విజయ గాథ

 

కమ్యూనిటీ సభ్యులు , ప్రభుత్వ అధికారుల సమిష్టి కృషి కారణంగా, తమిళనాడు కాంచీపురం జిల్లాలోని పప్పన్కుళి గ్రామ పంచాయితీలో బూడిదరంగు నీటి నిర్వహణ వ్యవస్థ నూటికి నూరు శాతం విజయవంతంగా అమలు జరిగింది. వ్యక్తిగత ఇంటి ఇంకుడు గుంతలు , కమ్యూనిటీ ఇంకుడు గుంతలను హోరిజోనల్ లేదా వర్టికల్ టైప్ ఫిల్టర్ తో కూడిన ఈ సిస్టమ్, గ్రామంలో రోజుకు ఉత్పత్తి అయ్యే 42,000 లీటర్ల గ్రే వాటర్ ని సమర్థవంతంగా శుద్ధి చేస్తుంది.

ఈ చొరవ స్వచ్ఛ భారత్ మిషన్ గ్రామీణ్ (ఎస్ బిఎమ్-జి) ఫేజ్ 2 క్యాంపెయిన్ లో ఒక భాగం, దీనిలో గ్రేవాటర్ మేనేజ్ మెంట్ ఒక అంతర్భాగం.

 

కమ్యూనిటీ నాయకత్వం: గ్రామంలో గ్రే వాటర్ మేనేజ్ మెంట్ ఆవశ్యకతను, ఘన, ద్రవ వ్యర్థాల మేనేజ్ మెంట్ ప్రాముఖ్యత గురించి అవగాహన కల్పించడంలో స్వచ్ఛగ్రాహి, శ్రీమతి ఎ. సరళా దేవి కీలక పాత్ర పోషించారు.బూడిద రంగు నీరు అంటే ఏమిటి , బూడిదరంగు నీటి నిర్వహణ సరిగా లేకుంటే జరిగే హాని, నష్టాల గురించి ప్రజలకు అవగాహన కల్పించారు. ఆ తరువాత, గ్రామ ప్రెసిడెంటు , పంచాయితీ కార్యదర్శి శ్రీ గణేశన్ గ్రేవాటర్ నిర్వహణ అవసరాన్ని ఆచరణలో పెట్టడం లో కీలక పాత్ర పోషించారు.  2021 నవంబరులో పప్పన్కుళిలో ఇందుకు సంబంధించిన ఒక వ్యవస్థను స్థాపించడానికి అవసరమైన నిధులను కేటాయించారు.

ఈ వ్యవస్థ ఆపరేషన్ , మెయింటెనెన్స్ గురించి పంచాయితీ శ్రద్ధ వహిస్తూనే మరింత మెరుగైన నిర్వహణ కోసం కొన్ని జాగ్రత్తలు పాటించేలా కమ్యూనిటీని ప్రోత్సహించారు. ఇందులో వ్యర్థాలను డ్రైనేజీ ఛానల్ లోనికి డంప్ చేయకుండా చూసుకోవడం కూడా ఉంది; బూడిదరంగు నీరు నిలిచిపోకుండా నిరోధించడానికి పూడిక తొలగించడం తో పాటు lక్రమం తప్పకుండా  ప్రవాహ నీటి కాలువను శుభ్ర పరిచే ప్రక్రియ ను కొనసాగించారు.

 

గ్రామ నేపథ్యం: కాంచీపురం జిల్లాలోని శ్రీపెరంబుదూర్ బ్లాక్ లో ఉన్న పప్పన్కుళి రెండు ఆవాసాలను కలిగి ఉంది, అవి పప్పన్కుళి గ్రామం , పప్పన్కుళి కాలనీ 474 గృహాల నుండి మొత్తం 1016 జనాభాతో ఉన్నాయి. గ్రామంలో 30,000 లీటర్ల సామర్థ్యం కలిగిన రెండు ఓవర్ హెడ్ ట్యాంకులు ఉన్నాయి.  ప్రతిరోజూ, గృహాలు సుమారు 60,000 లీటర్ల నీటిని వినియోగిస్తాయి, వీటిలో 70 శాతం బూడిద రంగు నీరుగా మారుతుంది, ఇది రోజుకు 42,000 లీటర్లు.

