মুর্মুবু রাস্ত্রপতি ওইনা খনখ্রে

মসিনা ত্রাইবেলশিংবু মপাঙ্গল হাপ্পগী মিংদা খুন্নাইবু খায়দোকপগী রাজনিতী তৌবগী ফত্ত্রবা থৌওংগী মাইয়োক্তা পীবা পাউখুম অমনি, অমসুং মসিনা ত্রাইবেলগী পাঙ্গল হাপ্পসি ৱাহৈনা পাংথোক্কদবা নত্তে, থবক্না উৎকদবনি হায়বগী মতিক চারবা খুদম অমনি

প্রধান মন্ত্রী নরেন্দ্র মোদীনা মীয়াম্না মশাগী ময়ুমদা ওগস্ত ১৩দগী ১৫ ফাওবা মচু অহুমগী ফিরাল পাইহন্নবা হায়খ্রে

মচু অহুমগী ফিরাল পাইহন্দবা য়ুম, ওফিস নত্ত্রগা বিলদিং অমত্তা রাজ্যসিদা লৈহল্লোইসি হায়না ঐহাক্না গুজরাত মীয়ামগী মফমদা হায়জরি। লাইরবা, ইনাক খুনবা, সরকার অমসুং লন্নাইগী থৌমীশিংনা মশাগী ময়ুমদা মচু অহুমগী ফিরাল পাইহনবা অমসুং খোঙজং অসিবু শোইদনা মায় পাকহনবা হায়বসি ঐখোয়গী থৌদাং ওইগদবনি

ই-কোপ্তগী ত্রিনেত্রা ফাওবগী গুজরাত পুলিস্পু মতমগা চুনবা তেক্নোলোজী লৈহনবগী খোঙচৎ অসি প্রধান মন্ত্রী নরেন্দ্র মোদীনা হৌদোকখিবনি, অমসুং মসিদি মহাক্কী মঙলানশিংবু মঙফাওনহনবগী খোঙচৎ অমসু ওইরিবনি

কম্মান্দ অমসুং কন্ত্রোল রুম অসিদি কেমেরা ৭০০০ খক্তা অকক্নহনগদবা নত্তে, মসিদি থাক ৱাংবা তেক্নোলোজী শিজিন্নদুনা গুজরাতকী রেলৱে স্তেসন, বস স্তেন্দ, সীপোর্ত, এয়রপোর্ত অমসুং মীয়াম লৈনরিবা কোলোনীশিংগী কেমেরা খুদিংমক মনুং চলহনগদবনি

গুজরাত সরকারগী সুরক্ষা চক্র শাবগী থৌরাংবু সুদর্শন চক্রা শাবগী থৌরাংদা ওন্থোক্তুনা প্রোজেক্ত অসিনা গুজরাতপু ঙাক শেনগনি

শ্রী নরেন্দ্র মোদীনা ইং ২০০১দা গুজরাতকী মুখ্য মন্ত্রী ওইরবা তুংদা, গুজরাত পুলিসনা লো অমসুং ওর্দরগী ফিভমশিংদা অহেনবা মিৎয়েং চঙদুনা খুন্নাইগী য়েক্নবশিংগী মাইয়োক্তা খোঙথাং কয়া পায়খত্তুনা লাকখিবনি

পুলিসনা ঙসিদি মতমগা চুনবা, মীয়ামগী অপাম্বা খঙবা অমসুং তেক্নোলোজী নীংথিজনা শিজিন্নবা ওইরে অমসুং প্রধান মন্ত্রী নরেন্দ্র মোদীনা মখোয়গী সপ্পোর্ত সীস্তেম্বু মপাঙ্গল হেন্না লৈহল্লে

কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা মহাক্কী নুমিৎ নিনিগী গুজরাত খোঙচৎকী অহানবা নুমিত্তা গুজরাত পুলিসকী স্তেত লেভেল কম্মান্দ অমসুং কন্ত্রোল সেন্তর ‘ত্রিনেত্রা’ অমসুং বিশ্বাস প্রোজেক্তকী মখাদা লৈবা মতমগা চুনবা অতোপ্পা তেক্নিকেল সর্ভিস খরা ঙসি গান্ধীনগরদা শঙ্গাখ্রে। গুজরাতকী মুখ্য মন্ত্রী, শ্রী ভুপেন্দ্র ভাই পতেল অমসুং অতোপ্পা শক্নাইরবা মীওই কয়ানা ঙসিগী থৌরমসিদা শরুক য়াখি।কেন্দ্রগী গৃহ মন্ত্রীনা থৌরম অসিদা গুজরাত পুলিসপু মতমগা চুনহন্নবা অমসুং তেক্নোলোজী নীংথিনা শিজিন্নহন্নবা অমসুং মীয়ামগী খুদোংচাবা কয়া হেনগৎহন্নবগীদমক্তা গুজরাত সরকারনা মরু ওইবা থবক-থৌরম কয়া ঙসি মীয়ামদা খুৎশিন্নখ্রে হায়না ফোংদোকখি। ঐহাক্না গুজরাতকী মুখ্য মন্ত্রী অমসুং গৃহ মন্ত্রীবু থৌওংশিং অসিগীদমক্তা থাগৎচরি। শ্রী নরেন্দ্র মোদীনা মুখ্য মন্ত্রী অমা ওইনা গুজরাতকী লো অমসুং ওর্দরগী ফিভম্বু মতমগা চুনহনবা অমসুং মপাঙ্গল লৈহনবদা অহেনবা মিৎয়েং চঙলমখি। মসিনা মরম ওইরগা, গুজরাত পুলিসনা চহি কয়া অসিদা লৈবাক্কী ফোরফ্রন্ততা লৈবগী চৎনবী অমা শেম্বা ঙমখিবনি, অমসুং অসিগুম্বা চৎনবী অসি রাজ্যসিগী মুখ্য মন্ত্রী অমসুং গৃহ মন্ত্রীগী লুচিং মখাদা অদুমক মখা তানা চত্থখিগনি হায়বগী মহাক্না থাজবা থম্লি হায়না ফোংদোকখি।

শ্রী অমিত শাহনা শ্রীমতি দ্রৌপদি মুর্মুনা হন্দক্তা পাংথোকখিবা রাস্ত্রপতিগী মীখলদা মশক থোকপা মেজোরিতী ফংখি হায়না পাউদমখি। লৈবাক্কী খ্বাইদগী থাক ৱাংবা ওফিসকীদমক্তা মহাকপু খনখিবা অমসুং শ্রীমতি দ্রৌপদি মুর্মুদগী হর এক্সেলেন্সী শ্রীমতি দ্রৌপদি মুর্মু ওইরকখিবা হায়বসি লৈবাক্কী গনতন্ত্রগী চহি ৭৫গী পুৱারীদা মশক থোকপা থৌওং অমা ওইরবনি। মসিনা ঐখোয়গী গনতন্ত্রগী পথাপকী চাউরবা থৌরম অমা ওইরবনি। ঐখোয়গী পার্তীনা রাস্ত্রপতিগুম্বা মরু ওইবা ফম খনবদা মতম পুম্বদা অনৌবা থৌওং পাংথোক্তুনা লাক্লি, অমসুং প্রধান মন্ত্রীনা চৎনবী অসিবু তুংলমচত্তা পুদুনা চৎলি হায়না শ্রী অমিত শাহনা ফোংদোকখি। শ্রী অতল বিহারী ভাজপায়না ‘মিসাইল মেন’ দাঃ এ.পি.জে. অবদুল কলাম্বু রাস্ত্রপতিগী মীরেপ ওইহনখি অমসুং শ্রী নরেন্দ্র মোদীনা প্রধান মন্ত্রী ওইরবা তুংদা লাইরবা অমসুং দলিত খুন্নাইদগী থোক্লকপা, শ্রী রাম নাথ কোবিন্দবু রাস্ত্রপতিগী মীরেপ ওইহনখি, অমসুং হৌজিক্না, ত্রাইবেল খুন্নাইদগী হৌরকপী শ্রীমতি দ্রৌপদি মুর্মুবু রাস্ত্রপতি ওইনা খনখ্রে। মসিনা ত্রাইবেলশিংবু মপাঙ্গল হাপ্পগী মিংদা খুন্নাইবু খায়দোকপগী রাজনিতী তৌবগী ফত্ত্রবা থৌওংগী মাইয়োক্তা পীবা পাউখুম অমনি, অমসুং মসিনা ত্রাইবেলগী পাঙ্গল হাপ্পসি ৱাহৈনা পাংথোক্কদবা নত্তে, থবক্না উৎকদবনি হায়বগী মতিক চারবা খুদম অমনি।

