ফিশরীজ, এনিমেল হসবেন্দরী অমসুং দাইরিয়িং মন্ত্রালয়গী ফিশরীজ বিভাগ (দি.ও.এফ.)না ইরাই নুমিৎ, জুলাই ২২, ২০২২দা “ফিশরী কোওপরেতিবশিংগী মতিক অমসুং থৌদাং” হায়বা ৱেবিনার অমা শীন-লাঙখ্রে। মসিনা ভারতনা নীংতমখিবা চহি ৭৫ মপুং ফারে তাকপগীদমক্তা হৌজিক চত্থরিবা নীংতম্বগী অমৃত মহোৎসবকী নুংঙাইবা ফোংদোকপগী শরুক অমা ওইনা বিভাগ অসিনা পাংথোকপা ১৪শুবা ৱেবিনারনি।

ভারত সরকার (জি.ও.আই.)গী ফিশরীজ বিভাগ (দি.ও.এফ.)কী সেক্রেতরী, শ্রী জতিন্দ্র নাথ স্বাইন, ইনলেন্দ ফিশররীজকী জোইন্ত সেক্রেতরী, শ্রী সাগর মেহরা, মেরিন ফিশররীজকী জোইন্ত সেক্রেতরী, দাঃ জে. বালাজীগা লোয়ননা বিভাগ অসিগী অতোপ্পা ওফিসিএলশিংনা থৌরম অসিবু লুচিংখি। হোলিস্তিক সেক্তোরেল দিভেলপমেন্তকী মাইকৈদা চঙলক্নবগীদমক্তা ঙামী লৌমীশিংগী পুন্সিবু নুংঙাই য়াইফহনবদা ফিশরীজ ওপরেতিবশিংগী মরু অইবা থৌদাংগী মতাংদা ৱারী শাবগী ফোরম অমা হাংদোকপা হায়বসিনা ৱেবিনার অসিগী মপুং ওইবা পান্দম্নি। লৈবাক শিনবা থুংবগী ফিশরীজ ভেল্যু-চেনগা মরী লৈনবা এক্সপর্ত পেনেলিস্ত, ফিশরী পাংথোক্লিবা মীওই অমসুং ঙামী লৌমী, ওন্তোপ্রিনর, ফিশরীজ কোওপরেতিব সোসাইতীশিংগী মেম্বর, তোঙানবা রাজ্য/য়ু.তি.শিংগী ফিশরীজ ওফিসিএল, রাজ্যগী এগ্রিকলচর, ফিশরীজ অমসুং ভেতেরিনারী য়ুনিভর্সিতীশিংগী ফেকলতী, ফিশরীজ কোওপরেতিব ওফিসর, সাইন্তিস্ত, মহৈরোই অমসুং অতোপ্পা স্তেকহোলদর য়াওনা পার্তিসিপেন্ত ১০০ হেনবনা ৱেবিনার অসিদা শরুক য়াখি।

ফিশরীজ সেক্রেতরী, শ্রী জতিন্দ্র নাথ স্বাইন্না ভারতকী ফিশরীজ সেক্তরগী প্রদক্সন অমসুং প্রদক্তিবিতী হেনগৎলকপদগী, কল্লেক্তিভাইজেসনগী খুত্থাংদা স্মোল-স্কেল ফিশরশিংনা ইন্সতিত্যুস্নেল ক্রেদিত, ক্বালিতী ইনপুত, ত্রান্সপোর্তেসন, লোজিস্তিক্সনচিংবা তেংবাং কয়া ফংহন্নবা কোওপরেতিবশিং শেমগৎপদা সরকারনা অহেনবা মিৎয়েং চঙলি হায়না ফোংদোকখি।

আই.এফ.কী জোইন্ত সেক্রেতরী, শ্রী সাগর মেহরানা লৈবাক অসিদা ফিশরীজ কোওপরেতিবশিংগী মরু ওইবগী মতাংদা ৱাফম থমখি। ভারতকী ফিশরীজ কোওপরেতিবশিংবু ইন্সতিত্যুস্নেলাইজ তৌবগী কান্নবগী মতাংদা শ্রী মেহরানা মশাগী ৱাখল্লোন্সু ফোংদোকখি। ফিশরীজনা সনরাইস সেক্তর অমা ওইবনা, দাইরী, এগ্রিকলচর ইন্দস্ত্রীগী খ্বাইদগী ফবা থবক-থৌরমশিংদগী তমজবগী তঙাই ফদবা লৈরি অমসুং হায়রিবা লৌশিং অসিবু ফিশরীজ সেক্তরগী কোওপরেতিব চাউখৎহনবদা শিজিন্ননবা হোৎনগদবনি হায়না মহাক্না হায়খি।

