মমাংগী চহিদগী চত্থরক্লিবা মওং অদু মখা তানা চত্থদুনা, হন্দক্কী ফাইনান্সিয়েল য়িয়র ২০২২-২৩ (এপ্রিল-জুন)গী অহানবা থা অহুমগী লৌউ-শিংউ অমসুং প্রোসেস তৌরবা অচা-অথক্কী পোত্থোকশিংগী এক্সপোর্ত অসি ফাইনান্সিয়েল য়িয়র ২০২১-২২গী চপ মান্নবা মতমগা চাংদম্নবআ মতমদা চাদা ১৪ হেনগৎলকখ্রে।

চহি ২০২২-২৩গীদমক্তা, সরকার অসিনা এ.পি.ই.দি.এ.গী মখাদা লৌউ-শিংউ অমসুং প্রোসেস তৌরবা অচা-অথক্কী পোত্থোকশিংগী বাস্কেতকীদমক্তা য়ু.এস দোলর বিলিয়ন ২৩.৫৬কী এক্সপোর্ত তার্গেত অমা থমখ্রে। কমর্স অমসুং ইন্দস্ত্রীগী মন্ত্রালয় লৌখৎলকখিবা অনৌবা খোংথাংশিং অদুনা লৈবাক অসিবু হন্দক্কী ফিস্কেল অসিগী অহানবা থা অহুম অসিদা চহি অমগী অপুনবা এক্সপোর্তকী চাদা ২৫ য়ৌবা ঙমহনখি।

দাইরেক্তোরেত জেনরেল ওফ কমর্সিয়েল ইন্তেলিজেন্স এন্দ স্তেতিস্তিক্স (দি.জি.সি.আই. অমসুং এস.)না থাদোরকপা ক্বিক এস্তিমেতস দেতাগী মতুং ইন্না, এ.পি.ই.দি.এ. অম্বিৎ (এগ্রিকলচরেল এন্দ প্রোসএসদ ফুদ প্রোদক্তস দেবেলপমেন্ত ওথোরিতী)গী মখাদা এক্সপোর্ত তৌখিবা পোত্থোকশিংগী পুল্লপকী অপুনবা অসি মমাংগী ফিস্কেলগা চপ মান্নবা মতমগী মনুংদা য়ু.এস. দোলর  মিলিয়ন ৫৮৯০ ওইরম্বদগী ২০২২গী এপ্রিল-জুনদা য়ু.এস. দোলর মিলিয়ন ৫৯৮৭দা হেনগৎলকখি। ২০২২-২৩গী এপ্রিল-জুনগীদমক্তা এক্সপোর্ত তার্গেত অসি য়ু.এস. দোলর মিলিয়ন ৫৮৯০ ওইখি।  এ.পি.ই.দি.এ. বাস্কেত অসিদা চা, চোফী, মরু-মরাংশিং, লশিং অমসুং মেরিন এক্সপোর্তশিং য়াওদে।

অতেকপা হৈশিং অমসুং ইনশাং-নাপিশিং এক্সপোর্তশিং অসিনা চাদা ৮.৬ হেনগৎলকপা থেংনখি, অদুগা সেরিয়লশিং অমসুং অতোপ্পা প্রোসেস তৌরবা পোৎলমশিংগুম্বা প্রোসেস তৌরবা অচা-অথক্কী পোত্থোকশিং অসিনা মমাং চহিগা চাংদম্নবদা চপ মান্নবা মতমগী মনুংদা (২০২২-২৩গী এপ্রিল-জুন)দা চাদা ৩৬.৪ হেনগৎলকপা থেংনখি।  ২০২১গী এপ্রিল-জুনদা অতেকপা  হৈশিং অমসুং ইনশাং-নাপিশিং অসি য়ু.এস. দোলর মিলিয়ন ৬৪২ এক্সপোর্ত তৌরম্বা অদু হন্দক্কী ফিস্কেল অসিদা চপ মান্নবা মমাং চহিগা চপ মতমগী মনুংদা য়ু.এস. দোলর ৬৯৭দা হেনগৎলকখ্রে। অতোপ্পা সেরিয়লশিংগী এক্সপোর্ত অসি ২০২১গী এপ্রিল-জুনদা য়ু.এস. দোলর মিলিয়ন ২৩৭ ওইরম্বদগী ২০২২গী এপ্রিল-জুনদা য়ু.এস. দোলর মিলিয়ন ৩০৬দা হেনগৎলকখি অমসুং মীত, দেয়রী অমসুং পোলত্রীগী পোত্থোকশিংগী এক্সপোর্ত অসি ২০২১গী এপ্রিল-জুনদা য়ু.এস. দোলর মিলিয়ন ১০২৩ ওইরম্বদগী ২০২২গী এপ্রিল-জুনদা য়ু.এস. দোলর মিলিয়ন ১১২০দা হেনগৎলকখ্রে।