প্রধান মন্ত্রী নরেন্দ্র মোদীনা মীয়াম্না মশাগী ময়ুমদা ওগস্ত ১৩দগী ১৫ ফাওবা মচু অহুমগী ফিরাল পাইহন্নবা হায়খ্রে হায়না কেন্দ্রগী গৃহ মন্ত্রীনা হায়খি। লৈবাক মীয়াম্না নীংতম্বগী ৭৫শুবা চহিসিদা মশাগী ময়ুমদা ওগস্ত ১৩দগী ১৫ ফাওবদা মচু অহুমগী ফিরাল পাইহন্দুনা লৈবাক্কী চাউখৎ-থৌরাং, তুংগী অফবা মতম অমসুং সেক্যুরিতীগীদমক্তা নৌহৌননা ৱাশক অমুক লৌগদবনি হায়না শ্রী অমিত শাহনা হায়খি। মচু অহুমগী ফিরাল পাইহন্দবা য়ুম, ওফিস নত্ত্রগা বিলদিং অমত্তা রাজ্যসিদা লৈহল্লোইসি হায়না মহাক্না গুজরাত মীয়ামগী মফমদা হায়জখি। মচু অহুমগী ফিরাল ফংফমগা মরী লৈনবা ৱাফম কয়া ৱেবসাইত কয়াদা পীখ্রে অমসুং মচু অহুমগী ফিরাল অসি লৈবাক্কী পোস্ত ওফিস অমা হেক্তদা ফংগনি। লাইরবা, ইনাক খুনবা, সরকার অমসুং লন্নাইগী থৌমীশিংনা মশাগী ময়ুমদা মচু অহুমগী ফিরাল পাইহনবা অমসুং খোঙজং অসিবু শোইদনা মায় পাকহনবা হায়বসি ঐখোয়গী থৌদাং ওইগদবনি।

প্রোজেক্ত অসিদা মীয়াম্না থাজবা হেনগৎহন্নবা অমসুং মসিগী মপাঙ্গল হেন্না লৈহন্নবা তোঙানবা খোঙথাং কয়া পায়খৎখ্রে হায়না গৃহ মন্ত্রীনা হায়খি। গুজরাত পুলিসনা পীরিবা সেক্যুরিতী সর্ভিসশিংবু হেন্না ফগৎহন্নবা, পাকথোক চাউথোকহন্নবা অমসুং মখোয়গী মগুনশিংবু মতমগা হেন্না চুশিন্নহন্নবা বোদী কেমেরা ১০,০০০, ভিদিও ফীদ মেনেজমেন্ত সীস্তেম, ৱর্ক স্তেসন, দোক্কিং স্তেসন অমসুং সর্ভর কয়া মহাক্না পুলিস ফোর্সতা খুৎশিন্নখ্রে। মসিদা নত্তনা, এন্তি হ্যুমেন ত্রাফিক্কিং য়ুনিতকী মফমদা গাড়ি ৮০সু ঙসি গুজরাত পুলিস্তা খুৎশিন্নখি। কম্মান্দ অমসুং কন্ত্রোল রুম অসিদি কেমেরা ৭০০০ খক্তা অকক্নহনগদবা নত্তে, মসিদি থাক ৱাংবা তেক্নোলোজী শিজিন্নদুনা গুজরাতকী রেলৱে স্তেসন, বস স্তেন্দ, সীপোর্ত, এয়রপোর্ত অমসুং মীয়াম লৈনরিবা কোলোনীশিংগী কেমেরা খুদিংমক মনুং চলহনগদবনি হায়না শ্রী অমিত শাহনা হায়খি। গুজরাত সরকারগী সুরক্ষা চক্রা শাবগী থৌরাংবু সুদর্শন চক্রা শাবগী থৌরাংদা ওন্থোক্তুনা প্রোজেক্ত অসিনা গুজরাতপু ঙাক শেনগনি। মফম অমদা থৌদোক অমা হেক থোকপা মতমদা কন্ত্রোল রুমদা পাউ ফাওবদা হেন্না নুংঙাইহন্নবগীদমক্তা কন্নেক্তিবিতী অমসুং স্তোরেজ কেপাসিতী হেন্না ফগৎহনবগী তঙাই ফদবশিংদসু মহাক্না অহেনবা মিৎয়েং চঙখি।