পি.এম.এম.এস.ৱাই.গী মখাদা লৈরিবা এফ.এফ.পি.ও. স্কিমশিংনা লুপা করোর ১৩৫গী ইনভেস্তমেন্ত তৌদুনা এফ.এফ.পি.ও. ৭২০ শেমগৎপগী খুত্থাংদা ফিশরীজ সেক্তরদা ইনক্লুসিব অমসুং সস্তেনেবল ওইবা অহোংবা অমা পুরক্নবা কন্না হোৎনরি। এফ.এফ.পি.ও. ৫০০দি পি.এম.এম.ৱাই.গী মখাদা শেম্লগনি, অদুগা ৱাৎহৌরিবা এফ.এফ.পি.ও. ২২০ অসিনা ভারত সরকারগী লৌউ-শিংউ অমসুং লৌমীশিংগী য়াইফ য়ুম্বাল বিভাগকী হৌজিক চলায়রিবা এফ.পি.ও. স্কিমশিং পুন্সিন্দুনা শেমগদবনি। ফিশরীজ বিভাগনা এন.সি.দি.সি. অমসুং নেস্নেল ফিশরীজ দিভেলপমেন্ত বোর্দ (এন.এফ.দি.বি.)কী তেংবাংগা লোয়ননা লুপা করোর ৪৭.৮০গী শেনফম ওইগদবা এফ.এফ.পি.ও. ৯০+ শেমদুনা হৌজিক ফাওবদা মাংজিল থানা থবক পায়খৎপা হৌখ্রে।

সরকার অসিনা ফিশ ফার্মর প্রদ্যুসর ওর্গনাইজেসন (এফ.এফ.পি.ও.)শিংনা প্রধান মন্ত্রী মতস্যা সম্পদা য়োজনা (পি.এম.এম.এস.ৱাই.)গী মখাদা ফিশরীজ সেক্তরগী শাহৌ লৌবা অমসুং চাংয়েংনবগী থৌওং হেনগৎহনবদা অচৌবা থৌদাং লৌগনি হায়বগী থাজবা থম্লি। রাজ্য/য়ু.তি.শিংনা মখোয়গী মেম্বরশিং মতিক লৈহন্দুনা ফিশরীজ কোওপরেতিব শেম্বগী ৱাখল্লোন পুথোক্তুনা মাং-থানা থোক্লক্নবা সরকারনা পুক্নিং থৌগৎলবসু, কোওপরেতিব নত্ত্রগা এফ.এফ.পি.ও. অমা শেম্বা হেক হৌবদগী মেম্বর ওইরিবা ঙামী লৌমীশিংবু মখুৎ পায়দুনা লমজিংবগী মেকানিজম শেমগৎপা অমসুং কেপাসিতী বিলদিং তৌবা হায়বসিসু মান্ননা মরু ওইরি। স্কিম অসিনা সোসিও-ইকোনোমিক দিভেলপমেন্ত অমসুং নুংঙাই য়াইফববু ঙামী খুন্নাইদা হোলিস্তিক ওইবা মওংদা পুরকপা ঙমগদবা ফিশ ফার্মিংগী চুনবা অমসুং তুং কোইনা চৎকদবা শেন্থোক লৈহনবগী মোদেল অমা শেম্বদা তেংবাংনবা পান্দম থম্লি।

এন.সি.পি.গী দাইরেক্তর জেনেরেল, শ্রী সন্দীপ কুমার নায়ক; পত্নাগী দি.এন.এস. রিজনেল ইন্সতিত্যুত ওফ কোওপরেতিব মেনেজমেন্তকী দাইরেক্তর, দাঃ কে.পি. রাজন; তমিল নাদুগী ফিশরীজকী এদিস্নেল দাইরেক্তর, দাঃ এস. নুরজহান বীবি অমসুং হিমাচল প্রদেশকী উনাদা লৈবা এগ্রিওর্গানিক প্রদ্যুসর কম্পেনী লিমিতেদকী বোর্দ ওফ দাইরেক্তর, শ্রী অনিল রানানা এক্সপর্ত পেনেল সেসন্দা মখোয়গী মমল নাইদ্রবা ৱাখল্লোন ফোংদোকখি। ৱেবিনার অসিনা লোইশিল্লকপদা, মসিদা শরুক য়ারিবশিংনা হংলকপা মখল য়াম্বা ৱাহংগী পাউখুম পীবগা লোয়নবা খন্ন-নৈনবগী খুদোংচাবসু ফোরম অসিনা পীখি।  

***