এফ.ৱাই. ২০২২-২৩গী অহানবা থা অহুমদা চেংগী এক্সপোর্ত অসি চাদা ১৩ হেনগৎলকপা থেংনকি অদুগা মীত, দেয়রী অমসুং পোলত্রিগী পোত্থোকশিংনা চাদা ৯.৫ হেনগৎলকখি অমসুং সেরিয়লশিং এক্সপোর্তনা চাদা ২৯ হেনগৎলকখি। চেংগী এক্সপোর্ত অসি ২০২১গী এপ্রিল-জুনদা য়ু.এস. দোলর মিলিয়ন ২৪১২ ওইরম্বদগী ২০২২গী এপ্রিল-জুনদা য়ু.এস. দোলর মিলিয়ন ২৭৩৩দা হেনগৎলকখি। দেয়রীগী পোত্থোকশিং অসি হন্দক্কী ফিস্কেলগী অহানবা থা অহুমগা মমাং চহিগী চপ মান্নবা মতমগা চাংদম্নবদা মিলিয়ন ওইরম্বদগী য়ু.এস. দোলর মিলিয়ন ১১২০ রোম এক্সপোর্ত তৌখি। 

 “ঐখোয়না লৈবাক অসিদগী তোপ-তোপ্পা পোত্থোকশিং এক্সপোর্ত তৌবদা ঈনোৎ হাপ্নবগীদমক্তা লৌউ-শিংউগী ওইবা পোৎ-চৈশিং ভেল্যু চেনদা য়াওরিবা স্তেকহোল্দর কয়া অমদা তেক্নিকেল অমসুং শেলগী ওইবা মতেং মখাতানা অদুমক পীরি। এগ্রি-এক্সপপোর্তস ভেল্যু চেনশিংদা য়াওরিবা মরু ওইবা স্তেকহোল্দরশিংগা খুৎশম্ননা থবক তৌমিন্নবগা লোইননা এক্সপোর্তশিংগী তঙাইফদবা ইকো-সীস্তেম অমা শেমদুনা, ঐখোয়না হন্দক্কী ফিস্কেল অসিদসু ভারতকী লৌউ-শিংউ অমসুং প্রোসেস তৌরবা অচা-অথকশিংগী এক্সপোর্ত্তা গ্রোথ লেংদনা থম্নবা পান্দম থম্লি,” এ.পি.ই.দি.এ.গী চিয়রমেন, এম. অঙ্গমুথুনা হায়খি।

ভারতকী লৌউ-শিংউগী পোত্থোকশিংগী এক্সপোর্ত অসি য়ু.এস. দোলর বিলিয়ন ৫০.২১ য়ৌনবা ২০২১-২২দা চাদা ১৯.৯২ হেনগৎলকখ্রে। গ্রোথ রেত অসি ২০২০-২১দা য়ৌখিবা য়ু.এস. দোলর বিলিয়ন ৪১.৮৭ ওইদুনা চাদা ১৭.৬৬ হেংগৎলকখিবা অদুগী মথক্তা অমসুং হেন্দুনা য়াম্না শিংথানিংঙাই ওই অমসুং হায়রিবা অসি ফ্রৈতকী মমল য়াম্না ৱাংবা অমসুং কন্তেন্নরগী অৱাৎপা লৈবনা চিংবা অসিগুম্বা থাজরুদবা লোজিস্তিক্কী ওইবা শিংনবশিং কয়া অমা লৈনা-লৈনা ফংবা ঙমখিবনি।

লৌউ-শিংউ অমসুং প্রোসেস তৌরবা অচা-অথক্কী পোত্থোকশিংগী এক্সপোর্ত হেনগৎলক্লিবা অসি ভারত সরকারনা লৌউ-শিংউ অমসুং প্রোসেস তৌরবা অচা-অথকশিংগী এক্সপোর্ত প্রোমোত তৌনবগীদমক্তা লৌখৎখিবা অনৌবা খোংথাংশিং খুদম ওইনা তোঙান-তোঙানবা লৈবাকশিংদা বি.২.বি. একজিবিশনশিং শিনবা, ভারতকী এম্বেসীশিংনা হকথেংননা শরুক য়াদুনা অখন্নবা পোত্থোক অমসুং জেনরেল ওইবা মার্কেতিং কেমপেনশিংগী খুত্থাংদা মতিক লৈবা অনৌবা মার্কেতশিং  থিজিনবনা মরম ওইরগা ফংলকপা ফলনি। সরকার অসিনা য়ুনাইতেদ আরব এমিরেতসকা লোইননা লৌউ-শিংউ অমসুং অচা-অথকশিংগী পোত্থোকশিংগী মতাংদা অমসুং য়ু.এস.এ.গা লোইনা হেন্দিক্রাফ য়াওনা জি.আই.গী পোত্থোকশিংগী মতাংদা ভর্চুৱল ওইবা বায়র সেলর মীতশিং শিন্দুনা ভারতনা জিয়োগ্রাফিকেল ইন্দিকেশন (জি.আই.) রেজিস্তর তৌরবা পোত্থোকশিং প্রোমোত তৌনবা অনৌবা খোংথাং কয়া অমসু পাইখৎখ্রে।

এক্সপোর্ত তৌগদবা পোত্থোকশিংগী ক্বালিতী সর্তিফিকেশনদা অশোইবা অমত্তা লৈহন্দনবা, সরকার অসিনা পোত্থোকশিং অমসুং এক্সপোর্তর মখল কয়া অমদা তেস্ত তৌবগী সর্বিস অসি পীনগীদমক্তা ভারত শিনবা থুংনা লেব ২২০ রিকোগনাইজ তৌখ্রে।

*****