১৯৯৯গী কার্গিল লান্দা পাকিস্তানবু মায়থিবা পীখিবা চহি ২৩ মপুং ফারকপবু নীংশিং পালন পাঙথোক্নবা অমসুং 'অজাদি কা অমৃত মহোৎসব'কী ৱাখল্লোন পুদুনা ইন্দিয়ন আর্মিনা নৈ দিল্লীদগী দ্রাস (লাদাখ)তা লৈবা কার্হিল ৱার মেমোরিয়াল তম্না মোতোর বাইক এক্সপিদিসন অমা পাঙথোকখ্রে। মীওই ৩০না শাবা রেলী অদু লেফতনেন্ত জেনরেল বি. এস. রাজু, ভাইস চীফ ওব আর্মি স্তাফনা নেসনেল ৱার মেমোরিএল, নৈ দিল্লীদগী জুলাই ১৮, ২২দা লমথাখি।

লাক্কদবা নুমিৎ তরুকনি অসিদা, 'দ্রিম এক্সপিদিসন' অসিদা থাগদৌরিবা সর্ভিং পার্সনেল ৩০না শাবা কাংবু অসিনা কার্গিলগী মরিংজেল লৈরবা থৱাইশিং অদুগী মুৎপা নাইদ্রবা থৌনাবু ইন্দিয়ন আর্মিগী ৱাহন্থোক্কা মান্নরিবা ফোর্তিত্যুদ, থৌনা অমসুং এদভেঞ্চরগী ৱাখল্লোনবু অমুক নৌহৌননা মৈরি চুদুনা মহুৎ শিনগনি। বাইক রেলী অদুনা দ্রাস্তা লৈরিবা কার্গিল ৱার মেমোরিএলদা জুলাই ২৬, ২২দা য়ৌদ্রিঙৈদা হরিয়ানা, পঞ্জাব, জম্মু অমসুং কাশ্মির অমসুং লাদাখ লান্দুনা চৎকনি। মফম য়াম্না কোনবা ঙম্ননবগীদমক, রেলী অসি কাংলুপ অনি থোক্না খায়দোক্তুনা নাকন অনিদগী চৎকনি; হায়বদি জোজিলা পাস এক্সিস অমসুং রোতং পাস এক্সিস, মসিদা মথং মনাও নাইনা কিলোমিতর ১৪০০ অমসুং ১৭০০কী অরাপ্পা থৌগনি। রেলী অসিগী মনুংদা, কাংবু অসিনা অৱাংবা চীংগী পাস অমসুং লানবদা ৱারবা লম্বী কয়া ফাওদুনা লম্বীদা লৈরিবা অথাপ্পা লমশিং য়ৌগনি।

রেলী অসিনা লৈবাক্কী সেবাগীদমক মথৌ তৌরিবা থৌনা ফরবা ঐখোয়গী লান্মীশিংনা উৎলিবা থৌনা অমসুং অচেৎপা ফিরেপপু মশক তাক্তুনা ইমা লৈবাক নুংশিবগী পাউজেল শন্দোক্কনি।

***************