 

ఇంతకు ముందు, అటువంటి నిర్వహణ వ్యవస్థ లేనప్పుడు, బూడిదరంగు నీటిని రోడ్లపైకి వదలడం వల్ల కాలుష్యానికి, నీరు ఎక్కడికక్కడ నిలిచిపోయి, కాలుష్యం ఏర్పడి  దోమలు, సూక్ష్మజీవులు , పరాన్నజీవులకు సంతానోత్పత్తి కేంద్రంగా ఉండేది. తద్వారా

డెంగ్యూ, మలేరియా , కలరా వంటి వ్యాధులకు దారి తీసేది. పరిస్థితిని మరింత దిగ జార్చేలా నీటి వనరులలోకి బహిరంగ డంపింగ్ , విడుదల జరిగింది, ఇది అధిక నీటి మట్టం ఉన్న ప్రాంతాలలో ఉపరితల,  భూగర్భ జలాలను కలుషితం చేసింది. తీవ్రమైన నీటి కొరత నుండి ఉపశమనం కలిగించడానికి శుద్ధి చేసిన గ్రే వాటర్ ను ఉపయోగించవచ్చని సమాజానికి కూడా తెలియదు.

 

గ్రే వాటర్ అంటే ఏమిటి: గ్రే వాటర్ అనేది మల పదార్థం లేదా మూత్రంతో కలుషితం కాని వ్యర్థ నీటి యొక్క కేటగిరీ. స్నానం చేసిన నీరు, పాత్రలు కడిగిని నీరు, లాండ్రీ నీరు మొదలైనవి గ్రే వాటర్ తరగతి కిందకు వస్తాయి. 

 

సమర్థవంతంగా గ్రే వాటర్ నిర్వహణ (జిడబ్ల్యుఎమ్) కోసం అనుసరించిన ఇంకుడు గుంతల నమూనాలు: వ్యక్తిగత ఇంటి స్థాయిలో బూడిదరంగు నీటిని నిర్వహించడానికి అనువైన వ్యక్తిగత ఇంటి ఇంకుడు గుంతలను 93 గృహాలలో ఒక్కొక్కటి రూ. 9300 ఖర్చుతో నిర్మించారు.ఇంకా, హారిజాంటల్ టైప్ ఫిల్టర్ తో 2 కమ్యూనిటీ ఇంకుడు గుంతలను డ్రైనేజీ వ్యవస్థల డిస్పోజల్ పాయింట్ల వద్ద ఒక్కొక్కటి రూ. 1,33,000 ఖర్చుతో నిర్మించారు. ఇటువంటి ఇంకుడు గుంతలు అధిక భూగర్భజల పట్టిక కలిగిన క్లస్టర్ లకు అనుకూలంగా ఉంటాయి శుద్ధి చేసిన నీటిని వ్యవసాయ అవసరాలకు ఉపయోగించవచ్చు. అదనంగా, తక్కువ నీటి పట్టిక కలిగిన క్లస్టర్ లకు అనువైన వర్టికల్ టైప్ ఫిల్టర్ తో ఒక కమ్యూనిటీ ఇంకుడు గుంతను డ్రైనేజీ సిస్టమ్ డిస్పోజల్ పాయింట్ వద్ద రూ. 127,000 ఖర్చుతో నిర్మించారు.