গুজরাতনা ই-কোপকী থৌওং হৌদোকখিবা লৈবাক্কী খ্বাইদগী অহানবা রাজ্যনি হায়না শ্রী অমিত শাহনা হায়খি। রাজ্যসিগী পুলিস স্তেসন খুদিংবু কম্প্যুতরাইজ তৌবা, কন্সতেবল কয়া লৌবা, ত্রিনেত্রাগী ত্রেনিং সীস্তেম অমসুং এদমিনিস্ত্রেসন অসিসু ই-কোপ সোফৱেয়রগী মতেংদগী পাংথোকখিবনি। মসিগী মথক্তা, ফোরেন্সিক সাইন্স লেবোরেতরী অমা ওইরিবা ই-এফ.আই.আর.সু ই-কোপকী মনুং চল্লিবনি। গুজরাত পুলিস্পু ইকোপ্তগী হৌদুনা ত্রিনেত্রা ফাওবগী মতমগা চুনবা তেক্নোলোজী শিজিন্নহনবগী থবক-থৌরমশিং অসি প্রধান মন্ত্রী, শ্রী নরেন্দ্র মোদীনা হৌদোক্লম্বনি হায়না গৃহ মন্ত্রীনা হায়খি। কেন্দ্র সরকারনা রাজ্যশিংদা মতমগা চুনবা খ্বাইদগী ফবা তেক্নোলোজী পীনবা খুদোংচাবা কয়া শীন-লাঙলি অমসুং মসিদা রাজ্য সরকারনা শরুক য়াগদবনি। লৈবাক্কী পুলিস স্তেসন ৯৬% অসি ভারত সরকারগী মখাদা পায়খৎপা সি.সি.তি.এন.এস.কী মখাদা ওনলাইন ওইরে হায়বদা ঐহাক্না চাউথোকচনা পাউদম্লি। পাউমী অমা হেক্তনা গুজরাতকী লো অমসুং ওর্দরগী মতাংদা অমসুং ইং ১৯৮০দগী ২০২২ ফাওবদা করি অহোংবা লৈরে হায়বগী মতাংদা পাক চাউনা লাইরিক ইবা য়াগনি হায়না শ্রী অমিত শাহনা হায়খি। অতোপ্পা রাজ্যগী পুলিসনা মসিগুম্বা পুলিস্কী মথৌ পাংথোকপা, ৱারেপ লৌবা, মী লৌবা, মতমগা চুনহনবা, ৱেলফিয়র স্কিম অমসুং থবক ফবগী মরী লৈনবা অহোংবা অসি য়াম্না ৱানা উবা ফংবনি হায়না মহাক্না মখা তাখি।

ইং ২০০২গী মতুংদগী গুজরাত্তা কর্ফিয়ু হায়বসি লৈতবা মান্নখি, অদুবু, মসিগী মমাংদদি, চহি অমদা নুমিৎ ২০০দি কর্ফিয়ু থম্লম্বনি হায়না কেন্দ্রগী গৃহ অমসুং কোর্পোরেসন মন্ত্রীনা হায়খি। নুমিৎ ৩৬৫নিগী মনুগদা, ছুতি নুমিৎ থাদোক্তুনা, নুমিৎ ২১২দি থবক অমত্তা পাংথোক্লমদে। কৎচ জিলা অসি শেঞ্জা থুমজানা থনবা মফম ওইরম্মি, হৌজিক্তি, মফমসিদা শেঞ্জা থুমজা অমত্তা লৈত্রে। শ্রী নরেন্দ্র মোদীনা ইং ২০০১দা গুজরাতকী মুখ্য মন্ত্রী ওইরবা তুংদা, গুজরাত পুলিসনা লো অমসুং ওর্দরগী ফিভমশিংদা অহেনবা মিৎয়েং চঙদুনা খুন্নাইগী য়েক্নবশিংগী মাইয়োক্তা খোঙথাং কয়া পায়খত্তুনা লাকখিবনি হায়না মহাক্না পাউদমখি। পুলিসনা ঙসিদি মতমগা চুনবা, মীয়ামগী অপাম্বা খঙবা অমসুং তেক্নোলোজী নীংথিজনা শিজিন্নবা ওইরে অমসুং প্রধান মন্ত্রী নরেন্দ্র মোদীনা মখোয়গী সপ্পোর্ত সীস্তেম্বু মপাঙ্গল হেন্না লৈহল্লে। পনখ্রিবা মায় পাকপশিং অসি শুপ্নগী বিলদিং শাদুনা ফংখিবা নত্তে, মসিদা মীয়ামগী অপাম্বা খঙবগী য়াম্না মথৌ তাই অমসুং গুজরাত পুলিসন মসিমক পাংথোক্কনি হায়বগী থাজবা থম্লি হায়না মহাক্না মখা তাখি।

*****