 

స్థానికంగా లభ్యం అయ్యే మెటీరియల్ తో వ్యక్తిగత గృహాల ఇంకుడు గుంతలను నిర్మించడం సులభం.  ఈ వ్యవస్థ కింద గ్రే వాటర్ ను మూలం వద్ద నే శుద్ధి చేయవచ్చు, గ్రామ రహదారుల పైకి,, బహిరంగ ప్రదేశం

లోకి, భూమి లేదా లోతట్టు ప్రాంతాలలో గ్రే వాటర్ ప్రవహించకుండా నిరోధించవచ్చు. పప్పన్కుళి గ్రామంలో, 93 గృహాలను డ్రైనేజీ కాలువకు అనుసంధానించలేకపోయారు అందువల్ల బూడిద నీటిని నిర్వహించడానికి వ్యక్తిగత ఇంటి ఇంకుడు గుంతలను కల్పించారు.

 

వ్యక్తిగత గృహ సోక్ పిట్ భాగాలు ఒక నీటి సేకరణ పైపు లేదా ప్లాట్‌ఫారమ్‌ను కలిగి ఉంటాయి, ఇక్కడ గృహాలలో ఉత్పత్తి చేయబడిన గ్రేవాటర్ సేకరించబడుతుంది; గ్రేవాటర్‌లో సస్పెండ్ చేయబడిన ఘన మరియు ఇతర తేలియాడే పదార్థాలు ఫిల్టర్ చేయబడే తనిఖీ గది; మరియు సస్పెండ్ చేయబడిన కణాలు స్థిరపడిన ప్రదేశంలో ఉంచబడిన కాంక్రీట్ టబ్‌తో కూడిన సోక్ పిట్, గ్రేవాటర్ వడపోత మాధ్యమంలోకి పొంగిపొర్లుతుంది, అక్కడ అది ఫిల్టర్ చేయబడి సురక్షితంగా భూమిలోకి చొచ్చుకుపోతుంది.

 

హారిజాంటల్ , వర్టికల్ టైప్ ఫిల్టర్ లతో కమ్యూనిటీ ఇంకుడు గుంతలు: హారిజాంటల్ , వర్టికల్ టైప్ ఫిల్టర్ ఇంకుడు గుంతలు రెండూ కూడా స్థలం పరిమితులు ఉన్న గృహాల నుంచి ఉత్పత్తి అయ్యే బూడిదరంగు నీటిని శుద్ధి చేయడం లో సమర్థవంతంగా పనిచేస్తాయి.  వీటిని ఇవి సాధారణంగా డ్రైనేజీ వ్యవస్థల డిశ్చార్జ్ పాయింట్ల వద్ద నిర్మిస్తారు.

 

పప్పన్ కుళి గ్రామంలో గ్రే వాటర్ డిస్పోజల్ పాయింట్ వరకు డ్రైనేజీ వ్యవస్థలు నిర్మించబడ్డాయి.  హారిజాంటల్ టైప్ ఇంకుడు గుంతలు అధిక నీటి పట్టిక ఉన్న ప్రదేశాలకు అనుకూలంగా ఉంటాయి, ఇక్కడ శుద్ధి చేసిన నీటిని తిరిగి పొందవచ్చు వ్యవసాయ కార్యకలాపాలకు తిరిగి ఉపయోగించవచ్చు; పప్పన్కుళి గ్రామంలో ఇటువంటి రెండు ఇంకుడు గుంతలు నిర్మించబడ్డాయి.

 

మరోవైపు, క్షితిజ సమాంతర రకం ఇంకుడు గుంతలతో పోలిస్తే వర్టికల్ టైప్ ఇంకుడు గుంతలకు తక్కువ భూమి వైశాల్యం అవసరం అవుతుంది అలాగే తక్కువ నీటి మట్టంఉన్న ప్రాంతాల్లో వీటిని నిర్మించవచ్చు, ఇక్కడ శుద్ధి చేసిన నీరు భూగర్భ జల మట్టాన్ని పెంచడానికి సహాయపడుతుంది. పప్పన్కుళిలో శివన్ కోయిల్ వీధికి సమీపంలో రూ.1,27,000 వ్యయంతో ఒక వర్టికల్ ఇంకుడు గుంత ను నిర్మించారు.

 

******

(Release ID: 1841992) Visitor Counter : 215